ސްކޭމްތައް ހުއްޓުވަން ޕޮލިހުގައި އެންޓި ސްކޭމް ސެންޓަރެއް، ދިހަ މިނިޓު ތެރޭ އެޓެންޑު ވާނެ

ފުލުހުންގެ ތަހުގީގަކަށް ސަރަހައްދެއް ބަންދުކޮށްފައި: ސްކޭމް މައްސަލަތައް އަންނަނީ ދުވަހުންދުވަހަށް ގިނަވަމުން -- ފޮޓޯ: އަބްދުﷲ އިޔާން/އަދަދު

ފުލުހުންގެ ތަހުގީގަކަށް ސަރަހައްދެއް ބަންދުކޮށްފައި: ސްކޭމް މައްސަލަތައް އަންނަނީ ދުވަހުންދުވަހަށް ގިނަވަމުން -- ފޮޓޯ: އަބްދުﷲ އިޔާން/އަދަދު

ސްކޭމް މައްސަލަތައް ހުއްޓުވަން ފުލުހުން ކުރަމުންދާ މަސައްކަތުގެ ދަށުން ޕޮލިހުގައި އެންޓި ސްކޭމް ސެންޓަރެއް ގާއިމުކޮށް، ބޭންކުތައް ވެސް ބައިވެރިކޮށްގެން އަވަހަށް މައްސަލަތައް ބެލޭނެ ނިޒާމެއް އެކުލުވާލުމުގެ މަސައްކަތް ފުލުހުން ފަށައިފި އެވެ.

ފުލުހުންގެ ސްޓްރެޓަޖިކް ޕްލޭނާ ބެހޭ ގޮތުން ރައްޔިތުންގެ މަޖިލީހުގެ 241 ކޮމިޓީ (ސަލާމަތީ ހިދުމަތްތަކާ ބެހޭ ކޮމިޓީ) ގައި ފުލުހުން މިކަން ފާހަގަކުރީ އެ އިދާރާއިން އެންމެ އިސްކަންދޭ ކަމެއްގެ ގޮތުގަ އެވެ.

އެގޮތުން ކޮމިޓީ ބައްދަލުވުމުގައި މެމްބަރުންނާ މައުލޫމާތު ހިއްސާކުރައްވަމުން ފުލުހުންގެ ތަރުޖަމާނު އަހުމަދު ޝިފާން ވިދާޅުވީ މަސްތުވާތަކެތީގެ މައްސަލަތައް ނަގާފައި ދިވެހި ރައްޔިތުންގެ ތެރެއިން ގިނަ ބަޔަކު އެންމެ ކަންބޮޑުވާ މައްސަލައަކީ ސްކޭމް މައްސަލަ ކަމަށެވެ.

"ސައިބާ އެނޭބަލްޑް ވިޔަސް އަދި އަނެއްހެން ކޮންމެ ޒަރިއްޔާއަކުން ކުރި ކަމެއް ކަމުގައި ވިޔަސް، ސްކޭމްގައި ރައްޔިތުން ޖެހިގެން ގެއްލޭ ފައިސާ އާއި އެންމެ އާދައިގެ ނިކަމެތި މީހާ އަތުން މި ގެއްލޭ، ފޮރުވާފައި މި ހުންނަ ލާރި ކޮޅު ގެއްލުމުގެ ކަންކަން އެންމެ ބޮޑު ސީރިއަސް މައްސަލައެއް ކަމަށް އަޅުގަނޑުމެންނަށް ފާހަގަކުރެވުނީ،" އޭނާ ވިދާޅުވި އެވެ.

މިކަން ހުއްޓުވަން ފުލުހުން ރާވާފައިވާ ކަންކަން ހިއްސާކުރައްވަމުން ޝިފާން ވިދާޅުވީ ޕޮލިހުގައި ގާއިމުކުރާ ސްކޭމް ސެންޓަރަށް، ސްކޭމްގެ މައްސަލައެއްގައި ކޮންމެ މީހަކު ގުޅާލިޔަސް އިތުރަށް އެ މީހާ އެ ކުށުގެ ޝިކާރައަކަށް ނުވާނެ ގޮތަކަށް ވަގުތުންވަގުތަށް ހިދުމަތް ދެވޭނެ ނިޒާމެއް ގާއިމުކުރެވޭނެ ކަމަށެވެ.

ފުލުހުންގެ އަމާޒަކީ މި ނިޒާމު ގާއިމުކޮށް، 10 ވަރަކަށް މިނިޓުގެ ތެރޭގައި މައްސަލައަށް އެޓެންޑުވުމެވެ. މިކަން ކުރާނީ، ޝިފާން ވިދާޅުވި ގޮތުގައި، މި ނިޒާމުގެ ތެރޭގައި ބޭންކުތައް ވެސް އޮންލައިންކޮށް ހިމަނައިގެން؛ ކަން ހިނގަމުންދާ ވަގުތު (ރިއަލް ޓައިމް ކޮށް) މައުލޫމާތު ހިއްސާކުރެވޭ ގޮތަށެވެ.

ބޭންކުތައް މި ނިޒާމުގެ ތެރޭގައި ހިމަނަން ޖެހޭ ސަބަބު ސާފުކޮށްދެއްވަމުން ޝިފާން ވިދާޅުވީ، ސްކޭމް މައްސަލަތައް ތަހުގީގު ކުރުމުގައި މިހާރު ދިމާވާ މައްސަލައަކީ ސިޓީގެ ޒަރިއްޔާއިން ބޭންކާ މުއާމަލާތްކުރުން ދިގުލިއިގެން ދިޔުން ކަމަށެވެ. މިގޮތަށް މައުލޫމާތުތައް ދެނެގަނެވޭއިރު ގިނަ ފަހަރު އެކައުންޓުތަކުގައި އެއްވެސް ފައިސާއެއް ނުހުންނަ ކަމަށް ވެސް އޭނާ ވިދާޅުވި އެވެ.

"މިހާރު ނިޒާމު އޮންނަ ގޮތުން މައްސަލައެއް ހުށަހެޅީމައި އަޅުގަނޑުމެން ބޭންކަށް ސިޓީއެއް ފޮނުވައިގެން އެކަމާ ގުޅުން ހުރި މައުލޫމާތު ހޯދައިގެން ދެން މި އަޅުގަނޑުމެންގެ އެކައުންޓުތަކާ މި މައްސަލަ ބަލާ ހިސާބަށް ދާއިރުގައި އެކައުންޓުގައި ނުހުރޭ ފައިސާއެއް." އޭނާ ވިދާޅުވި އެވެ.

ޕޮލިހުގައި ގާއިމުކުރާ ސްކޭމް ސެންޓަރުގައި ސަރަހައްދީ ގައުމުތަކުގެ ބައިވެރިވުން އޮންނާނެ ކަމަށް ވެސް ޝިފާން ވިދާޅުވި އެވެ.

ފުލުހުންގެ އިސްތިރާޖީ ޕްލޭނުގައި ހިމަނައިގެން ސްކޭމް ހުއްޓުވަން ހާއްސަ މަސައްކަތްތަކެއް ފަށާފައިވާއިރު، ސްކޭމްތަކުގެ މައްސަލަތައް ރިކޯޑު ކުރަން ފެށީއްސުރެ މިހައިތަނަށް އާންމުންގެ އަތުން ގެއްލުނު ފައިސާގެ އަދަދު 150 މިލިއަނަށް ވުރެ އިތުރު ކަމަށް ފުލުހުންގެ އިދާރާއިން މި އަހަރު ކުރީކޮޅު ބުނެފައިވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox