ލިވަޕޫލްގެ ބަދުނަސީބު ކަމުން ސްލޮޓަށް ހައިރާންކަން

Apr 19, 2026, 7:55 AM
ލިވަޕޫލްގެ ކޯޗު އާނާ ސްލޮޓް

ލިވަޕޫލްގެ ކޯޗު އާނާ ސްލޮޓް

ލިވަޕޫލް (އޭޕްރީލް 19) -  މިއީ އިނގިރޭސި ޕްރިމިއާ ލީގުގެ އެންމެ ފަހުގެ ޗެމްޕިއަން، ލިވަޕޫލަށް ވަރަށް ބަދުނަސީބު ސީޒަނެއް ކަމަށާއި އެ ކަން ކުރިމަތިވެފައިވާ މިންވަރަށް ބަލާއިރު، ހައިރާންވާ ކަަމަށް ލިވަޕޫލްގެ ކޯޗު، ނެދަލެންޑްސް އާނާ ސްލޮޓް ބުނެފި އެވެ. 

މި ސީޒަނަށް 500 މިިލިއަން ޑޮލަރަށް ވުރެން ގިނައިން އާ ކުޅުންތެރިންނަށް ހަރަދުކޮށް، ނުކުުތުމަށް ފަހު، ލިވަޕޫލްގެ ފަރާތުން ފެންނަނީ ވަރަށް ދަށް ކުޅުމެކެެވެ. ސީޒަނުގެ މިހާތަނަށް 17 މެޗުން ލިވަޕޫލް ބަލިވެފައިވާއިރު، ލީގުގައި އެކަނި ވެސް 10 މެޗުން ވަނީ ބަލިވެފަ އެެވެ. އަނިޔާގެ ގިނަ މައްސަލަތަކެއް ލިވަޕޫލަށް ކުރިމަތިވެފައިވާއިރު، ބޮޑު އަގުގައި ގަތް ދެ ފޯވާޑުން ކަމަށްވާ އަލެކްސަންޑަ އިސާކް އާއި ހޫގޯ އެކިޓީކޭ އަށް އަނިޔާއާ ހެދި ގިނަ މެޗުތަކެއް ގެއްލުނެވެ. އެ ގޮތުން، އިސާކް ހަތަރު މަހަށް ފަހު ކުޅުމަށް އެނބުރި އައިއިރު، އެކިޓީކޭ ގާތްގަނޑަކަށް ނުވަ މަހަށް ވަނީ ކުޅުމާ ދުރަށް ދާން ޖެހިފަ އެވެ. 

ސްލޮޓް ބުނީ، ލިވަޕޫލްގެ ނަސީބު ދެރަވެފައި އޮތީ ހަމައެކަނި އަނިޔާގެ މައްސަލަތަކާ ހެދި އެއް ނޫން ކަމަށެެވެ. 

"މި ކަހަލަ އިތުރު ސީޒަނެއް އަންނާނެތަ އިތުރު ވަގުތުގެ ތެރޭގައި އަހަރެމެން ކޮޅަށް ގޯލު ވަދެގެން އަހަރެމެން ބަލިވާނެ؟އަހަންނަށް ހިއެއްނުވޭ ދެން އެ ފަދަ ކަމެއް ވެދާނެހެެނެއް. އެ ކަންކަމާ ހެދި އަށް ވަރަކަށް ޕޮއިންޓް އަހަރެމެންނަށް ގެއްލުނު. އަހަރެމެންނަށް މި ކަހަލަ ގޮތްގޮތަށް އެހާ އަނިޔާގެ މައްސަލަ ގިނަ ސީޒަނެއް އަންނާނެތަ؟، އެވެސް އަހަންނަށް ހިއެއްނުވޭ. އެކަމަކު ނުވާނެ ކަމެކޭ ނުބުނެވޭނެ، އަނިޔާ އަކީ ކުޅުމުގައި އަންނާނެ ކަމެއް. އެކަމަކު، މިހާ ނަސީބު ދެރަކޮށް މި ކަންކަން އަންނާނެ އިތުރު ސީޒަނެއް އޮންނާނެހެން ހިއެއްނުވޭ،" ލީގުގައި މިއަދު އެވަޓަންއާ ދެކޮޅަށް ކުޅޭ މެޗުގެ ކުރިން ސްލޮޓް ބުންޏެވެ. 

ޔުއެފާ ޗެމްޕިއަންސް ލީގުގެ ކުއާޓާ ފައިނަލް ދެ ލެގުގައި ވެސް ޕީއެސްޖީ އަތުން ބަލިވެ، އެ މުބާރާތުން ލިވަޕޫލް ކެޓުމާ އެކު، މި ސީޒަނުގައި ތަށްޓެއް ހޯދުމުގެ ފުރުސަތު ގެއްލި، ހުސްއަތާ ސީޒަން ނިންމާލަން ޖެހުނީ އެވެ. ސްލޮޓް ބުނީ، ޕީއެސްޖީއާ ދެކޮޅަށް ދެ ވަނަ ލެގުގައި ލިވަޕޫލް 2-0 އިން ބަލިވި ނަމަވެސް، އެ މެޗުގައި ވާދަކުރެވުނު ގޮތުން، ކުރިއަށްހުރި މެޗުތަކާ މެދު އުންމީދު އެބައޮތް ކަމަށެެވެ. 

މި ސީޒަނަށް ފަހު، ލިވަޕޫލްގެ ކޯޗުކަމުން ސްލޮޓް ވަކިކުރާނެ ކަމަށް ވާހަކަ ދެކެވޭއިރު، އޭނާ އަށް އަންނަ ސީޒަނުގައި ޓީމުގެ ހާލަތު ރަނގަޅުކުރަން ވަގުތު ދޭނެ ކަމަށް ވެސް ރިޕޯޓްތައް ބުނެ އެވެ. ސްލޮޓް ބުނީ، އަންނަ ސީޒަނުގެ ޕްލޭންތައް ހަދަނީ އޭނާގެ ބައިވެރިވުން އޮވެގެން ކަމަށާއި ލިވަޕޫލްގެ ވެރިންގެ ސަޕޯޓް އެބައޮތް ކަމަށެވެ. 

ލިވަޕޫލުން މިއަދު އެވަޓަންއާ ދެކޮޅަށް ކުޅޭ މާސީސައިޑް ޑާބީ މެޗަކީ، އެވަޓަންގެ އާ ދަނޑު، ހިލް ޑިކިންސަން ސްޓޭޑިއަމްގައި ކުޅޭ ފުރަތަމަ މެޗެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox