ހިއްކަން ފެށިތާ ދެ އަހަރު ފަހުން، ރަސްމާލެ ހިއްކަން ބޭނުންވާ ވަރަށް ވެލި ހޯދައިފި

ރަސްމާލެ ހިއްކަން ބޭނުންކުރަމުން އަންނަ "ކްރިސްޓޮބަލް ކޯލޮން" ޑްރެޖަރު: މިއީ ދުނިޔޭގެ އެންމެ ބޮޑު ޓްރެއިލާ ހޮޕާ ސަކްޝަން ޑްރެޖަރުތަކުގެ ތެރެއިން ޑްރެޖަރެއް --- ގްރެފިކްސް: އަދަދު

ރަސްމާލެ ހިއްކަން ބޭނުންކުރަމުން އަންނަ "ކްރިސްޓޮބަލް ކޯލޮން" ޑްރެޖަރު: މިއީ ދުނިޔޭގެ އެންމެ ބޮޑު ޓްރެއިލާ ހޮޕާ ސަކްޝަން ޑްރެޖަރުތަކުގެ ތެރެއިން ޑްރެޖަރެއް --- ގްރެފިކްސް: އަދަދު

ބޯހިޔާވަހިކަމުގެ މައްސަލައަށް ފުރިހަމަ ހައްލު ހޯދުމުގެ އަމާޒުގައި، ފުށިދިއްގަރު ފަޅު ހިއްކައިގެން ތަރައްގީކުރަމުން އަންނަ "ރަސްމާލެ" އަށް ބޭނުންވާ ބިން ހިއްކަން ފެށިތާ ދެ އަހަރު ފަހުން، ރަސްމާލޭގެ ހުރިހާ ސައިޓެއް ހިއްކަން ބޭނުންވާ ވަރަށް ވެލި ހޯދައިފި އެވެ.

ރަސްމާލެ ހިއްކުމުގެ މަސައްކަތް ފެށީ ޑިސެމްބަރު 18، 2023 ގަ އެވެ. އޭރު އެ މަސައްކަތް ފެށީ ވެސް ފަހުން އެހެން ސައިޓުތަކަށް ވެލި ހޯދާނެ ކަމަށް ބުނުމަށް ފަހު، ފުރަތަމަ ހިއްކި "ސައިޓު ޖޭ" އަށް ބޭނުންވާ ވަރަށް ވެލި ހޯދުމަށް ފަހުގަ އެވެ.

ފުށިދިއްގަރު ފަޅު ހިއްކުމުގެ އީއައިއޭ ރިޕޯޓުގައިވާ ގޮތުގައި، ރަސްމާލެއަށް ބޭނުންވާ 1009 ހެކްޓަރުގެ ބިން ހިއްކަން 41.2 މިލިއަން ކޮޑިމީޓަރުގެ ވެލި ބޭނުންވެ އެވެ. މިއީ އޮލިމްޕިކް ސައިޒުގެ 16،500 ސްވިމިން ޕޫލު ފުރާލެވޭހާ ނޫނީ 58،000 ފުޓުބޯޅަ ދަނޑު ފުރާލެވޭހާ ވެއްޔެވެ.

Advertisement

ރަސްމާލެ ހިއްކަން ބޭނުންވާ ވެލި ނަގަން، އެންވަޔަރަމެންޓަލް ރެގިއުލޭޓަރީ އޮތޯރިޓީ (އީއާރުއޭ) އިން ވަނީ، ދެކުނު މާލެ އަތޮޅުގެ އަށް ސަރަހައްދަކުން ވެލި ނެގުމުގެ ހުއްދަ ދޫކޮށްފަ އެވެ.

އެންމެ ފަހުގެ އީއައިއޭ ރިޕޯޓުގައި ބުނެފައި ވަނީ، ޑިސެމްބަރު މަސް ފެށުނު މި އަށް ސަރަހައްދުގެ ތެރެއިން ހަ ސަރަހައްދަކުން 11.2 މިލިއަން ކޮޑިމީޓަރުގެ ވެލި ނަގާފައިވާ ކަމަށެވެ. އަދި، އެއްވެސް ވަރަކަށް ވެލި ނަގަން ނުފަށާ ދެ ސަރަހައްދުގައި ހުރި ވެއްޔާ އެކީ މި ތަންތަނުގައި ބާކީ 37.3 މިލިއަން ކޮޑިމީޓަރުގެ ވެލި އެބަހުއްޓެވެ.

ވެލި ނެގޭ ސަރަހައްދުތަކަށް އިތުރުކުރަން ހުށަހަޅާފައިވާ ހަތަރު ސަރަހައްދުގައި 18.9 މިލިއަން ކޮޑިމީޓަރުގެ ވެލި ހުރިއިރު، މި ސަރަހައްދުތައް އިތުރުކުރަން ޖެހުނީ ހަތް މިލިއަން ކޮޑިމީޓަރުގެ ވެލި ބޭނުންވެގެންނެވެ. އެކަމަކު ކުރިން ހުއްދަ ދޫކުރި ސަރަހައްދުތަކުގައި ބާކީ ގިނަ ވެލި ހުރި ކަމަށް ރިޕޯޓުގައި ހުރި ތާވަލުތަކުން ދައްކާއިރު، ވެލި ނަގާ ސަރަހައްދުތައް އިތުރު ކުރަން ޖެހުނު ސަބަބެއް އީއައިއޭއިން ސާފެއް ނޫނެވެ.

މި ހަތް މިލިއަން ހަމަކުރަން ކުރިން ހުއްދަ ދިން ސަރަހައްދުތަކުގެ ތެރެއިން ވެލި ނުނަގާ އޮތް ދެ ސަރަހައްދު ވެސް ބޭނުންކުރާ ގޮތަށް ވަނީ ހަމަޖެހިފަ އެވެ.

މިހާރު ބޭނުންނުކޮށް ހުރި ސަރަހައްދުތަކުގައި ހުރި ވެއްޔާއި ކުރިން ހުއްދަ ދޫކުރި ސަރަހައްދުތަކުގައި ހުންނާނެ ކަމަށް އަންދާޒާ ކުރާ ވެލި ހިމަނައިގެން 72.7 މިލިއަން ކޮޑިމީޓަރުގެ ވެލި މި ސަރަހައްދުތަކުގައި އެބަހުރި ކަމަށް އީއައިއޭ ރިޕޯޓުން ދައްކަ އެވެ.

ރަސްމާލެ ހިއްކަން ފެށިތާ ދެ އަހަރަށް ވުރެ ގިނަ ދުވަސް ވެފައިވާއިރު، މިހާތަނަށް އެއްކޮށް ހިއްކާ ނިމުނީ ކެޕިޓަލް މެރިން ކޮންސްޓްރަކްޝަން (ސީއެމްސީ) އާ ހަވާލުކޮށްގެން ހިއްކި ސައިޓު ޖޭ އެކަންޏެވެ.

އެ ފަހުން މިދިޔަ އަހަރުގެ ތެރޭގައި މޯހަން މުތާ އެކްސްޕޯޓުން ވަނީ އެ ކުންފުންޏާ ހަވާލުކުރި ހަތަރު ސައިޓުގެ ތެރެއިން ސައިޓު އެފް ހިއްކަން ފަށާފަ އެވެ. އަދި ޗައިނާގެ ދެ ކުންފުންޏާ ހަވާލުކުރި ތަންތަނުގެ ތެރެއިން ސައިޓު ސީ އާއި ސައިޓު އެލްގެ އިތުރުން ސައިޓު އޭ ވެސް އަންނަނީ ހިއްކަމުންނެވެ.

މި ޕްރޮޖެކްޓު ހިންގަމުން އަންނަ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މި މަހުގެ އަށް ވަނަ ދުވަހު ހާމަކޮށްފައިވާ ގޮތުގައި، އެހާތަނަށް 215 ހެކްޓަރަށް ވުރެ ބޮޑު ސަރަހައްދެއް ހިއްކާ ނިމިއްޖެ އެވެ. މިއީ ފަހުގެ ޕްލޭނުގައި ހިއްކަން ބުނި ބިމުގެ ސަރަހައްދުގެ 21 ޕަސެންޓެވެ.

އެޗްޑީސީން މި މައުލޫމާތު ހާމަކުރީ، ރަސްމާލެ ހިއްކުމުގެ މަސައްކަތަށް ދުނިޔޭގެ އެންމެ ބޮޑު ޑްރެޖަރު ތަކުގެ ތެރޭގައި ހިމެނޭ "ކްރިސްޓޮބަލް ކޯލޮން"، ރަސްމާލެ ހިއްކުމުގެ މަސައްކަތަށް ނެރުނު ފަހުންނެވެ.

އެޗްޑީސީ އާއި ސަރުކާރުން ވެސް އާ ޑްރެޖަރުތަކާ އެކީ ރަސްމާލޭގެ ބިން ހިއްކުމުގެ މަސައްކަތުގެ ދުވެލި އަވަސް ކުރެވޭނެ ކަމަށެވެ. ރައީސް މުހައްމަދު މުއިއްޒު މިދިޔަ މަހު ވިދާޅުވި ގޮތުން ނަމަ، އިތުރަށް ބޭނުންވަނީ ފަސް މަހެވެ. މުއިއްޒު ދެއްވި ތާރީހު ހަމަ ވާނީ އަންނަ އަހަރުގެ އޭޕްރިލްގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox