ޕީކޭ ފުޓްބޯޅަ ކުޅުން ހުއްޓާލަން ނިންމައިފި

Nov 3, 2022, 8:34 PM
ޕީކޭ ފުޓްބޯޅަ ކުޅުން ހުއްޓާލަން ނިންމައިފި

މެޑްރިޑް (ނޮވެމްބަރު 4) - ބާސެލޯނާ އާއި މެންޗެސްޓާ ޔުނައިޓެޑަށް ކުޅުނު ސްޕެއިންގެ ޑިފެންޑަރު، ޖެރާޑް ޕީކޭ މި ހަފްތާ ބަންދުގައި ފުޓްބޯޅަ ކުޅުން ހުއްޓާލަން ނިންމާފައިވާކަން އިއުލާނުކޮށްފި އެވެ.

ޕީކޭ، 35، ސޯޝަލް މީޑިއާ އަށް ދޫކޮށްލި ވީޑިއޯ މެސެޖެއްގައި ފުޓްބޯޅަ ކުޅުން ހުއްޓާލަން ނިންމާފައިވާކަން އިއުލާނުކޮށް ބުނީ، އޭނާ ކުރިން ވެސް ހާމަކުރި ގޮތަށް ބާސެލޯނާ އަށް ފަހު ދެން އިތުރު ޓީމަކަށް ކުޅުމެއް ނޯންނާނެ ކަމަށެވެ. އެެހެންވެ، ބާސެލޯނާ އަށް ކުޅުމަށް ފަހު ފުޓްބޯޅަ ކެރިއަރު ނިންމާލާނެ ކަމަށް ޕީކޭ ވަނީ ބުނެފަ އެވެ.

ޕީކޭގެ ފަހު މެޗަށް ވާނީ ބާސެލޯނާ ދަނޑުގައި ހޮނިހިރު ދުވަހުގެރޭ އަލްމެރިއާއާ ދެކޮޅަށް ކުޅޭ މެޗެވެ.

"ފުޓްބޯޅައިން އަހަންނަށް ހުރިހާ އެއްޗެއް ވެސް ހޯދައިިދިިނީ، ބާސެލޯނާ އާއި ބާސެލޯނާގެ ސަޕޯޓަރުން އަހަންނަށް އެންމެ ބޮޑު ހިތްވަރެއް ދިނީ، އަހަންނަކީ މި ކްލަބްގެ މީހެއް، މި ކްލަބްގެ މީހެއްގެ ގޮތުގައި އަބަދުވެސް ހުންނާނީ،" ޕީކޭ ބުންޏެވެ.

ޔޫތު ކެރިއަރު ބާސެލޯނާގައި ހޭދަކުރި، ޕީކޭ، 2004 ވަނަ އަހަރު ސޮއިކުރީ މެންޗެސްޓާ ޔުނައިޓެޑަށެވެ. އެ ޓީމުގެ ބަދަލު ކުޅުންތެރިއެއްގެ ގޮތުގައި ހުރެ ޕީކޭ ވަނީ 2008 ވަނަ އަހަރު ޔުނައިޓެޑާ އެކު ޗެމްޕިއަންސް ލީގު ކާމިޔާބު ކޮށްފަ އެވެ. އެ އަހަރު، އޭނާ ވަނީ ޕެޕް ގާޑިއޯލާގެ އެދުމަށް ބާސެލޯނާ އަށް ބަދަލުވެފަ އެވެ.

ޕީކޭ ވަނީ ބާސެލޯނާ އަށް ކުޅުނު 600 އަށް ވުރެން ގިނަ މެޗުގައި އެ ޓީމާ އެކު 30 ތަށި ހޯދައިފަ އެވެ. އޭގެ ތެރޭގައި އަށް ފަހަރު ސްޕެނިޝް ލީގު ކާމިޔާބު ކުރުމާއި ތިން ފަހަރު ޗެމްޕިއަންސް ލީގު ކާމިޔާބު ކުރުމުގެ އިތުރުން ހަތް ފަހަރު ކޮޕަ ޑެލް ރޭ ކާމިޔާބު ކުރުން ހިމެނެ އެވެ.

ސްޕެއިންގެ ގައުމީ ޓީމުގެ ކާމިޔާބީތަކުގައި ވެސް ޕީކޭގެ ހިއްސާ އެބައޮތެވެ. މީގެ ހަތަރު އަހަރު ކުރިން 2018، ވަނަ އަހަރު ސްޕެއިން ގައުމީ ޓީމަށް ކުޅުން ހުއްޓާލި ޕީކޭ ވަނީ ގައުމީ ޖޯޒީގައި 102 މެޗު ކުޅެފަ އެެވެ. އޭނާ އަކީ 2010 ވަނަ އަހަރުގެ ފީފާ ވޯލްޑް ކަޕާއި 2012 ވަނަ އަހަރުގެ ޔޫރޯ ކާމިޔާބުކުރި ސްޕެއިން ޓީމުގެ މުހިންމު ކުޅުންތެރިއެކެވެ.

ފުޓްބޯޅަ ތަރިންގެ ތެރެއިން ޕީކޭ އަކީ ވިޔަފާރިތަކުގައި އެންމެ އެކްޓިވްކޮށް ހަރަކާތެރިވާ އެއް ކުޅުންތެރިޔާ އެވެ. ޕީކޭގެ އަމިއްލަ ކުންފުންޏެއް ކަމަށްވާ ކޮސްމޯސް އިންވެސްޓްމަންޓް ގްރޫޕުން އަންނަނީ އެކި ކުޅިވަރުތަކަށް ބޮޑެތި އިންވެސްޓްތަކެއް ކުރަމުންނެވެ. އެ ގޮތުން ޓެނިހާއި ބާސްކެޓްބޯޅަ އަދި އެކްސްޓްރީމް ސްޕޯޓްސް އިވެންޓްތަކަށް ޕީކޭގެ ކުންފުނިން އަންނަނީ އިންވެސްޓް ކުރަމުންނެވެ. އަދި އެކި ފަންތީގެ ފުޓްބޯޅަ ކްލަބްތަކެއްގެ ހިއްސާއެއް ވެސް ޕީކޭގެ ކުންފުނިން ގަނެފައިވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox