އަދަދުގެ ދެ ނޫސްވެރިން މިނިވަންކުރުމަށް ގޮވާލައި މުޒާހަރާކޮށްގެން ހައްޔަރުކުރި މުހައްމަދު ޝާމިން އާއި އަލީ މުޝައްފައު މިއަދު ބަންދުން ދޫކޮށްލައިފި އެވެ.
ނޫސްވެރިންގެ ދިފާއުގައި މެއި 14، ވަނަ ދުވަހު ކުރި މުޒާހަރާގެ ތެރެއިން ޝާމިން އާއި މުޝައްފައު ހައްޔަރުކުރުމަށްފަހު އެ ދުވަހު ދޫކޮށްލި ނަމަވެސް، އެ ދެ މީހުން އަލުން ހައްޔަރުކުރީ މެއި 17، ވަނަ ދުވަހެވެ.
އެ ދެ މީހުންގެ ބަންދުގެ މުއްދަތު ޖެހުމަށް ކްރިމިނަލް ކޯޓަށް ހާޒިރުކުރުމުން ފުލުހުން އެދުނު ގޮތަށް ކޯޓުން 15 ދުވަސް ބަންދަށް ޖެހި އެވެ. ވަކީލު އަހްމަދު މައުރޫފް ވިދާޅުވީ އެ ދެ މީހުންނަށް ދިފާއުވުމުގެ ފުރުސަތު ނުދޭ ކަމަށެވެ.
ހާލަތާ ނުބައްދަލު ބާރުގެ ބޭނުންކޮށް، ސުލްހަވެރިކަމާ އެކު މުޒާހަރާ ކުރަމުންދާ ފަރާތްތަކަށް ބިރު ދެއްކުމުގެ ގޮތުން އާދަޔާ ހިލާފަށް ގިނަ ފުލުހުން މިހާރު އަންނަނީ މުޒާހަރާތަކަށް ނެރެމުންނެވެ.
ޝާމިން އާއި މުޝައްފައު ބަންދުން ދޫކޮށްލުމުން ނޫސްވެރިންގެ ދިފާއުގައި މުޒާހަރާކުރި އެންމެން މިހާރު މިނިވަންވީ އެވެ. އޭގެއިތުރުން ދެ ނޫސްވެރިންގެ މައްޗަށް އިއްވި ހުކުމް ހަމަވެ، އެ ދެ ނޫސްވެރިންވެސް ވަނީ މިނިވަންވެފަ އެވެ.
