ދިވެހިންގެ ތެރޭގައި ވިޔަފާރިކުރަން މަގުބޫލު ބައެއް ސައިޓުތަކަށް ފައިސާ ދައްކާ ކޮންމެ ފަހަރަކު 30 ޕަސެންޓުގެ ފީއެއް ނަގަން ފަށަން ނިންމާ އެކަން އިއުލާނުކުރި ދުވަހު ޖެހި އޯޑަރުތަކުން ވެސް އެ ފީ ނެގި މައްސަލަތަކެއް ފެންމަތިވެއްޖެ ކަމަށް އިއްޔެ ރިޕޯޓުކުރި އެވެ.
ބީއެމްއެލް އިން މި ފީ ނަގާނެކަން އިއުލާނުކުރީ ޖޫން 30، ގަ އެވެ. އެ އިއުލާނުގައި ބުނެފައިވަނީ ޓީމޫ، ޝީއިން، އަލިބާބާ، އަލީ އެކްސްޕްރެސް، ލަޒާޑާ އަދި އީބޭ ކުރާ ވިޔަފާރިތަކުން ފީ ނަގަން ފަށާނީ ޖުލައި 1، އިން ފެށިގެން ކަމަށެވެ.
ނަމަވެސް، މި ނޫހާ ވާހަކަ ދެއްކި އާންމުންގެ ބައެއް ފަރާތްތަކުން ބުނި ގޮތުގައި ޖޫން 30، ގެ ދުވާލު އަދި އެ ރޭ ޖެހި އޯޑަރުތަކުން 30 ޕަސެންޓު ވަނީ ނަގާފަ އެވެ. މީގެ ތެރޭގައި ފަހު ދުވަހު ޝެއިން އޯޑަރު ކުރި ރާއްޖޭގައި އޮންލައިން ވިޔަފާރި ކުރާ ބައެއް މީހުން ވެސް ހިމެނެ އެވެ.
މި ނޫހާ ވާހަކަ ދެއްކި އެކަކު ބުނި ގޮތުގައި އެރޭ ޖެހި އޯޑަރުތައް ބޭންކުން ޕެންޑިން ގައި ބެހެއްޓުމަށްފަހު ޕްރޮސެސްކުރީ 30 ޕަސެންޓު ފީ އާ އެކު އެވެ. މިކަމާ ގުޅިގެން ބައެއް މީހުންނަށް އެތައް ހާސް ރުފިޔާގެ ގެއްލުން ވަނީ ވެފަ އެވެ.
titledesc
ނަމާދު ވަގުތު
- ފަތިސް 04:40
- އިރުއަރާ 05:58
- މެންދުރު 12:14
- އަޞްރު 15:38
- މަޣްރިބް 18:23
- ޢިޝާ 19:41
