ފުލުހުންގެ އިންޓެލިޖެންސްގެ ނަން "ނެޝަނަލް އިންޓެލިޖެންސް ސާވިސް" އަށް ބަދަލުކުރުން ގޯސް: ހަމީދު

Jun 3, 2026, 8:50 AM
ކުރީގެ ޕޮލިސް ކޮމިޝަނަރު މުހައްމަދު ހަމީދު

ކުރީގެ ޕޮލިސް ކޮމިޝަނަރު މުހައްމަދު ހަމީދު

ދިވެހި ފުލުހުންގެ ހިދުމަތުގެ އިންޓެލިޖެންސް ޑިޕާޓްމަންޓުގެ ނަން "ނެޝަނަލް އިންޓެލިޖެންސް ސާވިސް"ގެ ނަމަށް ބަދަލުކުރުމަށް ފުލުހުންގެ އިދާރާއިން ނިންމި ނިންމުމަކީ ގާނޫނީ ގޮތުންނާއި ގައުމީ ސަލާމަތީ އޮނިގަނޑުގެ ނަޒަރުން ބަލާއިރު ގޯސް ނިންމުމެއް ކަމަށް ކުރީގެ ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެ އެވެ.

މިކަމާ ގުޅިގެން މީޑިއަމް ބްލޮގްގައާއި ސޯޝަލް މީޑިއާ ޕްލެޓްފޯމް "އެކްސް" ގައި ކުރެއްވި ޕޯސްޓެއްގައި ހަމީދު ވިދާޅުވީ، ސަލާމަތީ މުއައްސަސާތަކުގައި ބޭނުންކުރާ ނަންނަމަކީ ހަމައެކަނި އިދާރީ ނަމެއް ނޫން ކަމަށާއި، އެއީ އެ މުއައްސަސާއަކަށް ލިބިދޭ ބާރާއި، މެންޑޭޓާއި، އަދި މަސްއޫލިއްޔަތު ރަމްޒުކޮށްދޭ އެއްޗެއް ކަމަށެވެ.

"ގައުމުގެ ސަލާމަތީ މަންޒަރު، ދައުލަތުގެ ވެރިންނަށް ބުނެދިނުމުގައި އިންޓެލިޖެންސް މަސައްކަތްކުރާ ވަކިވަކި މުއައްސަސާތައް ނުހަނު މުހިއްމުވާއިރު، ފުލުހުންގެ އިންޓެލިޖެންްސްގެ ނަން”ނެޝަނަލް އިންޓެލިޖެންސް ސަރވިސް“ އަށް ފުލުހުން އަމިއްލައަށް ބަދަލުކުރުން ގޯސް," ހަމީދު އެކްސްގައި ކުރެއްވި ޕޯސްޓުގައި ވިދާޅުވެފައިވެ އެވެ. 

އޭނާ ފާހަގަކުރެއްވި ގޮތުގައި ފުލުހުންގެ އިންޓެލިޖެންސް "ނޭޝަނަލް" ނުވަތަ ގައުމީ ފެންވަރުގެ ހިދުމަތަކަށް ރީބްރޭންޑް ކުރި ނަމަވެސް، ރާއްޖޭގައި ގައުމީ ފެންވަރުގެ އިންޓެލިޖެންސް އިދާރާއެއް އުފައްދާނެ ގާނޫނީ އޮނިގަނޑެއް ނެތެވެ.

ގައުމީ އިންޓެލިޖެންސް އިދާރާއެއް އުފެއްދޭނީ ފުލުހުންގެ އެތެރޭގެ އިދާރީ އޮނިގަނޑަށް ގެންނަ ބަދަލަކުން ނޫން ކަމަށާއި އެކަން ކުރަންޖެހޭނީ ގާނޫނެއްގެ ދަށުން، ފުޅާ ދާއިރާއެއްގައި މަޝްވަރާކޮށް، ޑިމޮކްރެޓިކް ބެލެނިވެރިކަމެއްގެ ތެރެއިން ކަމަށް ބްލޮގްގައި ހަމީދު ލިޔުއްވާފައިވެ އެވެ.

އޭނާ ވިދާޅުވީ މިފަދަ ގާނޫނީ އަސާސެއް ނެތް ނަމެއް ބޭނުންކުރުމުން އެތެރޭގެ ސަލާމަތީ ބާރުތަކުގެ މެދުގައާއި، ބޭރުގެ ބައިނަލްއަގުވާމީ ބައިވެރިންނާ އެކު ކުރެވޭ ސަލާމަތީ މުއާމަލާތްތަކުގައި ބޮޑެތި އޮޅުންބޮޅުންތަކެއް އަރާނެ ކަމަށެވެ.

ރާއްޖޭގެ ސަލާމަތީ ކަންކަން ބެލެހެއްޓުމަކީ ވަކި މުއައްސަސާއެއްގެ އެކަނި މަސައްކަތެއް ނޫންކަން ފާހަގަކުރައްވަމުން ހަމީދު ވިދާޅުވީ ފުލުހުންގެ އިތުރުން އެމްއެންޑީއެފް، ކަސްޓަމްސް، އަދި އިމިގްރޭޝަން ފަދަ އިދާރާތަކަކީވެސް ގައުމީ ސަލާމަތަށް ބޭނުންވާ މައުލޫމާތު އެއްކުރާ މުއައްސަސާތައް ކަމަށެވެ.

ވަކި އެއް މުއައްސަސާއަކުން އަމިއްލައަށް ގައުމީ މުއައްސަސާއެއްގެ ޖާގަ ހޯދަން އުޅުމަކީ މުއައްސަސާތަކުގެ މެދުގައި އޮންނަންޖެހޭ އެކުވެރިކަމާއި ކޯޑިނޭޝަން ގެއްލި، ނޭދެވޭ ވާދަވެރިކަމަކަށް މަގުފަހިވާނެ ކަމެއް ކަމަށް އޭނާ ހަމީދު ވިދާޅުވި އެވެ. 

ރާއްޖެއަށް މިވަގުތު ބޭނުންވަނީ ހުރިހާ ބާރުތަކެއް ގުޅިގެން މަސައްކަތް ކުރާނެ "ގައުމީ އިންޓެލިޖެންސް ކޯޑިނޭޝަން ފްރޭމްވޯކެއް" ކަމަށް ވެސް ހަމީދު ވިދާޅުވި އެވެ.

ހަމީދު ވިދާޅުވީ، އިންޓެލިޖެންސްގެ ގާބިލުކަމާއި އަގުވަޒަންކުރުން ބިނާވަނީ ބޮޑު ނަމެއް ކިޔުމުން ނޫން ކަމަށާއި، އެއީ މަސައްކަތުގެ ފެންވަރާއި، ގާނޫނީ އިމުގެ ތެރެއިން ކުރާ ޕްރޮފެޝަނަލް މަސައްކަތުން ހޯދަންޖެހޭ އިތުބާރެއް ކަމަށެވެ.

އެހެންކަމުން، ގައުމީ ސަލާމަތާ ގުޅޭ ހާއްސަ ގާނޫނެއް ވުޖޫދަށް އަންނަންދެން ފުލުހުންގެ އިންޓެލިޖެންސް ކުރިން އޮތް ނަމުގައި ބޭއްވުން މާ ބުއްދިވެރި ކަމަށް ހަމީދު ވިދާޅެފައިވެ އެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox