ސަރުކާރު ހިންގާ ޕީއެންސީގައި އިސްކޮށް ހަރަކާތްތެރިވާ މީހުންނާ ގުޅުން ހުރި ކުންފުނިތަކަށް 2.7 ބިލިއަން ރުފިޔާގެ އަގުހުރި މަޝްރޫއުތައް ބަހާލި ސިންގަލް ސޯސް ޕްރޮކިޔުމަންޓު އުސޫލުގެ ދަށުން ޕްރޮޖެކްޓުތައް ހަވާލުކުރުމުގައި އިކޮނޮމިކް ކައުންސިލުން ގެންގުޅޭ އުސޫލު ހާމަކުރުމަށް ރައީސް އޮފީހުން ދެކޮޅު ހަދައިފި އެވެ.
ހުޅުވާލާފައިވާ ބީލަމަކަށް ނުގޮސް، ސިންގަލް ސޯސް ޕްރޮކިޔުމަންޓު އުސޫލުގެ ދަށުން މަޝްރޫއުތައް ހަވާލުކުރުމުގައި އިކޮނޮމިކް ކައުންސިލުން އަމަލުކުރަން ޖެހޭ އުސޫލަކީ އާންމުކޮށް ފެންނަން އޮތް އުސޫލެއް ނޫނެވެ. މ
މައުލޫމާތު ހޯދައި ލިބިގަތުމުގެ ހައްގުގެ ގާނޫނު (އާރުޓީއައި ގާނޫނު) ގެ ދަށުން އެ އުސޫލު ހޯދުމަށް އަދަދު ނޫހުން ރައީސް އޮފީހުގައި އެެދުނީ ނޮވެމްބަރު 27، 2025 ގަ އެވެ.
titledesc
އެ އާރުޓީއައިއަށް މިއަދު ރައީސް އޮފީހުން ޖަވާބު ދީފައިވާއިރު އެ ޖަވާބުގައި އޮތީ އަދަދު ނޫހުން ހޯދަން އެދުނު މައުލޫމާތަކީ އާރުޓީއައި ގާނޫނުގެ 32 ވަނަ މާއްދާގެ ހ. ގެ ހަތަރުވަނަ ނަންބަރުގައި ބަޔާންކުރާ ފަދަ މައުލޫމާތެއް ކަމަށެވެ. އެ މާއްދާގައި ބަޔާންކުރާ ފަދަ މައުލޫމާތު ނުދީ ހިފެހެއްޓުމުގެ އިހުތިޔާރު އިދާރާތަކަށް ލިބެ އެވެ.
titledesc
އެހެންކަމުން، އެ މައުލުމާތު ހާމަކުރުމަށް ރައީސް އޮފީހުން ވަނީ ދެކޮޅު ހަދާފަ އެވެ. ނަމަވެސް މި އާރުޓީއައި ހުށަހަޅައި ރައީސް އޮފީހުން ޖަވާބު ދިނުމަށް ހޭދަވި މުއްދަތުގެ ތެރޭގައި މި ނޫހަށް ވަނީ ސައްހަކަން ކަށަވަރުކުރެވިފައިވާ އެ އުސޫލުގެ ދެލި ކޮޕީއެއް ލިބިފަ އެވެ.
ބީލަމަށް ނުލައި ޕްރައިވެޓް ކުންފުނިތަކަށް ސަރުކާރުން ބަހާލި 206 މަޝްރޫއުތަކުގެ ތެރެއިން 746 މިލިއަން ރުފިޔާގެ މަޝްރޫއު ހަވާލުކުރީ ޕީއެންސީއަށް ނިސްބަތްވާ ފަސް މަޖިލިސް މެންބަރެއްގެ ކުންފުންޏަށެވެ. އެއީ ޖުމުލަ 15 މަޝްރޫއެކެވެ.
