ޓޫރިޒަމް ޕްރޮމޯޓުކުރާ ކުންފުނި، ވިޒިޓް މޯލްޑިވްސް ކޯޕަރޭޝަން (ކުރިން އެމްއެމްޕީއާރުސީ) ގެ ބޯޑަށް ސަރުކާރުން އިތުރު ހަތަރު މެންބަރުން މިއަދު އައްޔަންކޮށްފި އެވެ.
ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން (ޕީސީބީ)އިން ކުރި އިއުލާނެއްގައި ބުނި ގޮތުގައި އެ ބޯޑަށް އައްޔަނުކުރީ:
- ހުދާ ފަހީމް
- އާއިޝަތު މަލްހާ
- އަލީ ސިނާން
- އާއިޝަތު އަލީ
މިއަދު އައްޔަނުކުރި ހަތަރު މެންބަރުންނާއެކީ ވިޒިޓް މޯލްޑިވްސް ކޯޕަރޭޝަންގެ 11 މެންބަރުންގެ ބޯޑު ހަމަވީ އެވެ.
ވިޒިޓް މޯލްޑިވްސް ކުންފުނީގެ ވެބްސައިޓުގައިވާ ގޮތުގައި އެ ކުންފުނީގެ ބޯޑުގައި ތިއްބަވަނީ ޗެއާޕާސަން އަބްދުﷲ ގިޔާސް ރިޔާޒާއި ސީއީއޯ އަދި އެމްޑީ އިބްރާހިމް ޝިއުރީގެ އިތުރުން މާހާ ނަސީރާއި އައިމިނަތު ވުލާއި މުހައްމަދު ނާޒިމް އާއި އަބްދުލް ސަމީއު އިމާދުގެ އިތުރުން އައިޝަތު ހަމީދާއި ސަބީހާ އަހުމަދެވެ.
ވިޒިޓް މޯލްޑިވްސް ކުންފުނީގެ މައިގަނޑު މަގުސަދަކީ ޓޫރިޒަމް އިޝްތިހާރު ކުރުމެވެ. މި މަސައްކަތުގެ ތެރެއިން ރާއްޖޭ މާކެޓް ކުރުމާއި ޕްރޮމޯޓު ކުރުމާއި އިޝްތިހާރު ކުރުމުގެ އެންމެހައި މަސައްކަތް ކުރަން ޖެހެނީ މި ކުންފުނިންނެވެ،
