ފިޓްނަސް ސެންޓަރުތައް އަޅަން އެމްއޭސީއެލްއިން 327 މިލިއަން ރުފިޔާ ހަރަދުކުރޭ

ގްރެފިކްސް: އިސްމާއިލް އިމްދާދު/އަދަދު

ގްރެފިކްސް: އިސްމާއިލް އިމްދާދު/އަދަދު

އެކި ސަރަހައްދުތަކުގެ 63 ރަށެއްގައި ފިޓްނަސް އެންޑް ރެކްރިއޭޝަން ސެންޓަރުތައް އަޅަން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މުޅި ޕްރޮޖެކްޓަށް 327 މިލިއަން ރުފިޔާ ހަރަދުވާނެ ކަމަށް އެ ކުންފުނީގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ވިދާޅުވެއްޖެ އެވެ.

ރަށްރަށުގައި ފިޓްނަސް ސެންޓަރުތައް އެޅުމުގެ މަސައްކަތް ވެލާނާ އެއާޕޯޓު ހިންގާ އެމްއޭސީއެލްއާ ހަވާލުކުރީ މިދިޔަ މަހުގެ 19، ގަ އެވެ. އެއީ ރައީސް މުހައްމަދު މުއިއްޒު މިހާރު ރަށްރަށަށް ކުރައްވަމުން ގެންދަވާ ދަތުރުތައް ފެއްޓެވުމުގެ ކުރިންނެވެ. މުއިއްޒުގެ ދަތުރުތަކުގައި ރަށްރަށަށް ވަޑައިގެން ގެންދަވަނީ މި ސެންޓަރުތަކުގެ ބިންގާ އަޅުއްވަމުންނެވެ.

ނަމަވެސް އެ މަޝްރޫއުގައި ސޮއިކުރި އިރު އެ މަސައްކަތަށް ހިނގާނެ ހަރަދާއި ފަރުމާ އާއި މަސައްކަތް ނިންމަން ދިން މުއްދަތު ފަދަ މުހިންމު މައުލޫމާތެއް ހާމަނުކުރެ އެވެ.

މިކަމާ ގުޅިގެން ސުވާލުކުރުމުން މެސެޖުން ދެއްވި ޖަވާބުގައި ޝަރީފް ވިދާޅުވީ، ކޮންްމެ ރެކްރިއޭޝަން ސެންޓަރަކަށް ހަރަދުވަނީ 5.2 މިލިއަން ރުފިޔާ ކަމަށެވެ. އަދި މި ޕްރޮޖެކްޓު ހިންގަނީ ކޮންޓްރެކްޓާ ފައިނޭންސް އުސޫލުން އެމްއޭސީއެލްގެ ހަރަދުގައި ތަންތަން އެޅުމަށް ފަހު ސަރުކާރާ ހަވާލުކުރުމުން، އެ ތަންތަނަށް ފައިސާ ދައްކާ ގޮތަށް ކަމަށް އޭނާ ވިދާޅުވި އެވެ.

އެމްއޭސީއެލްއަކީ އެއާޕޯޓު ހިންގާ ކުންފުންޏަށް ވާތީ، މަސައްކަތުގެ ދާއިރާއިން ބޭރުން ޕްރޮޖެކްޓަކާ ހަވާލުވުމުން ގިނަ ފާޑުކިޔުންތަކެއް ދަނީ އަމާޒު ވަމުންނެވެ.

ނަމަވެސް ޝަރީފް ވިދާޅުވީ، ކުންފުނީގެ ކޭޝް ފްލޯ ރަނގަޅު ކަމަށާއި މި ޕްރޮޖެކްޓު ހިންގަން ކުންފުންޏަށް ދައްޗެއް ނެތް ކަމަށެވެ. އަދި ކުންފުނީގެ މާލީ ހާލަތަށް ބަލާއިރު، ފައިނޭންްސިން ހޯދައިގެން ވެސް މަސައްކަތް ކުރުމުގެ ދައްޗެއް ނެތް ކަމަށް އޭނާ ވިދާޅުވި އެވެ.

ފިޓްނަސް އެންޑް ރެކްރިއޭޝަން ސެންޓަރުތަކުގެ އިތުރުން އެމްއޭސީއެލްއިން ވަނީ ފައިނު އެއާޕޯޓާއި މަތިވެރި އެއާޕޯޓާއި މަކުނުދޫ އެއާޕޯޓު ތަރައްގީކޮށް، ހިންގުމުގެ މަސައްކަތާ ވެސް ހަވާލުވެފަ އެވެ. އަދި ކުޅުދުއްފުށީ އެއާޕޯޓުގެ އެކްސްޕޭންޝަން ޕްރޮޖެކްޓު ވެސް ހަވާލުކުރީ އެ ކުންފުންޏާ އެވެ.

އެމްއޭސީއެލްގެ މާލީ ހާލަތު ރަނގަޅު ނަމަވެސް، އެ ކުންފުންޏަކީ ސްޓެރެޓަޖިކް މަގުސަދެއްގައި އުފައްދާފައިވާ މުޅި އިގުތިސޯދަށް ވަރަށް މުހިންމު ކުންފުންޏެކެވެ. ދައުލަތަށް ވަންނަ ޑޮލަރު އާމްދަނީ އާއި އެންމެ މުހިންމު ސިނާއަތް ކަމުގައިވާ ޓޫރިޒަމުގެ މައި ދޮރާށްޓަކީ އެމްއޭސީއެލްއިން ބަލަހައްޓާ ވެލާނާ އެއާޕޯޓެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox