ރެއާލް މެޑްރިޑްގެ އޮފާއެއް އަދި ނުލިބޭ ކަމަށް މޮރީނިއޯ ބުނެފި

May 1, 2026, 11:19 PM
ބެންފީކާގެ ކޯޗު ހޯސޭ މޮރީނިއޯ: ރެއާލް މެޑްރިޑްގެ ކޯޗުކަމާ ހަވާލުވާން މޮރީނިއޯއާ މަޝްވަރާ ކުރަމުން އަންނަ ކަމަށް ދެކެވޭ ވާހަަކަތަކުގައި ހަގީގަތެއް ނެތް.

ބެންފީކާގެ ކޯޗު ހޯސޭ މޮރީނިއޯ: ރެއާލް މެޑްރިޑްގެ ކޯޗުކަމާ ހަވާލުވާން މޮރީނިއޯއާ މަޝްވަރާ ކުރަމުން އަންނަ ކަމަށް ދެކެވޭ ވާހަަކަތަކުގައި ހަގީގަތެއް ނެތް.

ލިޒްބަން (މެއި 1) - ރެއާލް މެޑްރިޑްގެ ކޯޗުކަމާ ހަވާލުވާން އޭނާ އަށް އަދި ހުށަހެޅުމެއް ލިބިފައިނުވާ ކަމަށް ބެންފީކާގެ ކޯޗުކަމާ ހަވާލުވެ ހުރި ޕޯޗުގީސް ތަޖުރިބާކާރު ކޯޗު، ހޯސޭ މޮރީނިއޯ ބުނެފި އެވެ. 

މޮރިިނިއޯ ވަނީ 2010 އިން 2013 އަށް ރެއާލް މެޑްރިޑަށް ކޯޗުކޮށްދީފަ އެވެ. އެ ގޮތުން، އެ މުއްދަތުގައި، 2012 ވަނަ އަހަރުގެ ސްޕެނިޝް ލީގުގެ ޗެމްޕިއަންކަން ރެއާލަށް ހޯދައިދިން މޮރީނިއޯ އަކީ އަންނަ ސީޒަނުގައި އެ ޓީމާ ހަވާލުވާނެ ކޯޗުކަމަށް ސްޕެއިނުގެ މީޑިއާގައި ވަނީ އަޑުފެތުރިފަ އެެވެ. އެކަމަކު، ޕޯޗުގީސް މީޑިއާ އިން ކުރި ސުވާލަކަށް ދިން ޖަވާބުގައި މޮރީނިއޯ ވަނީ ރެއާލާ އެކު މަޝްވަރާއެއް އަދި ކުރިއަށްނުދާ ކަމަށް ބުނެފަ އެވެ. 

"ރެއާލުން އެކަކު ވެސް އަދި އަހަންނާ ވާހަކައެއް ނުދައްކާ. އަހަންނަށް އެކަމުގެ ގެރެންޓީ (ޔަގީންކަން) ދެވިދާނެ. އަހަރެން ފުޓްބޯޅައިގައި ވަރަށް ގިނަ ދުވަހު އުޅެފިން، އެހެންވީމަ، މި ކަހަލަ ވާހަކަތައް އަންނާނެކަން އަހަންނަށް އެނގޭ. ޔަގީންކަމެއް، އަދި ރެއާލުން ވާހަކައެއް ނުދައްކާ،" އުމުރުން 63 އަހަރުގެ މޮރީނިއޯ ބުންޏެވެ. 

ކުރިން ދެ ފަހަރެއްގެ މަތިން ޗެލްސީ އަށް ކޯޗުކޮށްދިނުމުގެ އިތުރުން، އިނގިރޭސި ޕްރިމިއާ ލީގުަގައި މެންޗެސްޓާ ޔުނައިޓެޑާއި ޓޮޓެންހަމް ހޮޓްސްޕާސް އަށް ކޯޗުކޮށްދިން މޮރީނިއޯ ބުނީ، ބެންފީކާއާ އެކު، އޭނާ ހަދާފައި އޮތް އެއްބަސްވުމުގައި ބާކީ އެއް އަހަރު އެބައޮތް ކަމަށެވެ. 

"މި ވަގުތު އަހަންނަށް މުހިންމީ މި ކޮންޓްރެކްޓްގެ ވާހަކަ ދެއްކުން،" 20 އަހަރަށް ފަހު، މިދިޔަ އަހަރު ބެންފީކާގެ ކޯޗުކަމާ އަލުން ހަވާލުވި މޮރީނިއޯ ބުންޏެވެ. 

ރެއާލުން މި ސީޒަން ފެށީ، ޒަބީ އަލޮންސޯގެ ކޯޗުކަމުގަ އެވެ. އެކަމަކު، ނަތީޖާތައް ދަށްވުމާއި، ޓީމު ކުޅުންތެރިންނާ ޖެހުނު މައްސަލަތަކާ ހެދި އަލޮންސޯ އަށް އެ ޓީމުގައި ކުރިއަށް ނުދެވުނެވެ. އެހެންވެ، ރެއާލުން ވަގުތީ ކޯޗަކަށް ގެނައީ ކުރީގެ ކުޅުންތެރިޔާ އަދި ރިޒާވް ޓީމުގެ ކޯޗު، އަލްވާރޯ އާބެލޯއާ އެވެ. އާބެލޯއާގެ ކޯޗުކަމުގައި ވެސް ކުރިއެރުމެއް ނުފެނި، ރެއާލުން އާ ކޯޗެއް ގެންނަން މަސައްކަތް ފަށާފައިވަނީ އަންނަ ސީޒަނުން ފެށިގެން ކޮންޓްރެކްޓް ކުރިއަށްދާ ގޮތަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox