މިއަދު ކުރިއަށްދިޔަ ލޯކަލް ކައުންސިލް އިންތިހާބައި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބު އަދި ފެންނަ ނުފެންނަ ވޯޓުގެ ނަތީޖާތައް އަންނަން ފަށައިފި އެވެ.
އީސީން އިންތިޒާމުތައް ހަމަޖައްސާފައިވާ ގޮތުން އެންމެ ފުރަތަމަ ގުނަނީ ކައުންސިލް އިންތިހާބުގެ ވޯޓު ފޮއްޓެވެ. ދެވަނައަށް ޑަބްލިއުޑީސީ އިންތިހާބުގެ ނަތީޖާތައް ގުނާއިރު އެންމެ ފަހުން ގުނާނީ ރެފަރެންޑަމްގެ ވޯޓެވެ.
މިއަދު ހެނދުނު 08:00 އިން ފެށިގެން ހަވީރު 05:00 އާ ހަމައަށް ރާއްޖޭގެ ހުރިހާ ރަށެއްގައި ވޯޓުލުން ކުރިއަށްދިޔަ އެވެ. ގިނަ އިންތިހާބީ މަރުކަޒުތައް ކައިރީގައި އަމާންކަމާއެކު ވޯޓުލުން ކުރިއަށްދިޔައިރު ބައެއް މަރުކަޒަުތައް ކައިރީގައި ދެބަސްވުންތަކެއް ހިނގި އެވެ.
އިންތިހާބުގައި ވޯޓުލުމުގެ ހައްގު ލިބިފައިވާ މީހުންގެ ތެރެއިން 70 ޕަސަންޓަށްވުރެ ގިނަ މީހުން ވޯޓުލާފައިވާ ކަމަށް ބެލެވެ އެވެ. އިންތިހާބަށް ބެހެއްޓި 588 ފޮށީގެ ތެރެއިން މިހާތަނަށް ބަންދުކުރީ 500 އަށްވުރެ ގިނަ ފޮށި ވަނީ ބަންދުކޮށްފަ އެވެ. ގިނަ ފޮށިތައް ވަނީ ގުނަން ފަށާފަ އެވެ.
މިއަދުގެ އިންތިހާބުގައި ވޯޓުލުމުގެ ހައްގު 294،937 މީހުންނަށް ލިބުނެވެ.
