ސީވީއެފްގެ ޖެނެރަލް ސެކްރެޓްރީގެ ދައުރު ނިމުމުން ނަޝީދު ރާއްޖެއަށް، ސިޔާސީ މަސައްކަތަށް ހުސްވަނީ

Former President Mohamed Nasheed was welcomed back to the Maldivian Democratic Party (MDP) during a rally held at the Sultan Park in Male' on June 23, 2025. -- Photo: MDP

Former President Mohamed Nasheed was welcomed back to the Maldivian Democratic Party (MDP) during a rally held at the Sultan Park in Male' on June 23, 2025. -- Photo: MDP

ކްލައިމެޓް ވަލްނެރަބަލް ފޯރަމް (ސީވީއެފް) ގެ ސެކްރެޓަރީ ޖެނެރަލްގެ މަގާމުގެ ދައުރު ފުރިހަމަކުރެއްވުމަށްފަހު، ކުރީގެ ރައީސް، މުހައްމަދު ނަޝީދު އެނބުރި ދިވެހިރާއްޖެ ވަޑައިގެންފި އެވެ. 

ނަޝީދު ދިވެހިރާއްޖެއަށް ވަޑައިގެންނެވީ މިއަދު މެންދުރުފަހު އެވެ. އެމަނިކުފާނު ދިވެހިރާއްޖެއަށް އެނބުރި ވަޑައިގަތުމުގެ ކުރިން ވަނީ ސޯޝަލްމީޑިއާ އެކްސްގައި ނުސީދާ މެސެޖެއް ދެއްވައިފަ އެވެ. ނަޝީދުގެ ނުރަސްމީ އެކްސް އެކައުންޓުން ރޭ ކުރެއްވި ޕޯސްޓެއްގައި ގޮވައިލެއްވީ "ހުރިހާ ބޭފުޅުން ވެސް އެނބުރި ހާއްޔަށް އަންނަން" ތައްޔާރުވެލެއްވުމަށެވެ.

އެނބުރި ހާއްޔަށް އަންނަން ހުރިހާ އެންމެ ތައްޔާރުވުމަށް އެދިވަޑައިގެން ނަޝީދު ޕޯސްޓެއް ކުރެއްވިއިރު، އެމްޑީޕީގެ ގައުމީ މަޖިލިސް ގްރޫޕުގައި ވެސް ނަޝީދު ވަނީ އިދިކޮޅު ހަރަކާތްތައް ވަރުގަދަ ކުރުމުގައި ބައިވެރިވެވަޑައިގަންނަވާނެކަމުގެ އިޝާރާތެއް ދެއްވައިފަ އެވެ.

ނަޝީދު މިފަދަ ޕޯސްޓެއް ކުރައްވާފައި މިވަނީ ދިވެހިރާއްޖޭގެ ސިޔާސީ މަޝްރަހު ހޫނުވެފައިވާ ދަނޑިވަޅެއްގަ އެވެ. އޭޕްރިލް 4، ގައި ބޭއްވި ލޯކަލް ކައުންސިލް އަދި ޑަބްލިއުޑީސީ އިންތިހާބާއި ދެ އިންތިހާބު އެއްކޮށް ބާއްވަން ފެނޭތޯ ނެގި ފެންނަ ނުފެން ވޯޓުގައި ސަރުކާރަށް ވަނީ ބޮޑު ނާކާމިޔާބީއަކާ ކުރިމަތިވެފަ އެވެ. އެއާއެކު އިދިކޮޅު ސިޔާސީ ޕާޓީތަކުން ދަނީ ސަރުކާރަށް ޑިމާންޑުތަކެއްކޮށް ސިލްސިލާ އިހުތިޖާޖުތަކެއް ކުރަަމުންނެވެ.

ސީވީއެފްގެ ސެކްރެޓަރީ ޖެނެރަލްގެ މަގާމަށް ނަޝީދު އައްޔަނުކުރަން ނިންމީ ޑިސެމްބަރު 1، 2023 ގަ އެވެ. ޖެނުއަރީ 1، 2024 ގައި އެ މަގާމާ ނަޝީދު ހަވާލުވެވަޑައިގަތީ ސިޔާސީ ކަންކަމާ ވަގުތީގޮތުން ދުރަށްޖެހިވަޑައިގެންނެވުމަށް ފަހު އެވެ.

އެމްޑީޕީން ސަރުކާރަށް 12 ޑިމާންޑެއްކޮށް، އިހުތިޖާޖުކުރަން ނިންމައިފި

ސަރުކާރަށް ރައްޔިތުންގެ އިތުބާރު ގެއްލިފައިވާ ކަމަށް ބުނެ، އެމްޑީޕީން 12 ޑިމާންޑެއް ހުށަހަޅައި އިހުތިޖާޖުކުރުމަށް ވަނީ ނިންމާފައެވެ. މީގެ ތެރޭގައި ރައީސް އިސްތިއުފާ ދެއްވައި އަވަސް އިންތިހާބެއް ބޭއްވުމާއި، ސިޔާސީ ޕާޓީތައް އެކުލެވޭ އިންތިގާލީ ސަރުކާރެއް އުފެއްދުމަށް ގޮވާލުން ހިމެނެއެވެ.

ތިމާވެށްޓަށް ކުރާ ނޭދެވޭ އަސަރުތަކުގެ ސަބަބުން އެންމެ ބޮޑަށް ގެއްލުން ލިބޭ ގައުމުތަކުން ކޮޕް ފަދަ ބައިނަލްއަގުވާމީ ސްޓޭޖުތަކުގައި ގުޅިގެން މަސައްކަތް ކުރުމުގެ މަގުސަދުގައި 2009 ވަނަ އަހަރު އުފެއްދި ސީވީއެފްގެ ފުރަތަމަ ޖެނެރަލް ސެކްރެޓަރީއަކީ ނަޝީދު އެވެ.

ސީވީއެފްއަކީ ރައީސް ނަޝީދު އަދި ދިވެހިރާއްޖެއިން އިސްވެ 2009 ވަނަ އަހަރު އުފެއްދި ބައިނަލްއަގްވާމީ ޖަމިއްޔާއެކެވެ. އެ ޖަމިއްޔާގެ އެންމެ ފުރަތަމަ ބައްދަލުވުން ބޭއްވީ ނޮވެމްބަރު، 2009، ގައި ރާއްޖޭގަ އެވެ. އެއިރު އެ ޖަމިއްޔާގެ މެމްބަރު ގައުމުތަކުގެ އަދަދަކީ ނުވައެކެވެ. ނަމަވެސް މިހާރު ސީވީއެފްގައި 68 މެމްބަރު ގައުމު ހިމެނެ އެވެ. އޭގެ ތެރޭގައި އޭޝިއާ، އެފްރިކާ، ކެރީބިއަން، ލެޓިން އެމެރިކާ އަދި ޕެސިފިކް ސަރަހައްދުގެ ގައުމުތައް ހިމެނެ އެވެ.

ސީވީއެފްގެ ޖެނެރަލް ސެކްރެޓަރީގެ މަގާމުގައި ހުންނަވައިގެން ނަޝީދު ކޮށްދެއްވި ހިދުމަތްތަކަށް، މިދިޔަ އަންގާރަ ދުވަހު، އެމެރިކާގެ ވޮޝިންޓަންގައި ބޭއްވި ސީވީއެފް އަދި ވަލްނަރަބަލް ޓްވެންޓީ (ވީ20) ގެ ގަވާނިން ބޯޑުގެ ދެވަނަ ބައްދަލުވުމުގައި، އެ ބޯޑުގެ މެންބަރުން ވަނީ ތައުރީފު ކުރައްވައިފަ އެވެ.

ބައިނަލްއަގުވާމީ މައިދާނުގައި މޫސުމީ ބަދަލުތަކުގެ ނުރައްކާ އޮތް ގައުމުތަކުގެ އަޑު އުފުލުމުގަ އާއި، މޫސުމީ އިންސާފު ހޯދައި ދިނުމަށް ވަކާލާތުކުރުމުގައި ނަޝީދު އަދާކުރެއްވި އިސް ދައުރު ބޯޑު މެންބަރުން ފާހަގަކުރެއްވި އެވެ.

ސީވީއެފް-ވީ20 ގެ ބޯޑުގެ ދެވަނަ ބައްދަލުވުމަށްފަހު، އެ ބޯޑުގެ މެންބަރުންނާއެކު ކުރީގެ ރައީސް މުހައްމަދު ނަޝީދު ފޮޓޯއަކަށް ހުއްޓިވަޑައިގެން -- ފޮޓޯ: ސީވީއެފް
ސީވީއެފް-ވީ20 ގެ ބޯޑުގެ ދެވަނަ ބައްދަލުވުމަށްފަހު، އެ ބޯޑުގެ މެންބަރުންނާއެކު ކުރީގެ ރައީސް މުހައްމަދު ނަޝީދު ފޮޓޯއަކަށް ހުއްޓިވަޑައިގެން -- ފޮޓޯ: ސީވީއެފް

ބޯޑު މެންބަރުންގެ އެ ޝުއޫރުތަކަށް ތާއީދުކުރައްވައި، ސީވީއެފް-ވީ20 ގެ މިހާރުގެ ރިޔާސަތު ބަލަހައްޓަވާ ބާބަޑޯސްގެ ބޮޑުވަޒީރު މިއާ މޮޓްލީ ވިދާޅުވީ، ރައީސް ނަޝީދަށް އުޖާލާ މުސްތަގުބަލަކަށް އެދިވަޑައިގަންނަވާ ކަމަށާއި ކުރިއަށް އޮތް ތަނުގައި އެމަނިކުފާނު އަދާކުރައްވާ ކޮންމެ ދައުރެއްގައި ވެސް އެކުގައި މަސައްކަތްކުރުމަށް އުންމީދުކުރައްވާ ކަމަށެވެ. އަދި، ގިނަ ބަޔަކު އިންތިޒާރުކުރަމުންދާ ނަޝީދުގެ ހަޔާތުނާމާ ޝާއިއުކުރެވޭނެ ދުވަހަކަށް ކެތްމަދުވެފައިވާ ކަމަށް ވެސް މިއާ ވިދާޅުވި އެވެ.

ސީވީއެފް-ވީ20 ބޯޑަކީ ސެކްރެޓޭރިއަޓްގެ ކަންކަން ބަލަހައްޓާ އިސް ފަރާތެވެ. މި ބޯޑު ހިންގަނީ މިހާރުގެ ރިޔާސަތާއި، މީގެ ކުރިން ރިޔާސަތު ބެލެހެއްޓި ދެ ގައުމު ހިމެނޭ "ޓްރޮއިކާ" އުސޫލުންނެވެ. މިހާރުގެ ރިޔާސަތު ބަލަހައްޓަނީ ބާބަޑޯސްއިންނެވެ. މީގެ ކުރިން ރިޔާސަތު ބެލެހެއްޓި ދެ ގައުމަކީ ގާނާ އާއި ބަންގްލަދޭޝް އެވެ.


ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox