"ހުރިހާ ކަމެއް ހަމަޖެހިގެން" ބަހާލި ޕްރޮޖެކްޓުތަކަށް ބޭންކުން ފައިސާ ނުލިބިގެން ނުފެށިފައި

ަބަހާލި ޕްރޮޖެކްޓުތަކުގެ އެއްބަސްވުމުގައި ސޮއިކުރުމުގެ ރަސްމިއްޔާތުގައި ރައީސް މުހައްމަދު މުއިއްޒު ވާހަކަ ދައްކަވަނީ: ގިނަ ޕްރޮޖެކްޓުތަކެއް، އެންމެ އަގު ބޮޑު ޕްރޮޖެކްޓުތައް ހިމެނޭހެން، ދިނީ މި ސަރުކާރާ ގުޅުން އޮންނަ ކުންފުނިތަކަށް --- ފޮޓޯ: ރައީސް އޮފީސް

ަބަހާލި ޕްރޮޖެކްޓުތަކުގެ އެއްބަސްވުމުގައި ސޮއިކުރުމުގެ ރަސްމިއްޔާތުގައި ރައީސް މުހައްމަދު މުއިއްޒު ވާހަކަ ދައްކަވަނީ: ގިނަ ޕްރޮޖެކްޓުތަކެއް، އެންމެ އަގު ބޮޑު ޕްރޮޖެކްޓުތައް ހިމެނޭހެން، ދިނީ މި ސަރުކާރާ ގުޅުން އޮންނަ ކުންފުނިތަކަށް --- ފޮޓޯ: ރައީސް އޮފީސް

މި ސަރުކާރާ ގުޅުން އޮންނަ ގިނަ ބަޔެއްގެ ކުންފުނިތައް ހިމެނޭ ގޮތަށް ސަރުކާރުން އަމިއްލަ ކުންފުނިތަކަށް ބަހާލި 2.7 ބިލިއަން ރުފިޔާގެ އަގުހުރި ޕްރޮޖެކްޓުތަކަށް ބޭނުންވާ ފައިސާ ބޭންކުން އަދިވެސް ހަމަނުޖެހޭތީ މަސައްކަތް ނުފެށޭ ކަމަށް ބައެއް ކޮންޓްރެކްޓަރުންގެ ފަރާތުން އަދަދު އަށް މައުލޫމާތު ލިބިއްޖެ އެވެ.

މި ޕްރޮޖެކްޓުތަކަކީ ކޮންޓްރެކްޓާ ފައިނޭންސް މޮޑެލްގެ ދަށުން، ބޭންކް އޮފް މޯލްޑިވްސް (ބީއެމްއެލް) އިން ލޯނު ނަގައިގެން، މަސައްކަތް ކުރުމަށް ފަހު، ސަރުކާރުން ފައިސާ ދައްކާ ގޮތަށް ހަވާލުކުރި މަޝްރޫއުތަކެކެވެ. އެ ގޮތުން މިދިޔަ މަހުގެ ހަ ވަނަ ދުވަހު "ރެކޯޑު ހަދަން" ބޭއްވި އިވެންޓެއްގައި، 123 ރަށެއްގައި ތަފާތު ބާވަތްތަކުގެ މަޝްރޫއުތައް ހިންގަން 53 ކުންފުންޏަކާ އެކީ ސޮއިކުރި އެވެ.

އަމިއްލަ ކުންފުނިތަކާ މަސައްކަތް ހަވާލުކުރަން ބޭއްވި ރަސްމިއްޔާތުގައި، ރައީސް މުހައްމަދު މުއިއްޒު ވަނީ، މި ޕްރޮޖެކްޓުތައް ހަވާލުކުރީ ހުރިހާ ކަމެއް ހަމަޖެއްސުމަށް ފަހު ކަމަށް ވިދާޅުވެފަ އެވެ. އަދި، 21 ދުވަހުގެ ތެރޭގައި ހުރިހާ ރަށެއްގައި މަސައްކަތް ފެށިގެން ދާ މަންޒަރު ރައްޔިތުންނަށް ފެންނާނެ ކަމަށް ވެސް އެމަނިކުފާނު ވިދާޅުވި އެވެ.

Advertisement

"އާދެ، ގާތްގަނޑަކަށް އެކާވީސްވަރަކަށް ދުވަހުގެ ތެރޭގައި، ކުންފުނިތަކުން މޮބިލައިޒްކުރާ ގޮތަށް މިވަނީ އެގްރީމަންޓްތަކުގައި ބުނެފައި. އެކަމަށްޓަކައި، ބޭންކް ތެރެއިން، ފިނޭންސް މިނިސްޓްރީގެ ތެރެއިން ނިންމަންޖެހޭ ކަންކަންވެސް، ދާދި އަވަހަށް އެ ފައިނަލްކުރަން ޖެހޭ. ދެން އޮންނަ ސްޓޭޖުގައި ހުރި ކަންކަން ވެސް އެދަނީ ކުރަމުން،" މުއިއްޒު ވިދާޅުވި އެވެ.

"އެހެންވީމާ، ކުރިއަށް އޮތް އެކާވީސްވަރަކަށް ދުވަހުގެ ތެރޭގައި، އަޅުގަނޑަށް ހަމަ ޔަޤީން، ރަށްރަށުގައި ފެނިވަޑައިގަންނަވާނެ، މި 123 ރަށުގައި މިކަމަށްޓަކައި މަސައްކަތްތައް ފެށިގެން ދާތަން ވެސް،"

މުއިއްޒު މިހެން ވިދާޅުވި ނަމަވެސް، ބަންދު ދުވަސްތައް ނުލައި ވެސް 21 ދުވަސް ވޭތުވެގެން ދިޔަ އިރު ގިނަ ޕްރޮޖެކްޓުތަކުގެ ބޯޑު ވެސް ރަށްރަށުން ފެންނަން ނެތެވެ. މި ކަމާ ގުޅޭ ގޮތުން ނަން ނުޖަހާ ގޮތަށް ޝަރުތުކޮށް މި ނޫހަށް މައުލޫމާތު ދިން މީހުން ބުނީ، މަސައްކަތް ނުފެށި ވަނީ ބީއެމްއެލްއިން ލޯނު ނުލިބިގެން ކަމަށެވެ.

ކޮންޓްރެކްޓަރުންގެ ފަރާތުން އެނގިފައިވާ ގޮތުގައި އެއްބަސްވުންތަކުގައި އޮތީ ވެސް ސަރުކާރު މެދުވެރިއަކަށް ވެގެން، ބޭންކުން ފައިސާ ހަމަޖެއްސުމުން، ޕްރޮޖެކްޓު ކުރިއަށް ގެންދާ ގޮތަށެވެ. ސަރުކާރު، މެދުވެރި ވިޔަސް ބޭންކުން ދޫކުރާ ލޯނަށް ޒިންމާވާން ޖެހެނީ ކޮންޓްރެކްޓަރެވެ.

މި ޕްރޮޖެކްޓުތަކަށް ބޭންކުން ލޯނު ދޫކުރުން ވެސް ވަނީ ބޮޑު މައްސަލަގަނޑަކަށް ވެފަ އެވެ. އެންމެ ބޮޑު ތުހުމަތަކީ ބޭންކުން ގެންގުޅޭ އާންމު އުސޫލުތަކުގެ ބޭރުން، ސަރުކާރުން ބުނެގެން ކުންފުނިތަކަށް ލޯނު ދޫކުރަން އުޅޭ ކަމުގެ ތުހުމަތެވެ.

ނަމަވެސް ބީއެމްއެލްއިން ވަނީ މި ތުހުމަތުތައް ދޮގުކޮށްފަ އެވެ. އެ ބޭންކުން ނެރުނު ބަޔާނެއްގައި ބުނީ މި ޕްރޮޖެކްޓުތަކަށް ލޯނު ދިނުމުގައި ވެސް އަމަލުކުރާނީ ރާއްޖޭގެ ބޭންކިން ގާނޫނުތަކާއި ގަވާއިދުތަކުގައިވާ އުސޫލުތަކުގެ ތެރެއިން، އަދި ބޭންކުން ގެންގުޅޭ ބައިނަލްއަގުވާމީ މިންގަނޑުތަކާ އެއްގޮތަށް ކަމަށެވެ.

މިއީ އާންމު ބީލަމުގެ އުސޫލުން ބޭރުން، މާލިއްޔަތު ގަވާއިދު ބަދަލުކޮށްގެން، އެއްވެސް ހާމަކަމެއް ނެތި ސަރުކާރުން ހަވާލުކުރި މަޝްރޫއުތަކެކެވެ. ގިނަ މަޝްރޫއުތައް ހަވާލުކޮށްފައި ހުރީ، ސަރުކާރާ ގުޅުން އޮތް ނުފޫޒު ގަދަ މީހުންގެ ކުންފުނިތަކަށެވެ. ބައެއް މަޝްރޫއުތަކުގެ އަގު ބޮޑު ވެގެން ވެސް ގިނަ ބަޔަކު ކަންބޮޑުވުން ފާޅުކޮށްފައި އެބަހުއްޓެވެ.

ބީލަމަށް ނުލައި ޕްރައިވެޓް ކުންފުނިތަކަށް ސަރުކާރުން ބަހާލި 206 މަޝްރޫއުތަކުގެ ތެރޭގައި ހިމެނޭ، ބޯހިޔާވަހިކަމާއި ބަނދަރު ތަރައްގީކުރުމުގެ 13 މަޝްރޫއުއަކަށް 997 މިލިއަން ރުފިޔާ އަރާއިރު، ތައުލީމީ ދާއިރާގެ 26 މަޝްރޫއު އަށް 397 މިލިއަން ރުފިޔާ، ސިއްހީ ދާއިރާގެ 30 މަޝްރޫއުއަކަށް 312 މިލިއަން ރުފިޔާ އަރަ އެވެ.

އޭގެ އިތުރުން ކުޅިވަރާއި ހަށިހެޔޮކަމުގެ ދާއިރާއިން ސޮއިކުރި 52 މަޝްރޫއުތަކުގެ އަގު 197 މިލިއަން ރުފިޔާއަށް އަރަ އެވެ. އަދި، ފުލުހުންގެ މަރުކަޒުތައް ހެދުމަށް ހަވާލުކުރި 39 މަޝްރޫއުގެ އަގު 114.9 މިލިއަން ރުފިޔާ އަރާ އިރު ކުނި މެނޭޖުކުރުމުގެ 24 މަޝްރޫއުއެއްގެ އަގު 204 މިލިއަން ރުފިޔާ އަށް އަރައެވެ.

މި މަޝްރޫއުތަކުގެ ތެރެއިން 746 މިލިއަން ރުފިޔާގެ މަޝްރޫއު ހަވާލުކުރީ ޕީއެންސީއަށް ނިސްބަތްވާ ފަސް މަޖިލިސް މެންބަރެއްގެ ކުންފުންޏަށެވެ. އެއީ ޖުމުލަ 15 މަޝްރޫއެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox