ލިވަޕޫލްގެ ސަޕޯޓަރުންނާއި ވެރިންގެ ސަޕޯޓް އެބައޮތް ކަމަށް ސްލޮޓް ބުނެފި

Apr 11, 2026, 7:34 AM
ލިވަޕޫލްގެ ކޯޗު އާނާ ސްލޮޓް: މަގާމުގައި ދެމިހުންނަށް ޕްރެޝަރު ބޮޑުވެފައިވީ ނަމަވެސް ސަޕޯޓް އެބައޮތް ކަމަށް ވަނީ ބުނެފައި.

ލިވަޕޫލްގެ ކޯޗު އާނާ ސްލޮޓް: މަގާމުގައި ދެމިހުންނަށް ޕްރެޝަރު ބޮޑުވެފައިވީ ނަމަވެސް ސަޕޯޓް އެބައޮތް ކަމަށް ވަނީ ބުނެފައި.

ލިވަޕޫލް (އޭޕްރީލް 11) - މެޗުތަކުގެ ނަތީޖާތައް އެންމެ ރަނގަޅު ނޫން ކަމުގައި ވިޔަސް ލިވަޕޫލްގެ ސަޕޯޓަރުންނާއި ވެރިންގެ ސަޕޯޓް އޭނާ އަށް އެބައޮތް ކަމަށް ލިވަޕޫލްގެ ކޯޗު އާނާ ސްލޮޓް ބުނެފި އެވެ. 

މި ސީޒަނުގައި ލިވަޕޫލުން ހުރިހާ މުބާރާތެއްގައި މިހާތަނަށް 17 މެޗުން ވަނީ ބަލިވެފަ އެވެ. މިއީ، މިދިޔަ 10 ވަރަކަށް އަހަރަށް ބަލާއިރު، ސީޒަނެއްގައި ލިވަޕޫލުން އެންމެ ގިނަ މެޗުން ބަލިވި ފަހަރެވެ. ސްލޮޓަށް ގިނަ ބަޔެއްގެ ފާޑުކިޔުންތައް އަމާޒުވާއިރު، އޭނާ މަގާމުން ދުރުކުރަން ގޮވާލާ އަޑުތައް ވެސް އަންނަނީ އިތުރުވަމުންނެވެ. އަދި، ލިވަޕޫލްގެ ކުރީގެ ކުޅުންތެރިޔާ، ޒަބީ އަލޮންސޯ، އެ ޓީމުގެ ކޯޗަކަށް ގެންނަން ވެސް ލިވަޕޫލްް ސަޕޯޓަރުން ޝުއޫރުފާޅުކުރަމުންދެ އެވެ. 

އިނގިރޭސި ޕްރިމިއާ ލީގުގައި މިރޭ ފުލަމްއާ ދެކޮޅަށް ލިވަޕޫލުން ކުޅޭ މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ސްލޮޓާ ވަނީ އޭނާގެ މުސްތަގުބަލާ ގުޅޭގޮތުން ސުވާލުތަކެއް އަމާޒުވެފަ އެެވެ. ސްލޮޓް ބުނީ، އަންނަ ސީޒަނަށް ލިވަޕޫލުން ހަދާ ޕްލޭނުގައި އޭނާގެ ފުރިހަމަ ހިއްސާ އާއި ބައިވެރިވުން އެބައޮތް ކަމަށެވެ. 

Advertisement

"އަހަރެން މި ވާހަކަ ތަކުރާރުކޮށް ބުނަމުން މި އަންނަނީ. އަަހަންނަށް ވަރަށް ސަޕޯޓް އެބައޮތް. ހަމައެކަނި ކްލަބްގެ ވެރިންގެ ފަރާތުންނެއް ނޫން. ރިޗަޑް އާއި މައިކަލްގެ ފަރާތުން ވެސް. ދެން، މި ބުނާ ވާހަކައިން ކުޑަކޮށް އުނދަގޫތަކެއް ހުރެފާނެ މި ދުވަސްވަރުގެ ގޮތުން، އެކަމަކު، އަހަންނަށް ސަޕޯޓަރުންގެ ފަރާތުން ވެސް ސަޕޯޓް އެބަލިބޭ،" އަންނަ އަހަރުގެ ޖޫން މަހުގެ ނިޔަލަށް ލިވަޕޫލްގެ ކޮންޓްރެކްޓްގައި ހުރި ސްލޮޓް ބުންޏެވެ. 

"ޕެރިހުގައި ލިވަޕޫލްގެ ކުޅުންތެރިން ވޯމްއަޕަށް ނުކުތުމުން، އެއީ ސިޓީ އަތުން 4-0 އިން ބަލިވި ފަހުން ފުރަތަމަ މެޗު، ސަޕޯޓަރުން ވަގުތުން ގޮވަމުން ދިޔައީ ވީ ލަވް ޔޫ ލިވަޕޫލް އޭ،" 

ސްލޮޓް ބުނީ ޗެމްޕިއަންސް ލީގުގައި ޕީއެސްޖީ އަތުން ލިވަޕޫލް ބަލިވި މެޗު މުޅިން ކަހަލަ ގޮތަކަށް މޮޅަށް ކުޅުނީ ޕީއެސްޖީ ކަމަށާއި، އެކަމަކު މި ވަގުތު ލިވަޕޫލް އޮތް ހާލަތު ކްލަބްގެ ވެރިންނަށް ވަރަށް ރަނގަޅަށް އެނގޭނެ ކަމަށް ސްލޮޓް ވަނީ ބުނެފަ އެވެ. 

މިދިޔަ ސީޒަނުގައި ލިވަޕޫލާ ހަވާލުވެ، ފުރަތަމަ އަހަރު އިނގިރޭސި ޕްރިމިއާ ލީގުގެ ޗެމްޕިއަންކަން ހޯދައިދިން ކޯޗު ސްލޮޓަށް މި ފަހަރު ލިވަޕޫލް ގޮވައިގެން ލީގުގެ ގަދަ ފަހެއްގައި ނިންމަން ވެސް އޮތީ ޗެލެންޖް ބޮޑުވެފަ އެވެ. ސްލޮޓް ބުނީ، ލީގުގެ ގަަދަ ފަހެއްގައި ނިންމައި، އަންނަ ސީޒަނުގެ ޗެމްޕިއަންސް ލީގަށް ކޮލިފައިވުމަށްޓަކައި، ފުލަމް މެޗަކީ ވަރަށް މުހިންމު މެޗެއް ކަމަށެވެ. 

ލިވަޕޫލްގެ ކުރީގެ ކުޅުންތެރިންނާއި ގިނަ މީޑިއާތަކަކުން އަންނަނީ މި ސީޒަނަށް ފަހު، ސްލޮޓް މަގާމުން ވަކިކުރާނެ ކަމަށް ބުނަމުންނެވެ. އެކަމަކު، އިނގިރޭސި ބައެއް ނޫސްތަކުން ރިޕޯޓްކުރާ ގޮތުގައި، ލިވަޕޫލްގެ ވެރިން، ފެންވޭ ސްޕޯޓްސް ގްރޫޕް (އެފްއެސްޖީ) އިން މި ވަގުތަށް ބަލާއިރު ގެންގުޅޭ އެއް ވިސްނުމަކީ އަންނަ ސީޒަނުގައި ވެސް ސްލޮޓަށް ފުރުސަތު ދީ، ހާލަތު ބަދަލުކުރަން އޭނާ އަށް އިތުރު ވަގުތުތަކެއް ދިނުމަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox