ސެންޓޭ އަށް އަނެއްކާ ވެސް ހެޓްރިކެއް، ބްލޫ ބަލިކޮށް ނިއު ރޭޑިއަންޓް އެފްއޭ ކަޕް ފައިނަލަށް

Apr 15, 2026, 5:56 PM
އެފްއޭ ކަޕް ސެމީ ފައިނަލުގައި ބްލޫ ކޮޅަށް ލަނޑު ޖެހުމަށް ފަހު ނިއުގެ ސެންޓޭ އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

އެފްއޭ ކަޕް ސެމީ ފައިނަލުގައި ބްލޫ ކޮޅަށް ލަނޑު ޖެހުމަށް ފަހު ނިއުގެ ސެންޓޭ އުފާފާޅުކުރަނީ.---- ފޮޓޯ: ރާއިފް ޔޫސުފް / އަދަދު ސްޕޯޓްސް

އަލީ ފާސިރު (ސެންޓޭ)ގެ ހެޓްރިކާ އެކު، 7-0 އިން ބްލޫ ސްޕޯޓްސް ކްލަބް ބަލިކޮށް ނިއު ރޭޑިއަންޓް ސްޕޯޓްސް ކްލަބުން އެފްއޭ ކަޕް ފައިނަލުގެ ފުރަތަމަ ޖާގަ ހޯދައިފި އެވެ.  

މި މުބާރާތުގެ ކުއާޓާ ފައިނަލުގައި ނިއު އިން 4-0 އިން އޮޑި ބަލިކުރި މެޗުގައި ވެސް ސެންޓޭ ހެޓްރިކެއް ހެދި އެވެ. ނިއު އިން ހޮނިހިރު ދުވަހުގެރޭ ފައިނަލުގައި ކުޅޭނެ ޓީމެއް އެނގޭނީ ދެ ވަނަ ސެމީ ފައިނަލުގައި މިރޭ ޓީސީ ސްޕޯޓްސް ކްލަބާއި ބުރު ސްޕޯޓްސް ކްލަބް ކުޅޭ މެޗުންނެވެ. އެ މެޗުން ބަލިވާ ޓީމެއް ހޮނިހިރު ދުަވަހު ހަވީރު ކުޅޭ ތިން ވަނަ ހޮވާ މެޗުގައި ބްލޫއާ ދެކޮޅަށް ކުޅޭނެ އެވެ. 

ބާރަ ފަހަރު އެފްއޭ ކަޕްގެ ޗެމްޕިއަންކަން ހޯދާފައިވާ ނިއު އިން މުބާރާތުގައި އެންމެ ފަހުން ކުޅުނު ފަހަރު، 2017 ވަނަ އަހަރު ވެސް ފައިނަލުގައި ކުޅުނެވެ. އެ ގޮތުން، 2020 އާއި 2022 ވަނަ އަހަރުގެ މުބާރާތް ބޭއްވިއިރު، ނިއު އޮތީ ސަސްޕެންޝަނެއްގަ އެވެ. މީގެ ތެރެއިން، 2020 ވަނަ އަހަރުގެ މުބާރާތް ސެމީ ފައިނަލަށް ގޮސްފައިވަނިކޮށް، ކޮވިޑް-19 އާ ހެދި މުބާރާތް ވަނީ ކެންސަލްކޮށްފަ އެވެ. 

ޕެނަލްޓީ ޖަހައިގެން، އީގަލްސް ކަޓުވާލާފައި އެފްއޭ ކަޕް ސެމީ ފައިނަލަށް ދަތުރުކުރި ތިން ވަނަ ޑިވިޝަނުގެ ބްލޫ އަށް ނިއު ކައިރީގައި ކުޑަ ވެސް ތަފާތެއް ނުދެއްކުނެވެ. 

ގަލޮޅު ދަނޑުގައި މިއަދު ހަވީރު ކުޅުނު މެޗުގައި ނިއު އިން ފުރަތަމަ ހާފުގައި ވަނީ ފަސް ލަނޑު ޖަހައިފަ އެވެ. އޭގެ ތެރެއިން ފުރަތަމަ ތިން ލަނޑު ޖެހީ ފުރަތަމަ 20 މިނިޓް ތެރޭގަ އެވެ. އެ ގޮތުން، ތިން ވަނަ މިނިޓްގައި ނިއު އިން ލީޑުނެގީ އަލީ ފާސިރު (ސެންޓޭ) ނެގި ހުރަހަކުން އެ ޓީމުގެ ސިއެރަ ލިއޯން މިޑްފީލްޑަރު، ޔާޔާ ބިލިޓީ ވަނީ ގޯލަށް ފޮނުވާލައިފަ އެވެ. 

މެޗުގެ 17 ވަނަ މިނިޓްގައި ނިއު އިން ދެ ވަނަ ލަނޑު ޖެހީ ޕެނަލްޓީ އަކުން ސެންޓޭ އެވެ. މިއީ، ބްލޫގެ ޑިފެންޑަރު، މައިކަލް އަކުއާޔޭ އަތުގައި ބޯޅަ ޖެހުމުން ދިން ޕެނަލްޓީ އެކެވެ. އޭގެ ތިން މިނިޓް ފަހުން، ނައިޖީރިއާ ފޯވާޑް، އަލް ހާޖީ ގޭރޯ ވަނީ ނިއުގެ ތިން ވަނަ ލަނޑު ޖަހައިފަ އެވެ. މިއީ، ބްރެޒިލް މިޑްފީލްޑަރު، ގޯމޭސް ޑަ ސިލްވާ ނެގި ހިލޭ ޖެހުމަކަށް އަރައި ގޭރޯ ބޮލުން ޖެހި ގޯލެކެވެ. 

ނިއު އިން ހަތަރު ވަނަ ލަނޑު ޖެހީ 40 ވަނަ މިނިޓްގައި ހަސަން ރާއިފް އަހުމަދު (ހަންނަ) އެވެ. މިއީ، ކޯނަރަކުން ޑަ ސިލްވާ ނެގި ބޯޅައަކުން ހަންނަ ބޮލުން ޖެހި ގޯލެކެވެ. ފުރަތަމަ ހާފުގެ އިތުރު ވަގުތުގައި ނިއުގެ ފަސް ވަނަ ލަނޑު ޖެހީ ހަންނަ ދިން ބޯޅައަކުން ގޭރޯ އެވެ. ގޭރޯ ގޯލަށް ބޯޅަ ފޮނުވާލީ ހަނި އޭންގަލުންނެވެ. 

ދެ ވަނަ ހާފުގައި ކުޅެން އަރައި، ދެ މިނިޓް ތެރޭ ނިއު އިން އެ ޓީމުގެ ހަ ވަނަ ލަނޑު ޖެހި އެވެ. މިއީ، ޑަ ސިލްވާ ނަގައިދިން ބޯޅައަކަށް ހުސްކޮށް އަަރައި ސެންޓޭ ޖެހި ގޯލެކެވެ. 

ނިއު އިން ދެ ވަނަ ހާފު ފެށިއިރު، އަލީ އަޝްފާގު (ދަގަނޑޭ) އާއި މުހައްމަދު ފާސިރު (ފާއްޓެ) އަދި އަހުނަފް ރަޝީދު (އަހުއްކޮ) ކުޅެން އެރުވި އެވެ. ދަގަނޑޭ އަށް ލިބުނު ފުރުސަތަކުގައި އޭނާ ހުއްޓުވަން ބްލޫގެ ޑިފެންޑަރުން ރަނގަޅު މަސައްކަތްތަކެއް ކުރި އެވެ. 

ސެންޓޭ، ހެޓްރިކް ފުރިހަމަ ކުރި ގޯލު ޖެހީ 81 ވަނަ މިނިޓްގަ އެވެ. އޭރިއާތެރެއިން ތިރިތިރިން ސެންޓޭ ފޮނުވާލި ބޯޅަ ގޯލަށް ވަނީ ބްލޫގެ ސްރީ ލަންކާ ކީޕަރު، އަޝްފާގު އައްޔޫބް އަތުގައި ޖެހިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox