ފުރުސަތުގެ ބޭނުންހިފަން އެޓަލަންޓާ އަށް މުހިންމު މޮޅެއް

Feb 9, 2025, 6:37 AM
އެޓަލަންޓާގެ ރެޓެގީ ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އޭއެފްޕީ

އެޓަލަންޓާގެ ރެޓެގީ ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އޭއެފްޕީ

މިލާން (ފެބްރުއަރީ 9) - އިޓާލިއަން ލީގުގައި ރޭ ހެލަސް ވެރޯނާ އަތުން 5-0 އިން މޮޅުވެ، އެޓަލަންޓާ އިން ލީގުގެ ރޭހުގައި ކުރިއަށްދާން މުހިންމު މޮޅެއް ހޯދައި ފުރުސަތުގެ ބޭނުން ހިފައިފި އެވެ.

މި ހަފްތާގައި ކުޅުނު މެޗުން ފިއޮރެންޓީނާ އަތުން އިންޓަ މިލާން މޮޅުވުމުން، ލީގުގެ ދެ ވަނަ އަށް އެރުމަށް އެޓަލަންޓާ އަށް ރޭ ލިބުނީ މުހިންމު މޮޅެކެވެ. ލީގުގެ އެއް ވަނައިގައި އޮތް ނަޕޯލީ އަށް 23 މެޗުން 54 ޕޮއިންޓް ލިބިފައިވާއިރު، އިންޓަ އަށް 23 މެޗުން ހަމަކުރެވުނީ، 51 ޕޮއިންޓެވެ. ތިން ވަނައިގައި އޮތް އެޓަލަންޓާ އަށް 24 މެޗުން ވަނީ 50 ޕޮއިންޓް ލިބިފަ އެވެ.

ރޭގެ މެޗުގައި އެޓަލަންޓާގެ ތަރިއަކީ އިޓަލީ ގައުމީ ޓީމުގެ ފޯވާޑް، މަޓެއޯ ރެޓެގީ އެވެ. ފަހަކަށް އައިސް ރަނގަޅު ފޯމެއްގައި ކުޅެމުން އަންނަ ރެޓެގީ ހަތަރު ގޯލު ހެލަސް ވެރޯނާ ކޮޅަށް ޖެހިއިރު، އެ ޓީމުގެ އަނެއް ގޯލު ކާމިޔާބުކުރީ ބްރެޒިލްގެ މިޑްފީލްޑަރު، އެޑަސަން އެވެ.

ލީގުގައި މި ހަފްތާގައި، އޭސީ މިލާނުން 2-0 އިން އެމްޕޮލީ ބަލިކުރިއިރު، ޔުވެންޓަސް އިން ކޯމޯ ދަނޑުގައި މޮޅުވީ 2-1 އިންނެވެ.

މިލާނަށް ރޭގެ މެޗުގައި ލަނޑުތައް ޖަހައިދިނީ، ރަފައެލް ލެއާއޯ އާއި ސަންޓިއާގޯ ހިމެނޭޒް އެެވެ. މި ދެ ގޯލު ޖަހަން ވެސް ފުރުސަތު ތަނަވަސްކޮށްދިނީ، ކްރިސްޓިއަން ޕުލިސިޗް އެވެ. މި މެޗުގައި، މިލާނުގެ ފިކާޔޯ ޓޮމޯރީ އަށް ރަތް ކާޑެއް ދެއްކިއިރު، އެމްޕޮލީގެ ލޫކަ މަރިއަނޫޗީ އަށް ވަނީ ރަތް ކާޑެއް ދައްކައިފަ އެވެ. އެހެންވެ، ދެ ޓީމުން ވެސް ނިންމާލީ ކުޅުންތެރިއަކު މަދުކޮށެވެ.

ކޯމޯ އަށް އަސޭނޭ ޑިއާއޯ ލަނޑު ޖަހައިދިންއިރު، ޔުވެންޓަސްގެ ދެ ގޯލު ވެސް ޖެހީ، ޕީއެސްޖީ ދޫކޮށް ޔުވެންޓަސް އަށް ދާދި ފަހުން ބަދަލުވި، ރަންޑަލް ކޯލޯ މުއާނީ އެވެ.

ހަތަރު ވަނައިގައި އޮތް ޔުވެންޓަސް އަށް 24 މެޗުން 43 ޕޮއިންޓް ލިބިފައިވާއިރު، މިލާން ހަތް ވަނައިގައި އޮތީ 23 މެޗުން 38 ޕޮއިންޓާ އެކު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox