ސްޕެއިނުގެ ކިންގްސް ލީގުގައި ރާއްޖޭގެ މިރާޝް އަށް ހާއްސަ ސަމާލުކަމެއް

Dec 4, 2024, 7:02 AM
ސްޕެއިނުގެ ކިންގްސް ލީގުގައި ރާއްޖޭގެ މިރާޝް އަށް ހާއްސަ ސަމާލުކަމެއް

ސްޕެއިނުގެ މަޝްހޫރު ފުޓްބޯޅަ ތަރި، ޖެރާޑް ޕީކޭ ހިންގަމުން އަންނަ ފޯރިގަދަ ކިންގްސް ލީގުގައި ކުޅެމުން އަންނަަ ރާއްޖޭގެ މިރާޝް އިމްތިޔާޒު (އާޝް) އަށް ހާއްސަ ސަމާލުކަމެއް ލިބިއްޖެ އެވެ.

ކިންގްސް ލީގުގެ 1ކޭފުޓްބޯލް ކްލަބަށް ކުޅެމުން އަންނަ މިރާޝް، އުމުރުން އެންމެ 13 އަހަރުގައި ސްޕެއިނަށް ދިޔައީ ފުޓްބޯޅަ ކެރިއަރުގައި ވެސް ކުރިއަށް ދިއުމުގެ އަޒުމާ އެކު އެވެ.

މި ވަގުތު، ސްޕެއިނުގައި ފްލައިޓް އިންސްޓްރަކްޓެއްގެ ގޮތުގައި ވެސް މަސައްކަތް ކުރަމުން އަންނަ މިރާޝް، 24، އަށް، ކިންގްސް ލީގުގެ މީޑިއާ ޓީމުގެ ސަމާލުކަން ހުއްޓުނީ މަސައްކަތުގެ މާހައުލުގައި އުޅެމުން ވެސް ފުޓްބޯޅަ ކުޅުމުގައި އޭނާގެ ހުނަރު ފެންނާތީ އެވެ.

Advertisement

ކިންގްސް ލީގުގެ މީޑިއާ ޓީމަށް ދިން އިންޓަވިއުއެއްގައި މިރާޝް ބުނެފައިވަނީ، ސްޕެއިނުގައި އޭނާ މިހާރު 10 އަހަރުވެފައިވާ ކަމަށާއި ފްލައިޓް އިންސްޓްރަކްޓަރެއްގެ ގޮތުގައި މަސައްކަތްކުރާއިރު، ޕައިލެޓަކަށް ވުމަށް ހިތްޖެހުނު ސަބަބަކީ އޭނާގެ އާއިލާގައި ވެސް ޕައިލެޓުން ގިނަ ވުމުން ކަމަށެެވެ. އަދި މިރާޝް ބައްޕަ އަކީ ވެސް ސީޕްލޭން ޕައިލެޓެއް ކަމަށާއި، ކުޑައިރުގައި، ސީޕްލޭނުގައި ދަތުރުކުރިއިރު، ޕައިލެޓަކަށް ވުމަށް ވެސް ހިތްޖެހުނީ ކަމަށެެވެ.

ސްޕެއިނުގައި ފްލައިޓް އިންސްޓްރަކްޓަކަށް މަސައްކަތްކުރާއިރު، ކުދިންނަށް ބުނެދިނުމުގައި އޭނާ އެންމެ ބޮޑަށް ސަމާލުވާ ކަމަކީ، ކޮންޓްރޯލް ނަގައިގެން ހިތްހަމަޖެހިގެން އެކަން ކުރަން އިރުޝާދުދިނުމުގަ އެވެ.

ކިންގްސް ލީގުގެ ސިލެކްޝަނުން ހޮވިގެން މިރާޝް ކުޅެމުން އަންނަ 1ކޭފުޓްބޯލް ކްލަބަކީ ވެސް ސްޕެއިނުގެ ލެޖެންޑަރީ ކީޕަރު، އިކާ ކަސިއަސް ވެސް ޝާމިލުވާ ޓީމެކެވެ. ކިންގްސް ލީގުގެ މީޑިއާ ޓީމުން މިރާޝްގެ ކޮންޓެންޓް ގެންނަން ޓްރެއިލާގައި ބޭނުންކޮށްފައިވަނީ، އިކާ ކަސިއަސްގެ މެސެޖެއް މިރާޝް އަށް އަންނަ މަންޒަރުތައް ދައްކުވައިދޭ ގޮތަކަށެވެ.

ސްޕެއިންގެ ފުޓްބޯޅައިގެ ސަރަހައްދު ކެޓަލޫނިއާ ސަރަަހައްދުގެ ޓީމު ޔޫއީ ކޯނެލާގެ އެކަޑަމީގައި ތަމްރީން ހަދައި ސްޕެއިންގެ ޔޫތު މުބާރާތްކުގައި ވެސް ކުޅުނު މިރާޝް ވަނީ އުމުރުފުރާ ގައުމީ ޓީމުތަކަށް ކުޅެފަ އެވެ. ރާއްޖޭން 2019 ވަނަ އަހަރުގެ ސައުތު އޭޝިއަން ގޭމްސްގެ ފުޓްބޯޅައިގައި ވާދަކުރިިއިރު، މިރާޝް ޓީމުގައި ހިމަނަން މަސައްކަތްކުރި ނަމަވެސް އޭރު އޭނާ ހުރީ އަނިޔާގަ އެވެ.

މީގެ ދެ އަހަރު ކުރިން މިރާޝް ވަނީ ގައުމީ ސީނިއާ ފުޓްބޯޅަ ޓީމުން މެލޭޝިއާއާ ދެކޮޅަށް ކުޅުނު މެޗުގައި ކުޅެފަ އެވެ.

އާލީޓަޗްފުޓްބޯލް އެކެޑަމީން ފުޓްބޯޅަ ކުޅެން ތަމްރީން ހަދައި، އިސްކަންދަރު ސްކޫލާ އެކު އިންޓަ ސްކޫލްގައި ތަފާތު ދެއްކި މިރާޝް އަންނަނީ ކިންގްސް ލީގުގައި ލިބުނު ފުރުސަތުގެ ބޭނުން ވެސް ރަނގަޅަށް ހިފަމުންނެވެ.

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox