ސަރުކާރު ޕްރޮޖެކްޓުތަކަށް ބީއެމްއެލްއިން ހަތަރު ބިލިއަން ރުފިޔާ ހަރަދުކުރަނީ

ބީއެމްއެލްގެ "ދިވެހީންގެ ބޭންކު މުޅި ރާއްޖެއަށް" ރަސްމިއްޔާތުގައި މުއިއްޒު އާއި ބީއެމްއެލްގެ ވެރިން: ބީއެމްއެލްއިން އަންނަނީ ގައުމީ ވާޖިބެއްގެ ގޮތުގައި ދެކިގެން ސަރުކާރުގެ ތަރައްގީގެ އެޖެންޑާއަށް ފަންޑުކުރަމުން --- ފޮޓޯ: ރައީސް އޮފީސް

ބީއެމްއެލްގެ "ދިވެހީންގެ ބޭންކު މުޅި ރާއްޖެއަށް" ރަސްމިއްޔާތުގައި މުއިއްޒު އާއި ބީއެމްއެލްގެ ވެރިން: ބީއެމްއެލްއިން އަންނަނީ ގައުމީ ވާޖިބެއްގެ ގޮތުގައި ދެކިގެން ސަރުކާރުގެ ތަރައްގީގެ އެޖެންޑާއަށް ފަންޑުކުރަމުން --- ފޮޓޯ: ރައީސް އޮފީސް

ސަރުކާރުން އަމިއްލަ ކުންފުނިތަކާއި ސަރުކާރު ކުންފުނިތަކާ ހަވާލުކޮށްފައިވާ ތަރައްގީގެ މަޝްރޫއުތަކަށް ބޭނުންވާ ފައިސާގެ ތެރެއިން ހަތަރު ބިލިއަން ރުފިޔާ ބޭންކް އޮފް މޯލްޑިވްސް (ބީއެމްއެލް) އިން ފަންޑު ކުރާނެ ކަމަށް ރައީސް މުހައްމަދު މުއިއްޒު ރޭ ވިދާޅުވެއްޖެ އެވެ. 

ރަސްދޫ ކައުންސިލުގެ ގޮނޑިތައް ޕީއެންސީއަށް ލިބުން ފާހަގަކުރަން ބޭއްވި ރަސްމިއްޔާތެއްގައި މުއިއްޒު ވިދާޅުވީ، މާލީ ގޮތުން ހުރި ގިނަ ގޮންޖެހުންތަކާ އެކީ ވެސް ސަރުކާރުގެ ތަރައްގީގެ ތަސައްވުރު ހަގީގަތަކަށް ހަދަން އަމަލީ މަސައްކަތްތައް ހިނގަމުންދާ ކަމަށެވެ. 

އެ ގޮތުން މިހާރު ވެސް ރަށްރަށުގައި ގިނަ މަޝްރޫއުތަކެއް ހިނގަމުންދާ ކަން ފާހަގަކުރައްްވަމުން މުއިއްޒު ވިދާޅުވީ މި ހުރިހާ ޕްރޮޖެކްޓުތަކަކީ ކޮންޓްރެކްޓަރުގެ ހަރަދުގައި މަޝްރޫއު ހިންގާ ގޮތަށް، ބީއެމްއެލްއިން އެ ފައިސާ ހަމަޖެހިގެން ކުރިއަށް ގެންދާ މަޝްރޫއުތަކެއް ކަމަށެވެ. 

Advertisement

"މީގެ ތެރެއިން ހަތަރު ހާސް މިލިއަން ރުފިޔާގެ މަޝްރޫއު އެ ހަތަރު ބިލިއަން ރުފިޔާގެ މަޝްރޫއު އެހެރީ ބީއެމްއެލްގެ ކޮންޓްރެކްޓާ ފައިނޭންސް އުސޫލުގެ ތެރެއިން ފައިނޭންސް ސެކިއޯޑް. ކޮންފާމްޑް. 100 ޕަސެންޓު ކޮންފާމްޑް މަޝްރޫއުތައް އެހެރީ ހަވާލުކޮށްފައި އެތައް ސަތޭކަ ދިވެހި ކުންފުނިތަކާ." އެމަނިކުފާނު ވިދާޅުވި އެވެ. 

މުއިއްޒު އެ އިޝާރާތް ކުރެއްވި މަޝްރޫއުތަކުގެ ތެރޭގައި ސިންގަލް ސޯސް ޕްރޮކިޔުމަންޓު އުސޫލުން އަމިއްލަ ކުންފުނިތަކަށް ސަރުކާރުން ބަހާލި 2.7 ބިލިއަން ރުފިޔާގެ ޕްރޮޖެކްޓުތަކާއީ ބީއެމްއެލްގެ ހައުސިން ކުންފުނިން ކޮންޓްރެކްޓަރުންނާ ހަވާލުކޮށްގެން އިމާރާތްކުރާ ފްލެޓުތަކުގެ މަސައްކަތް ހިމެނެ އެވެ.

ސަރުކާރުގެ ތަރައްގީގެ އެޖެންޑާ ހަގީގަތަކަށް ބީއެމްއެލްއިން މި ވަރަށް ހަރަދުކުރާތީ ކަންބޮޑުވާ ބަޔަކު ވެސް އެބަތިއްބެވެ. ނަމަވެސް އެ ބޭންކާއި ސަރުކާރުން ވެސް ވަނީ، މި ބޭނުންތަކަށް ދޫކުރާ ލޯނުތަކުގެ ސަބަބުން ބޭންކަށް އެއްވެސް ނުރައްކަލެއް ނެތް ކަމަށް ތަކުރާރުކޮށް ޔަގީންކަން ދީފަ އެވެ.

"ހުރިހާ ކަމެއް ހަމަޖެހިގެން" ބަހާލި ޕްރޮޖެކްޓުތަކަށް ބޭންކުން ފައިސާ ނުލިބިގެން ނުފެށިފައި

މި ޕްރޮޖެކްޓުތަކަކީ ކޮންޓްރެކްޓާ ފައިނޭންސް މޮޑެލްގެ ދަށުން، ބޭންކް އޮފް މޯލްޑިވްސް (ބީއެމްއެލް) އިން ލޯނު ނަގައިގެން، މަސައްކަތް ކުރުމަށް ފަހު، ސަރުކާރުން ފައިސާ ދައްކާ ގޮތަށް ހަވާލުކުރި މަޝްރޫއުތަކެއް

ބީއެމްއެލްއިން ފައިސާ ހަމަޖެހިފައި ހުރި ޕްރޮޖެކްޓުތަކުގެ މަސައްކަތް ކުރިއަށްދާ ކަމަށް މުއިއްޒު ވިދާޅުވި ނަމަވެސް، އޭރު ސޮއިކުރި ގިނަ މަޝްރޫއުތަކުގެ އަމަލީ މަސައްކަތް ގިނަ ރަށްރަށުގައި ނުވެސް ފަށަ އެވެ. 

ބީލަމަކަށް ނުލައި ބަހާލި 206 މަޝްރޫއު

  • ބޯހިޔާވަހިކަމާއި ބަނދަރު ތަރައްގީކުރުން - 13 މަޝްރޫއު، 997 މިލިއަން ރުފިޔާ
  • ތައުލީމީ ދާއިރާ - 26 މަޝްރޫއު، 397 މިލިއަން ރުފިޔާ
  • ސިއްހީ ދާއިރާ - 30 މަޝްރޫއު، 312 މިލިއަން ރުފިޔާ
  • ކުޅިވަރާއި ކަސްރަތުގެ ދާއިރާ - 52 މަޝްރޫއު، 197 މިލިއަން ރުފިޔާ
  • ފުލުހުންގެ މަރުކަޒުތައް އިމާރާތްކުރުން - 39 މަޝްރޫއު، 115 މިލިއަން ރުފިޔާ
  • ކުނި މެނޭޖުކުރުން - 204 މިލިއަން ރުފިޔާ

އެމްއެލްއިން ފައިސާ ހަމަޖެހިފައިވާ މަޝްރޫއުތަކުގެ އިތުރުން، ސަރުކާރު ކުންފުނިތަކާއި ބޭރުގެ ކުންފުނިތަކާ މި ސަރުކާރުން ސޮއިކޮށްފައިވާ މަޝްރޫއުތަކުގެ މަސައްކަތް ވެސް ސަރުކާރުން ބުނި ސްޕީޑުގައި ނުހިނގަ އެވެ. މިހެން ކުރިއަށް ނުގޮސް، ތާށިވެފައި ހުރި މަޝްރޫއުތަކުގެ ތެރޭގައި ކުރިން ހަވާލުކުރި ކޮންޓްރެކްޓަރަށް ނުވެގެން ކޮންޓްރެކްޓަރު ބަދަލުކޮށްފައިވާ މަޝްރޫއުތައް ވެސް ހިމެނެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox