ޕީކޭ މުސާރަ ކުޑަކުރުމުން ބާސެލޯނާގެ ތިން ކުޅުންތެރިން ރަޖިސްޓްރީ ކުރެވިއްޖެ

Aug 15, 2021, 5:29 AM
ޕީކޭ މުސާރަ ކުޑަކުރުމުން ބާސެލޯނާގެ ތިން ކުޅުންތެރިން ރަޖިސްޓްރީ ކުރެވިއްޖެ

ބާސެލޯނާ (އޮގަސްޓް 15) - ބާސެލޯނާގެ ވައިސް ކެޕްޓަން ޖެރާޑް ޕީކޭގެ މުސާރަ ވަރަށް ބޮޑުތަނުން ކުޑަކުރަން ނިންމުމާ އެކު ބާސެލޯނާ އަށް އިތުރު ތިން ކުޅުންތެރިއަކު ރަޖިސްޓްރީކުރަން މަގުފަހިވެއްޖެ އެވެ.

ބާސެލޯނާގެ ޖުމްލަ މުސާރަ އިންތިހާ އަށް ބޮޑުވެފައިވާތީ އާ ކޮންޓްރެކްޓް ރަޖިސްޓްރީ ނުކުރެވިގެން އެ ޓީމުން ވަނީ ޓީމުގެ ތަރި ލިއޮނަލް މެސީ ދޫކޮށްލައިފަ އެވެ.

ލަލީގާ އިން ބާސެލޯނާ އަށް އަންގާފައިވަނީ އެ ކްލަބްގެ ޖުމްލަ މުސާރަ ގަވާއިދުގެ ތެރެއަށް ފައްތާނަމަ ހުުންނަން ޖެހޭނީ ކްލަބަށް ލިބޭ އާމްދަނީއާ އަޅާކިޔާއިރު، 70 ޕަސެންޓްގައި ކަމަށެވެ. މެސީގެ އާ ކޮންޓްރެކްޓް ރަޖިސްޓްރީ ކުރަން ބެލިއިރު، ޖުމްލަ މުސާރަ އޮތީ 90 ޕަސެންޓަށް ވުރެ މަތީގަ އެވެ. މިހާރު މަޑުމަޑުން އެ ކްލަބުން އަންނަނީ އެކި ގޮތްގޮތަށް ކްލަބްގެ ފައިސާ މެނޭޖްކޮށް ގަވާއިދުގެ ތެރެއަށް ވަންނަން މަސައްކަތް ކުރަމުންނެވެ. އޭގެ ތެރެއިން ބޮޑު މުސާރަ ލިބޭ ގިނަ ކުޅުންތެރިންގެ މުސާރަ ކުޑަކުރަން ހުށަހަޅާނެ އެވެ.

މި ފަހަރުގެ ޓްރާންސްފާ މާކެޓްގައި ހިލޭ ޓްރާންސްފާއެއްގައި ބާސެލޯނާ އަށް ބަދަލުވި މެމްފިސް ޑިޕާއި އާއި އެރިކް ގާސިއާގެ އިތުރުން ޖެނުއަރީ މަހު ބާސެލޯނާއާ ގުޅުނު އަލްބޭނިއާގެ ރޭއި މަނާޖް ލަލީގާގައި ބާސެލޯނާ ކުޅުންތެރިންގެ ގޮތުގައި ރަޖިސްޓްރީ ކުރެވުނީ ޕީކޭ އޭނާގެ މުސާރަ ކުޑަކުރަން އެއްބަސްވުމުންނެވެ. ބާސެލޯނާ އިން ވަނީ ރަސްމީކޮށް އެކަމަށްޓަކައި ޕީކޭ އަށް ޝުކުރު އަދާކޮށްފަ އެވެ.

ރިޕޯޓްތައް ބުނާގޮތުން އުމުރުން 34 އަހަރުގެ ޕީކޭ އަށް މިހާރު ބާސެލޯނާގެ ކޮންޓްރެކްޓުން އަހަރަކު ޖެހޭނީ މީގެ 12 އަހަރު ކުރިން އޭނާ އަށް ލިބޭ މުސާރަ އަށް ވުރެ ދަށް އަދަދެކެވެ. ކުރިން ބާސެލޯނާ އިން މުސާރައިގެ ގޮތުގައި އަހަރަކު 10 ވަރަކަށް މިލިއަން ޑޮލަރު ލިބެމުން އައި ޕީކޭ އަށް ދެން އެ ކްލަބުން ލިބޭނީ ގާތްގަނޑަކަށް ތިން މިލިއަން ޑޮލަރު ކަމަށް ސްޕެއިނުގެ ނޫސްތަކުން ރިޕޯޓްކޮށްފައިވެ އެވެ.

ޕީކޭ މި ގޮތަށް ނިންމީ އެ ކްލަބްގެ މާލީ ހާލަތު އޮތްގޮތުން ކުރިއަށް ދިއުމުގައި ދަތިތަކެއް ހުރުމުންނެވެ. ޕީކޭގެ އިތުރުން ބާސެލޯނާގެ ކެޕްޓަން ސާޖީ ބުސްކެޓްސް އާއި ވައިސް ކެޕްޓަން ޖޯޑީ އަލްބާ ވެސް އަންނަނީ މުސާރަ ކުޑަކުރުމުގެ މަޝްވަރާތަކެއް ކުރަމުންނެވެ.

ފުޓްބޯޅަ ތަރިންގެ ތެރެއިން ޕީކޭ އަކީ ވިޔަފާރިތަކުގައި އެންމެ އެކްޓިވްކޮށް ހަރަކާތެރިވާ އެއް ކުޅުންތެރިޔާ އެވެ. ޕީކޭގެ އަމިއްލަ ކުންފުންޏެއް ކަމަށްވާ ކޮސްމޯސް އިންވެސްޓްމަންޓް ގްރޫޕުން އަންނަނީ އެކި ކުޅިވަރުތަކަށް ބޮޑެތި އިންވެސްޓްތަކެއް ކުރަމުންނެވެ. އެ ގޮތުން އިންޓަނޭޝަނަލް ޓެނިސް ފެޑެރޭޝަން (އައިޓީއެފް)އާ ގުޅިގެން ކޮސްމޯސް އިންވެސްޓްމަންޓުން ވަނީ ބޮޑު ކޮންޓްރެކްޓެއްގައި ސޮއިކޮށްފަ އެވެ. އެއީ އަހަރު ފަހުކޮޅުގައި އޮންނަ ފިރިހެން ޓީމް އިވެންޓް ޓެނިސް މުބާރާތް ކަމަށްވާ މަޝްހޫރު ޑޭވިސް ކަަޕް 25 އަހަރު ވަންދެން އިންތިޒާމްކޮށް، އޭގެއިން ވިޔަފާރީގެ ގޮތުގައި ފައިދާތަކެއް ހޯދުމަށެވެ. އެއީ ތިން ބިލިއަން ޑޮލަރުގެ އަގު ހުރި ކޮންޓްރެކްޓެކެވެ. މީގެ އިތުރުން ވެސް އެކި ކްލަބްތަކުގެ ހިއްސާ ވެސް ޕީކޭގެ ކުންފުނިން ވަނީ ގަނެފަ އެވެ.

ސްޕެނިޝް ލީގުގެ އާ ސީޒަނުގައި ބާސެލޯނާ ކުޅޭ ފުރަތަމަ މެޗު އޮންނާނީ މިރޭ އެވެ. ބާސެލޯނާ ދަނޑުގައި އެ ޓީމުން ނުކުންނާނީ ރެއާލް ސޮސިއެޑާޑާ ދެކޮޅަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox