ނަން: ވާޖިލް ވެން ޑައިކް
އުފަން ތާރީހް: 8 ޖުލައި 1991 (32 އަހަރު)
ޤައުމު: ނެދަލޭންޑްސް
މަޤާމް: ޑިފެންޑަރު
ކްލަބް: ލިވަޕޫލް
ޤައުމީ ޓީމަށް ކުޅެން ފެށީ: 2015 ވަނަ އަހަރު
ޔޫރަޕްގެ ފުޓްބޯޅައިގައި އެންމެ ފާހަގަކޮށްލެވޭ އެއް ޑިފެންޑަރު ކަމަށްވާ ވާޖިލް ވެން ޑައިކް އަކީ ނެދަލޭންޑްސްގެ ގައުމީ ޓީމާއި ލިވަޕޫލްގެ ކެޕްޓަނެވެ. މޮޅު ކުޅުންތެރިއެއްގެ އިތުރުން، ދަނޑު މަތީގައި ލީޑާރެކެވެ. ކޯޗުންގެ އިތުބާރު ލިބިފައިވާ ކުޅުންތެރިއެކެވެ.
ނެދަލޭންޑްސްގެ ގްރޮނިގެން އިން ކެރިއަރު ފެށުމަށްފަހު، 2013 ވަނަ އަހަރު ވެން ޑައިކް ވަނީ ސްކޮޓްލެންޑްގެ ސެލްޓިކަށް ބަދަލުވެފައެވެ. އަދި އޭގެ ފަހުން 2015 ވަނަ އަހަރު ސައުތުހެމްޓަންއަށް ބަދަލުވެ، އިނގިރޭސި ޕްރިމިއާ ލީގުގައި ކުޅެންފެށިއެވެ. ޕްރިމިއާ ލީގުގައި އޭނާ ދެއްކި މޮޅު ކުޅުމާއެކު 2018، ޖެނުއަރީ މަހު ލިވަޕޫލުން 75 މިލިއަން ޕައުންޑްގެ ޓްރާންސްފާ ފީއެއްގައި އޭނާ އެ ކްލަބަށް ގެންދިޔައެވެ. އެއީ އޭރު ޑިފެންޑަރަކަށް ދުނިޔޭގެ އެންމެ ބޮޑު ޓްރާންސްފާ ފީއެވެ.
ލިވަޕޫލްގައި ވެން ޑައިކް ވަނީ ގިނަ ކާމިޔާބީތަކެއް ހޯދައިފަ އެވެ. އޭގެ ތެރޭގައި 2019 ވަނަ އަހަރުގެ ޗެމްޕިއަންސް ލީގާއި އިނގިރޭސި ޕްރިމިއާ ލީގު ހިމެނެއެވެ.
ނެދަލޭންޑްސްގެ 19 އަހަރުން ދަށުގެ ޓީމާއި 21 އަހަރުން ދަށުގެ ޓީމަށް ކުޅުމަށްފަހު، ވެން ޑައިކް ސީނިއާ ޓީމުން ޖާގަ ހޯދަން ފެށީ 2015 ވަނަ އަހަރުން ފެށިގެންނެވެ. އަދި 2018، މާޗު މަހުގައި އޭނާ އަށް ވަނީ ނެދަލޭންޑްސްގެ ކެޕްޓަން ބޭންޑް ދީފައެވެ. ވެން ޑައިކްގެ ކެޕްޓަންކަމުގެ ދަށުން ޔުއޭފާ ނޭޝަންސް ލީގުގެ ފައިނަލެއްގައި ނެދަލޭންޑްސް ކުޅުނެވެ.
މިއީ ވެން ޑައިކްގެ ފުރަތަމަ ޔޫރޯ ފުޓްބޯޅަ މުބާރާތެވެ.
