އަށް މަހުން ހިއްކުނީ ރަސްމާލޭގެ އެންމެ ދެ އިންސައްތަ!

ރަސްމާލެ ހިއްކަން ފެށި ދުވަހު ރައީސް ވާހަކަދައްކަވަނީ: އަށް މަހުން ހިއްކުނީ ރަސްމާލޭގެ އެންމެ ދެ އިންސައްތަ ---- ފޮޓޯ: ރައީސް އޮފީސް

ރަސްމާލެ ހިއްކަން ފެށި ދުވަހު ރައީސް ވާހަކަދައްކަވަނީ: އަށް މަހުން ހިއްކުނީ ރަސްމާލޭގެ އެންމެ ދެ އިންސައްތަ ---- ފޮޓޯ: ރައީސް އޮފީސް

މި ސަރުކާރުގެ އެންމެ ބޮޑު މަޝްރޫއު ކަމަށްވާ ރަސްމާލެ މަޝްރޫއަށް ފުށިދިއްގަރުފަޅުން ހިއްކަން ނިންމާފައިވާ ބިމުގެ ތެރެއިން، މަސައްކަތް ފެށިތާ އަށް މަސް ދުވަސްވީއިރު ހިއްކުނީ އެންމެ %2.5 ބިންކަން އެނގިއްޖެ އެވެ.

ރަސްމާލެ މަޝްރޫއުގެ ބިން ހިއްކުމުގެ މަސައްކަތް ފެށީ ޑިސެމްބަރު 18، 2023 ގަ އެވެ. އެ ދުވަހު ރައީސް ޑރ. މުހައްމަދު މުއިއްޒު ވިދާޅުވީ، މާލެ އަތޮޅު ދެކުނުގައި އޮންނަ ފުށިދިއްގަރުފަޅުން ހިއްކަނީ 1153 ހެކްޓަރުގެ ބިން ކަމަށެވެ. އެ ބިޔަ ޝަހަރު އަށް މަހުގެ ތެރޭ ފެނުން މައްޗަށް އަރާނެ ކަމަށް ވެސް ރައީސް އޭރު ވިދާޅުވި އެވެ.

"މި މަޝްރޫޢުގެ ދަށުން 1153 ހެކްޓަރުގެ ބިން އިރާދަކުރެއްވިއްޔާ، މިއަދު މި ފެށޭ ގޮތަށް ގޮސް، މެދުނުކެނޑި ގޮސް، ގާތްގަނޑަކަށް އަށް މަސް ދުވަހުގެ ތެރޭގައި ނިންމާލާއިރުގައި އޮންނާނީ ހިކިފައި." ރައީސް އެ ދުވަހު ވިދާޅުވި އެވެ.

Advertisement

ނަމަވެސް ރައީސް ވިދާޅުވި މުއްދަތު މި މަހު 18 އަށް ވަނީ ހަމަވެފަ އެވެ. އެ ދުވަހާ ހަމައަށް ރަސްމާލޭގެ ޕްލޭނުން ހިއްކީ އެންމެ 29 ހެކްޓަރުގެ ބިމެވެ. އެއީ ރަސްމާލޭގެ މުޅި ބިމުގެ ސައިޒު ކަމަށް ވިދާޅުވި 1153 ހެކްޓަރުގެ އެންމެ %2.5 ބިމެވެ. އެއީ ރަސްމާލޭގެ ސައިޓު ޖޭ އެވެ.

އޭގެއިތުރަށް ހިއްކަން ހަމަޖެހިފައިވާ ނުވަ ސައިޓުގެ ތެރެއިން މިހާތަނަށް އީއައިއޭ ހަދާފައިވަނީ ސައިޓު އެފް އަށެވެ. މިއީ 24 ހެކްޓަރުގެ ބިމެކެވެ.

މިހާރު އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އަށް ހުށަޅަފާއިވާ މި އީއައިއޭގައި މަޝްރޫއާ ހަވާލުވެފައި އޮތް ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އިން ބުނެފައިވަނީ މި ސައިޓު ހިއްކަން 216 ދުވަސް ނަގާނެ ކަމަށެވެ. މިއަދު މަސައްކަތް ފެށި ނަމަވެސް މަސައްކަތް ނިންމޭނީ ޖޫން، 2024 ގަ އެވެ. މި ސައިޓާއެކު ހިއްކާ ނިންމޭނީ ރަސްމާލޭގެ %4.6 ބިމެވެ.

މީގެ އަށް މަސްކުރިން ރަސްމާލެ މަޝްރޫއު ފެށީ އޭރު އޮތް މަޖިލީހަށް ވެސް ގޮންޖަހާފަ އެވެ. މަޖިލީހުން މި އަހަރަށް ފާސްކުރި ބަޖެޓުން ރަސްމާލެއަށް އޮތް 400 މިލިއަން ރުފިޔާ އުނިކުރި އެވެ. ރައީސް މިކަން ސިފަކުރެއްވީ ތަރައްގީއަށް ހުރަސްއެޅުމުގެ ގޮތުގަ އެވެ. އަދި ފުށިދިއްގަރު ހިއްކާނީ ދައުލަތުގެ ބަޖެޓުން ހޭދައެއް ނުކޮށް ކަމަށް ވެސް އޭރު ވިދާޅުވި އެވެ.

ޑިސެމްބަރު 18، 2023 ގައި ރަސްމާލެ ހިއްކުމުގެ މަޝްރޫއު ފެށީ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީސީ) އާ ހަވާލުކޮށްގެންނެވެ. އެ ކުންފުންޏާ މަޝްރޫއު ހަވާލުކުރީ ހުޅުމާލެއިން 10 ހެކްޓަރާއި ފުށިދިއްގަރުފަޅުން ހިއްކާ 60 ހެކްޓަރު ބިން ދިގު މުއްދަތަށް ދޭގޮތަށެވެ. އެ ބިމުގެ އަގު 45 ބިލިއަން ރުފިޔާއަށް އަރަ އެވެ.

ނަމަވެސް އެ ޕްލޭނުގެ ދަށުން ފުރަތަމަ ހަފުތާ ހިއްކި 10 ވަރަކަށް ހެކްޓަރަށްފަހު މަސައްކަތް ހުއްޓުނެވެ. މަޝްރޫއު މަޑުނުޖެހޭ ކަމަށް ސަރުކާރުން ތަކުރާރުކޮށް ބުނުމަށްފަހު ފަހުން ވަނީ އެކަމާ އެއްބަސްވެފަ އެވެ. ސައިޓު ޖޭގެ ބާކީ އޮތްބައި ހިއްކާ ނިންމީ ސީއެމްސީސީ އަށް އެޗްޑީސީން 77 މިލިއަން ރުފިޔާ ދީގެންނެވެ.

އެ މަސައްކަތް ނިންމާފައިވާއިރު މިހާރު އީއައިއޭ ހުށަހަޅާފައިވާ ސައިޓު އެފްގެ މަސައްކަތްވެސް ސަރުކާރުން ހަވާލުކުރީ ސީއެމްސީސީ އާ އެވެ. ނަމަވެސް އޭގެފަހުން ރައީސް މުއިއްޒު ވަނީ އެ ކުންފުންޏާއެކު ހެދި އެއްބަސްވުން ބާތިލުކޮށްފައިވާ ކަމަށްވެސް ވިދާޅުވެފަ އެވެ. ދެން މަޝްރޫއަށް ވާނެ ގޮތެއް ނޭނގެ އެވެ.

އަށް މަހުއް ހިއްކާ ނިންމަން ބުނި ރަސްމާލޭގެ ފުރަތަމަ ޕްލޭން ފެއިލްވެ، އެ ހުރިހާ ބިމެއް ހިއްކަން އިތުރު އަށް މަސް ބޭނުންވާނެ ކަމަށްވެސް ޖުލައި 27، ގައި ރައީސް ވިދާޅުވި އެވެ.

އިތުރަށް ކިޔާލަން

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox