ހަތަރު މިނިޓް ތެރޭ ދެ ގޯލު ޖަހައިގެން މޮޅުވެ ސިޓީ އެފްއޭ ކަޕް ފައިނަލަށް

Apr 25, 2026, 11:53 PM
ސިޓީ މޮޅުވި ގޯލު ޖެހި ނިކޯ ގޮންޒާލޭޒް ލަނޑު ޖެހުމަށް ފަހު އުފާފާޅުކުރަނީ: ސެމީ ފައިނަލުގައި ސިޓީން ދެ ގޯލު ވެސް ޖެހީ ފަހު ވަގުތު.

ސިޓީ މޮޅުވި ގޯލު ޖެހި ނިކޯ ގޮންޒާލޭޒް ލަނޑު ޖެހުމަށް ފަހު އުފާފާޅުކުރަނީ: ސެމީ ފައިނަލުގައި ސިޓީން ދެ ގޯލު ވެސް ޖެހީ ފަހު ވަގުތު.

ލަންޑަން (އޭޕްރީލް 25) - ސެމީ ފައިނަލުގައި މިރޭ ހަތަރު މިނިޓް ތެރޭ ދެ ގޯލު ޖަހައިގެން ފަހަތުން އަރައި 2-1 އިން ސައުތެމްޓަން ބަލިކޮށް މެންޗެސްޓާ ސިޓީން ޖެހިޖެހިގެން ހަތަރު ވަނަ ފަހަރަށް އެފްއޭ ކަޕް ފައިނަލަށް ދަތުރުކޮށްފި އެވެ. 

ސިޓީ އަކީ ޖެހިޖެހިގެން ހަތަރު ފަހަރަށް އެފްއޭ ކަޕް ފައިނަލުން ޖާގަ ހޯދި ފުރަތަމަ ޓީމެވެ. ފައިނަލުގައި ސިޓީން ކުޅޭނީ ޗެލްސީ ނޫނީ ލީޑްސް ޔުނައިޓެޑާ އެވެ. 

މިއީ، ޕެޕް ގާޑިއޯލާ ހަވާލުވި ފަހުން ސިޓީން އެފްއޭ ކަޕް ފައިނަލުގައި ކުޅޭ ފަސް ވަނަ ފަހަރެެވެ. މީގެ ކުރިން، ގާޑިއޯލާގެ ކޯޗުކަމުގައި ސިޓީން ވަނީ ދެ ފަހަރަށް އެފްއޭ ކަޕްގެ ޗެމްޕިއަންކަން ހޯދައިފަ އެވެ. އެއީ، 2019 ވަނަ އަހަރާއި 2023 ވަނަ އަހަރު އެވެ. މިދިޔަ ދެ އަހަރު ސިޓީ ވަނީ އެފްއޭ ކަޕް ފައިނަލުން ބަލިވެފަ އެވެ.

Advertisement

ސިޓީން ވަނީ އާސެނަލް ބަލިކޮށް މި ސީޒަނުގެ އިނގިރޭސި ލީގު ކަޕް ޗެމްޕިއަންކަން ހޯދައިފަ އެވެ. އަދި، އެފްއޭ ކަޕްގެ ފައިނަލުން ޖާގަ ހޯދީ މުބާރާތުގެ ކުއާޓާ ފައިނަލުގައި އާސެނަލްގެ މައްޗަށް ކުރިހޯދި ސައުތެމްޓަން އަތުން ސެމީ ފައިނަލުގައި ކުރިހޯދައިގެންނެވެ. 

ވެމްބްލީ ސްޓޭޑިއަމްގައި މިރޭ ކުޅުނު މެޗުގެ ފުރަތަމަ ހާފުގައި ސިޓީ އަށް ލަނޑުޖަހައިދޭން ޓިޖާނީ ރައިންޑާސް ފޮނުވާލި ބޯޅަ އަމާޒުވީ ގޯލުގެ ދަނޑިއަށެވެ. 

މެޗުގައި ލީޑުނެގީ ސައުތެމްޓަނުންނެވެ. މެޗުގެ 79 ވަަނަ މިނިޓްގައި ސައުތެމްޓަންގެ ފިން އަޒާޒް، އޭރިއާ ރޮނގުކައިރިން ފޮނުވާލި ބޯޅަ ސިޓީގެ ކީޕަރު، ޖޭމްސް ޓްރަފޯޑް އަތްމަތިން ގޮސް އަމާޒުވީ ގޯލުގެ މަތީ ކަނަށެވެ. ލީޑެއް ލިބުނު ނަމަވެސް ސައުތެމްޓަނަށް ހިފަަހައްޓައިލެވޭ ގޮތެއްނުވި އެވެ. 

ސައުތެމްޓަން އިން ލީޑުނެގިތާ ތިން މިނިޓް ފަހުން ސިޓީން ވަނީ އެއްވަރުކޮށްފަ އެވެ. މެޗުގެ 82 ވަނަ މިނިޓްގައި ރައިންޑާސް ދިން ބޯޅައަކުން މި ލަނޑު ޖެހީ ޖެރެމީ ޑޮކޫ އެވެ. އޭރިއާ ބޭރުން ޑޮކޫ ޖެހި ބޯޅަ ގޯލަށް ވަނީ ސައުތެމްޓަން ކުޅުންތެރިއަކު ފައިގައި ޖެހިފަ އެވެ. ނަތީޖާ ހަަމަހަމަކުރިތާ ހަތަރު މިނިޓް ފަހުން ސިޓީން ވަނީ މެޗުން މޮޅުވި ގޯލު ޖަހައިފަ އެވެ. ޑޮކޫ ދިން ބޯޅައެއް ކޮންޓްރޯލް ކުރުމަށް ފަހު، އޭރިއާބޭރުން ނިކޯ ގޮންޒާލޭޒް ފޮނުވާލި ބާރު ބޯޅަ އަމާޒުވީ ގޯލުގެ މަތީ ކަނަށެވެ. 

ސިޓީ އަށް ތިން ވަނަ ގޯލެއް ޖަހައިދޭން ސަވީނިއޯ އަށް ލިބުނު ރަނުގެ ފުރުސަތެއްގައި، ފޮނުވާލި ބޯޅަ ގޯލު ރޮނގުމަތިން ސައުތެމްޓަން ކުޅުންތެރިން ވަނީ ސަލާމަތްކޮށްފަ އެވެ. އަދި، ސިޓީގެ ރަޔާން ޗާކީ އަށް ލަނޑު ޖަހަން ލިބުނު ފުރުސަތުގައި ފޮނުވާލި ބޯޅަ ވެސް ގޯލަށް ވައްދާލެވޭ ގޮތެއްނުވި އެވެ. 

އެފްއޭ ކަޕް ފައިނަލް ކުޅޭނީ އަންނަ މަހުގެ 16 ވަނަ ދުވަހު، އިނގިރޭސި ރަސްމީ ސްޓޭޑިއަމް ވެމްބްލީގަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox