މިއަދު ކުރިއަށްގެންދިޔަ އިންތިހާބާ ގުޅިގެން މާދަމާ އާއި ޖެހިގެން އަންނަ ހޯމަ ދުވަހަކީ ވެސް ސަރުކާރު ބަންދު ދުވަސްތަކެއްގެ ގޮތުގައި ކަނޑައަޅައިފި އެވެ.
އިލެކްޝަންސް ކޮމިޝަނުން އެދުނީ މާދަމާއަކީ ސަރުކާރު ބަންދު ދުވަހެއް ކަމަށް ކަނޑައަޅާށެވެ. އަދި އިންތިޚާބަށް ފަހުގައިވެސް، އިންތިޚާބާ ގުޅުންހުރި މުހިންމު މަސައްކަތްތަކެއް ކުރުމަށް ހަމަޖެހިފައިވާތީ ހޯމަ ދުވަސް ވެސް ބަންދުކުރަން އެދުނީ އީސީންނެވެ.
އިލެކްޝަންސް ކޮމިޝަނުގެ ނައިބުރައީސް އަބްދުއްރަހްމާން ސޮލާހް ރަޝީދު އަދަދު އަށް ވިދާޅުވީ އިންތިހާބުގައި ވޯޓުލުމުގެ ހައްގު ލިބިފައިވާ މީހުންގެ ތެރެއިން 70 ޕަސަންޓަށްވުރެ ގިނަ މީހުން ވޯޓުލާފައިވާ ކަމަށް. އޭނާ ވިދާޅުވީ އިންތިހާބުގައި ވޯޓުލީ 588 ފޮށީގެ ތެރެއިން މިހާތަނަށް ބަންދުކުރީ 487 ވޯޓު ފޮށި ކަމަށް.
Advertisement
