އެމްޑީޕީގެ އާންމު މެންބަރުން އެއްވެސް މީހެއްގެ ކިބައިން މައާފަށް އެދެންޖެހޭނެ ވަރުގެ ކަމެއް ނެތް ކަމަށާއި، ޕާޓީގެ ލީޑަރުންނަށް މިއަދު ލިބިވަޑައިގެންފައިވާ ހުރިހާ ޝަރަފަކާއި އިއްޒަތަކީ އާންމު މެންބަރުންގެ ގުރުބާނީ ކަމަށް، އެމްޑީޕީގެ ޗެއާޕާސަންގެ މަގާމަށް ވާދަކުރައްވާ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއީލް ނަސީމް ވިދާޅުވެއްޖެއެވެ.
ކުރީގެ ރައީސް މުހައްމަދު ނަޝީދު އިއްޔެ ދުވާފަރުގައި ބޭއްވި ބައްދަލުވުމުގައި އެމްޑީޕީގެ މެންބަރުންގެ ކިބައިން މައާފަށް އެދުމަށް އެ ބައްދަލުވުމުގައި ބައިވެރިވި މީހަކު ބުނުމުން މައާފަށް އެދިވަޑައިގަތުމަށް ފަހު ނަޝީދު ވިދާޅުވީ އެމްޑީޕީގެ އާންމު މެންބަރުން ވެސް އެ މަނިކުފާނު އަރިހުން މައާފަށް އެދެން ޖެހޭ ކަމަށެވެ.
ނަޝީދު އެމްޑީޕީގެ މެންބަރުންގެ ކިބައިން މައާފަށް އެދިވަޑައިގެންފި
އެމްޑީޕީ ދޫކޮށްލުމަކީ ލިބުނު ހިތާމައެއް ކަމަށް ވިދާޅުވެ، އެ ނިންމެވުމަށްޓަކައި ކުރީގެ ރައީސް މުހައްމަދު ނަޝީދު އެ ޕާޓީގެ އާންމު މެންބަރުންގެ ކިބައިން މައާފަށް އެދިވަޑައިގެންފިއެވެ. ރައީސް ނަޝީދު ވިދާޅުވީ ޕާޓީ ދޫކޮށްލަން ޖެހުނީ އޭރުގެ ސަރުކާރާ އުފެދުނު ޚިޔާލުތަފާތުވުންތަކާއި އެމަނިކުފާނަށް ދިން ބޮމުގެ ހަމަލާގެ ތަހުގީގު ދިޔަ ގޮތުން ކަމަށެވެ.
ނަޝީދު ވިދާޅުވި އެ ވާހަކައާމެދު ދެކެވަޑައިގަންނަވަނީ ކޮން ގޮތަކަށްތޯ މިއަދު ހއ. ކެލާގައި ބޭއްވި ބައްދަލުވުމެއްގައި މީހަކު ސުވާލު ކުރުމުން މީކާއީލް ވިދާޅުވީ ނަޝީދު ކަމުގައި ވިޔަސް ނުވަތަ އެހެން ބޭފުޅަކު ކަމުގައި ވިޔަސް، އެމްޑީޕީގެ އާންމު މެންބަރުން މައާފަށް އެދެންޖެހޭނެ އެއްވެސް ކަމެއް އޮތް ކަމަށް ގަބޫލު ނުކުރައްވާ ކަމަށެވެ.
"ރައީސް ނަޝީދެއް ނޫން، އެއްވެސް މީހެއްގެ ފަރާތުން އެމްޑީޕީގެ އާންމު މެންބަރުން މައާފަށް އެދެންޖެހޭނެ ކަމަށް،" އޭނާ ވިދާޅުވި އެވެ.
އެމްޑީޕީގެ އިސް ސަފުގައި ތިއްބެވި ބޭފުޅުންނަކީ އެ ބޭފުޅުންގެ އަމިއްލަ މަސައްކަތުން އެ މަގާމަށް ވަޑައިގެންނެވި ބައެއް ނޫން ކަމަށާއި، އެއީ އާންމު މެންބަރުން އެތައް އަހަރެއް ވަންދެން ވީ ބޮޑެތި ގުރުބާނީތަކެއްގެ ނަތީޖާ ކަމަށް އޭނާ ފާހަގަކުރެއްވިއެވެ.
"ރައިސް ކަމަށް ގެނައީ ވެސް އެމްޑީޕީގެ އާންމު މެންބަރުން، ރައީސް ނަޝީދުވެސް، ރައީސް އިބްރާހިމް މުހައްމަދު ސޯލިހު ވެސް. އެހެންވެ، އެ ބޭފުޅުންގެ އެ ގުރުބާނީތަކަށް ފަހު، އެ ބޭފުޅުންނަށް އެ މަގާމުތަކާއި ދާއިމަށް އެ ލިބޭ އިނާޔަތާއި ޝަރަފާއި ދެންވެސް އޮތް އެއްޗެއް އެ ލިބެނީ އެމްޑީޕީގެ އާންމު މެންބަރުންނާ ހެދި،" މީކާއީލް ވިދާޅުވި އެވެ.
"އެހެން ނަމަވެސް 2023 ގައި އަޅުގަނޑުމެންނަށް ފެނިގެން ދިޔައީ އޭގެން އެއްވެސް ކަމަކަށް ރިއާޔަތް ނުކުރެވި ސިޔާސީ މަންފާއެއް ހާސިލުކުރުމަށް އެމްޑީޕީގެ އެތައްހާސް މެންބަރުންނެއް މަގުމަތި ކުރެވިގެން ދިޔަތަން. އެހެންމެވީމަ ކުރުކޮށް ދަންނަވާލާނަމަ އަޅުގަނޑު ގަބޫލެއް ނުކުރަން އެމްޑީޕީގެ އާންމު މެންބަރުން އެއްވެސް މީހެއްގެ ކައިރީގައި މައާފަށް އ
ދުވާފަރުގައި ނަޝީދު އިއްޔެ ވިދާޅުވީ އެމަނިކުފާނުގެ ވެސް ގޯސްތަކެއް ހުރެދާނެ ކަމަށާއި، އެކަމަށްޓަކައި މައާފަށް އެދިވަޑައިގަންނަވާ ކަމަށެވެ. ހަމައެއާއެކު އެމްޑީޕީގެ މެންބަރުން ވެސް އެމަނިކުފާނުގެ ކިބައިން މައާފަށް އެދުމަށް ނަޝީދު ވަނީ އެދިވަޑައިގެންފައެވެ.
"އަޅުގަނޑުވެސް ގޯސް ކަންތައް ކުރީ. އެކަމަކު ތިބޭފުޅުން ވެސް އަޅުގަނޑަށް މައާފަށް އެދެން އަޅުގަނޑު ވަރަށް ބޮޑަށް އެދެން ތިބޭފުޅުން ތިބޭފުޅުން އަޅުގަނޑަށް މައާފަށް އެދެން. ހަމަ އަޅުގަނޑު ވެސް އެދެފިން. އަޅުގަނޑު އެދެފިން،" ނަޝީދު ވިދާޅުވި އެވެ.
