ލީގުތަކުގައި ޓީމު މަދުކުރަން ޖެހޭ ކަމަށް ޕީކޭ ބުނެފި

Dec 4, 2023, 4:04 AM
ލީގުތަކުގައި ޓީމު މަދުކުރަން ޖެހޭ ކަމަށް ޕީކޭ ބުނެފި

ބާސެލޯނާ (ޑިސެމްބަރު 4) - ފުޓްބޯޅަ ކުޅުންތެރިންގެ ސިއްހަތަށް ބެލުމާއި މެޗުތަކުގެ ފެންވަރު ރަނގަޅު ކުރުމުގެ ގޮތުން ލީގުތަކުގައި ވާދަކުރާ ޓީމުގެ އަދަދު މަދުކުރުމަކީ ކުރެވިދާނެ ކަމަށް ބާސެލޯނާ އާއި ސްޕެއިނުގެ ކުރީގެ ޑިފެންޑަރު، ޖެރާޑް ޕީކޭ ބުނެފި އެވެ.

މީގެ އެއް އަހަރު ކުރިން، ފުޓްބޯޅަ ކުޅުން ހުއްޓާލި ޕީކޭ މިހާރު އަންނަނީ އޭނާގެ ވިޔަފާރި ފުޅާކުރަން، އެކި މަސައްކަތްތަކެއް ކުރަމުންނެވެ. އެ ގޮތުން، ޕީކޭ ވަނީ ސްޕެއިނުގެ ދަށް ޑިވިޝަނެއްގައި ވާދަކުރަމުން އަންނަ އެންޑޯރާ އެފްސީ ގަނެފަ އެވެ.

ދާދި ފަހުން އިވެންޓެއްގެ ތެރެއިން ވާހަކަ ދައްކަމުން ޕީކޭ ބުނީ ފުޓްބޯޅައިގެ ކޮލިޓީ ރަނގަޅުކުރަން އާ ވިސްނުންތަކެއް އަންނަން ޖެހޭ ކަމަށެވެ. އޭގެ މާނަ އަކީ ގިނަ މުބާރާތްތަކެއް ތައާރަފްކުރުމުގެ ބަދަލުގައި އުފެންދުންތެރި ހިޔާލާ އެކު، މިހާރު ކުޅެމުން އަންނަ މުބާރާތްތަކަށް ބަދަލެއް ގެނައުން ކަމަށް ވެސް ޕީކޭގެ ވާހަކައިގައި ވަނީ ފާހަގަކޮށްފަ އެވެ.

"ކުޅިވަރު މިހާރު އެ ތަފާތު ކޮށްލަނީ ކުރު މުއްދަތެއްގައި ކުޅޭ ވަރުގަދަ މުބާރާތްތަކެއްގެ ގޮތަށް ރާވައިގެން. މިސާލަކަށް އެންއެފްއެލް، ހަތަރު މަހުން ނިމޭ ގޮތަށް އެ އޮންނަނީ، މީހުން ވަރަށް ފޯރީގައި އެކަން އެބަކުރޭ، ފުޓްބޯޅަ ވެސް މި ވިސްނުމަށް ދާން ޖެހޭ ހެން ހީވަނީ،" ޕީކޭ ބުންޏެވެ.

ކުރިން މެންޗެސްޓާ ޔުނައިޓެޑަށް ވެސް ކުޅުނު ޕީކޭ ބުނީ ސީޒަނެއްގައި ކުޅުންތެރިއަކު ނޫނީ ޓީމެއް 80 މެޗު ކުޅުމަކީ ދުރު ވިސްނުމަކަށް ބަލާއިރު، ކުޅިވަރަށް ވެސް ކުޅުންތެރިޔާ އަށް ވެސް އެންމެ ރަނގަޅު ގޮތެއް ނޫން ކަމަށެވެ.

"ވަރަށް ބައިވަރު މުބާރާތްތައް އެބަ ކުޅޭ. ވަރަށް ގިނަ މެޗުތަކެއް އެބަ ކުޅޭ ބައެއް ފަހަރު މީހުންނަށް ނޭނގޭ މި ކުޅެނީ ކޮން މުބާރާތެއްކަން ވެސް. އަހަންނަށް ވިސްނޭ ގޮތުގައި އެއް ހައްލެއް އެއީ ލީގުތަކުގައި ކުޅޭ ޓީމުތަކުގެ އަދަދު މަދުކުރުން. ކުރަން ޖެހޭ ކަމެއް. ކުރެވޭނެ ވެސް ކަމެއް. ވާދަވެރި ވާނެ 20 ޓީމު ކުޅެމުން އަންނަ ލީގެއް، 16 ޓީމު ނޫނީ 14 ޓީމަށް މަދުކުރިޔަސް،" ޕީކޭ ބުންޏެވެ.

ޕީކޭ ބުނީ ޔަގީނުން ވެސް މި ވަގުތަށް ބަލާއިރު ކުރަން ޖެހޭ އެއް ކަމަކީ ފުޓްބޯޅަ އަށް އާ ބަދަލުތަކެއް ގެނައުން ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox