ބޭންކް އޮފް މޯލްޑިވްސް (ބީއެމްއެލް) އިން ގެދޮރު އިމާރާތްކުރުމަށް ދޫކުރާ "ހޯމް ކޮންސްޓްރަކްޝަން ފައިނޭންސިން" ލޯނަށް ބޮޑު ބަދަލެއް ގެނެސް، އަމިއްލަ ހިއްސާ ނުވަތަ އިކުއިޓީގެ ގޮތުގައި ދައްކަންޖެހޭ މިންވަރު 20 ޕަސެންޓުން ފަސް ޕަސެންޓަށް ދަށްކޮށްފި އެވެ.
މި ބަދަލާއެކު، ދެ މިލިއަން ރުފިޔާގެ ގެއެއް އިމާރާތްކުރާ މީހަކު ކުރިން އިކުއިޓީގެ ގޮތުގައި 400,000ރ. ބަހައްޓަން ޖެހުނު ނަމަވެސް، މިހާރު ދައްކަން ޖެހޭނީ އެންމެ 100,000ރ. އެވެ. އެ ބަދަލަކީ ތިން މިލިއަން ރުފިޔާއާ ހަމައަށް ދޫކުރާ ފައިނޭންސިން މަޝްރޫއުތަކަށް ހާއްސަ ބަދަލެކެވެ.
މި ބަދަލަކީ ސަރުކާރުން ކުރިއަށްގެންދާ "ހިޔާވަހި ފައިނޭންސް ސްކީމް" އާ ގުޅިގެން، ރާއްޖޭގެ ބޯހިޔާވަހިކަމުގެ މައްސަލައަށް ހައްލެއް ހޯދުމަށް ބޭންކުން ގެނައި އައި ބަދަލެއް ކަމަށް ބެލެވެއެވެ. މި ސަރުކާރައެކު ބޭންކުން ވަނީ ރިއަލް އެސްޓޭޓް ވިޔަފާރިއަށް ވެސް ވަނި ވަދެފަ އެވެ.
ބީއެމްއެލްގެ އިސްލާމިކް ފައިނޭންސިން މެދުވެރިކޮށް ވެސް މި ހިދުމަތް ލިބޭނެ އެވެ. މި ލޯނު ލިބޭނީ ގެދޮރު އިމާރާތް ކުރުމަށެވެ. ގެދޮރު ގަންނަން މި ފައިނޭންސިން ނުލިބޭނެ އެވެ.
