ޖޮޓާގެ މަރަކީ ލިވަޕޫލަށް ދެއްކޭނެ އުޒުރެއް ނޫން: މެކް އަލިސްޓާ

Apr 17, 2026, 9:58 AM
ލިވަޕޫލަށް ކުޅޭ އާޖެންޓީނާގެ މިޑްފީލްޑަރު މެކް އަލިސްޓާ

ލިވަޕޫލަށް ކުޅޭ އާޖެންޓީނާގެ މިޑްފީލްޑަރު މެކް އަލިސްޓާ

ލިވަޕޫލް (އޭޕްރީލް 17) - މިދިޔަ އަހަރު ކާރު އެކްސިޑެންޓެއްގައި މަރުވި ޕޯޗުގީސް ފޯވާޑް، ޑިއޯގޯ ޖޮޓާގެ ވަަކިވުމަކީ ލިވަޕޫލަށް މި ސީޒަނުގައި ދަށް ނަތީޖާ ނެރުމަށް ދިމާވި ސަބަބެއް ކަމަށް ބުނެ، އެއީ އުޒުރެއްގެ ގޮތުގައި ދެއްކޭނެ ވާހަކައެއް ނޫން ކަމަށް ލިވަޕޫލްގެ އާޖެންޓީނާ މިޑްފީލްޑަރު، އަލެކްސިސް މެކް އަލިސްޓާ ބުނެފި އެވެ. 

މިދިޔަ އަހަަރުގެ ޖުލައި ތިން ވަނަ ދުވަހު، ސްޕެއިނުގެ ޒަމޯރާ ޕްރޮވިންސްގައި ހިނގި އެކްސިޑެންޓެއްގައި އުމުރުން 28 އަހަރުގެ ޖޮޓާގެ އިތުރުން، އޭނާގެ ކޮއްކޮ، އަންޑްރޭ ސިލްވާ، 24، ވެސް މަރުވި އެވެ. އެކްސިޑެންޓްވެ، ލަމްބޯގިނީ ކާރުގައި އަލިފާން ރޯވިއިރު، ޖޮޓާގެ އިތުރުން، އަންޑްރޭ ވެސް މަރުވިއިރު، އޭނާ އަކީ ޕޯޗުގަލް ދެ ވަނަ ޑިވިޝަނުގައި، ޕެނަފިއޭލް އަށް ކުޅެމުން އަންނަ ކުޅުންތެރިއެކެވެ.

މި ފަހަރުގެ ސީޒަނަށް 500 މިލިއަން ޑޮލަރަށް ވުރެން އިތުރަށް ހަރަދުކޮށްގެން ނުކުތް ލިވަޕޫލަށް ސީޒަން ނިންމާލަން ޖެހިފައިވަނީ ހުސްއަތާ އެވެ. އަދި، އަންނަ ސީޒަނުގެ ޗެމްޕިއަންސް ލީގަށް ކޮލިފައިވާން ލީގުގެ ގަދަ ފަހެއްގައި ނިންމަން ވެސް ޗެލެންޖް ބޮޑެވެ. 

މެކް އަލިސްޓާ ބުނީ، މިއީ ވަރަށް ޗެލެންޖިން ފަަހަރެއް ކަމަށާއި ސީޒަންގެ ކުރީކޮޅުގައި މެޗުތަކުން މޮޅުވެފައިވީ ނަމަވެސް ފަހުން އެއް ފެންވަރެއްގައި ކުޅުން ނުދެއްކި ނަތީޖާ އަށް ވެސް އަސަރުކޮށްފައިވާ ކަމަށެވެ. އެކަމަކު، ޓީމުގެ މި ވެއްޓުމަކީ، ޖޮޓާ ނެތުމުން އައި ކަމެއްގެ ގޮތުގައި ވާހަކަ ދައްކަން މެކް އަލިސްޓާ ބޭނުމެއް ނުވި އެވެ. 

"ޔަގީންކަމެއް އަހަރެމެން ޑިއޯގޯ (ޖޮޓާ) މަތިން ހަނދާންވޭ. ވަރަށް އެހެން ކަހަލަ ގޮތަކަށް އެ ދުވަސްތައް ދިޔައީ. އެކަމަކު، އެއީ އުުޒުރެއްގެ ގޮތުގައި އަހަރެމެންނަށް އެ ވާހަކަ ނުދެއްކޭނެ. އަހަންނެއް ގަބޫލެއް ނުުކުރަން އެއީ (ޖޮޓާގެ މަރަކީ) ކަމަށް ލިވަޕޫލް މި ސީޒަނުގައި ދަށްވި ސަބަަބަކީ،" މެކް އަލިސްޓާ ބުންޏެވެ. 

އިނގިރޭސި ފުޓްބޯޅައިގެ ގިނަ އެނަލިސްޓް/ޕަންޑިޓްސް އަންނަނީ ޖޮޓާގެ އެ ވަކިވުމުގެ އަސަރު ނަފްސާނީ ގޮތުން ލިވަޕޫލަށް ކޮންމެ ވެސް ވަރަކަށް ކުރާނެ ކަމަށް ބުނަމުންނެވެ. އަދި، ކޮންެމެ މެޗެއްގެ 20 ވަނަ މިނިޓްގައި ލިވަޕޫލްގެ ދަނޑުގައި ޖޮޓާގެ ހަނދާން އާ ކުރަމުންދިއުމާއި މި ފަދަ ކަންކަމަކީ ވެސް ލިވަޕޫލް ޓީމަށް ޖޮޓާގެ ހަނދާންތައް އެނބުރި ގެނުވާނެ ކަންކަން ގޮތުގައި އިނގިރޭސި މީޑިއާ އިން ވަނީ ފާހަގަކޮށްފަ އެވެ. 

"

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox