ރައްޔިތުންގެ މަޖިލީހުގެ ޕީއެންސީ ގިނަ މެންބަރުން ތިބީ އެމްޑީޕީ މެންބަރުންނާއެކު: ނާޒިލް

އެމްޑީޕީގެ ޕީޖީ ލީޑަރު ނާޒިލް: ޕީއެންސީގެ މެންބަރުން ކުލަ ބަދަލުކުރަން ނުކެރިގެން އުޅެނީ ގާނޫނު މިހާރު އޮތް ގޮތުން ކަމަށް އޭނާ ވިދާޅުވި -- ފޮޓޯ: އަދަދު

އެމްޑީޕީގެ ޕީޖީ ލީޑަރު ނާޒިލް: ޕީއެންސީގެ މެންބަރުން ކުލަ ބަދަލުކުރަން ނުކެރިގެން އުޅެނީ ގާނޫނު މިހާރު އޮތް ގޮތުން ކަމަށް އޭނާ ވިދާޅުވި -- ފޮޓޯ: އަދަދު

ރައްޔިތުންގެ މަޖިލީހުގައި ތިއްބެވި ސަރުކާރު ހިންގާ ޕީއެންސީގެ ގިނަ މެންބަރުން އިދިކޮޅު އެމްޑީޕީގެ ޕާލަމަންޓްރީ ގްރޫޕުގެ މެންބަރުންނާއެކު ތިއްބެވި ކަމަށް އެ ގްރޫޕްގެ ލީޑަރު އިބްރާހިމް ނާޒިލް މިއަދު ވިދާޅުވެއްޖެ އެވެ.

އެމްޑީޕީން ބޭއްވި ނޫސްވެރިންގެ ބައްދަލުވުމުގައި ނާޒިލް ވިދާޅުވީ ސަރުކާރުން ކުރާ ބޭކާރު ހަރަދާއި ރައްޔިތުން އުޅޭ ހާލުގެ ވާހަކަ ދެއްކުމުން ބާރު ކުރަނީ ޕީއެންސީ އަދި ސަރުކާރަށް ތާއިދުކުރާ މަދު މަޖިލިސް މެންބަރުންނަށް ކަމަށެވެ.

"ގިނަ މެންބަރުން އަޅުގަނޑުމެންނާ އެކީގައި ތިބީ. އެނގޭތޯ. ބޭރުން ކުލަ ކޮންމެ ގޮތަކަށް ހުއްޓަސް އެތެރެ ހުރީ އަޅުގަނޑުމެންނާ އެކީގައި. މިއީ ހަގީގަތް،" ނާޒިލް ވިދާޅުވި އެވެ.

އެމްޑީޕީއާއެކު ތިއްބެވި ޕީއެންސީގެ މެންބަރުން ކުލަ ބަދަލުކުރަން ނުކެރިގެން އުޅެނީ ގާނޫނު މިހާރު އޮތް ގޮތުން ކަމަށް ނާޒިލް ވިދާޅުވި އެވެ. އޭނާ ވިދާޅުވީ ގާނޫނު އެގޮތަށް އޮތަސް އެ މެންބަރުންތައް އެމްޑީޕީއާ އެކު ދެމި ތިއްބަވާނެކަން ސާފުވާ ކަމަށެވެ.

"ބޭރު ކުލަ ބަދަލުކުރަން ނުކެރިގެން އެ އުޅެނީ ގާނޫނު ތެރެއިން ހިފެހެއްޓިފައި އޮތް މިންވަރު ބޮޑުވީމަ. އިރާދަކުރެއްވިއްޔާ އެ ގާނޫނު އެހެން އޮތަސް ވެސް އަޅުގަނޑުމެންނާ އެކީގައި މެންބަރުން ތިބޭނެކަން އަޅުގަނޑުމެންނަށް ވަރަށް ސާފު،" ނާޒިލް ވިދާޅުވި އެވެ.

ނާޒިލް ވިދާޅުވީ ރައްޔިތުން ހަނާވެ، ކަންމަތީ ފިހާރައިގައި ހުރި އެއްޗެހި ހުސްވެ ކުދި ވިޔަފާރިތައް ހުލިވެފައިވާ ކަމަށެވެ. އެގޮތުން އެކަމާ ރައްޔިތުން ދެކޮޅު ހަދައި ނިކުންނަން ޖެހޭ ކަމަށް އޭނާ ވިދާޅުވި އެވެ.

ސަރުކާރުން ހުށަހަޅައިގެން މިދިޔަ އަހަރު ނޮވެމްބަރު މަހުގެ ތެރޭގައި ގާނޫނު އަސާސީއަށް ގެނައި ބަދަލުގައި މެންބަރަކު ޕާޓީން ވަކިވެއްޖެނަމަ، ޕާޓީ ބަދަލުކޮށްފިނަމަ ނުވަތަ ގާނޫނުގެ ދަށުން ޕާޓީން ވަކިކޮށްފިނަމަ ގޮނޑި ގެއްލޭނެ ކަމަށް ސާފުކޮށް ބަޔާންކޮށްފައިވެ އެވެ. އަމިއްލަ ގޮތުން އިންތިހާބުވާ މެންބަރަކު ޕާޓީ ބަދަލުކޮށްފި ނަމަވެސް ގޮނޑި ގެއްލެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox