ނަން: ރޮޑްރީގޯ ހެނާންޑޭޒް ކަސާންޓޭ (ރޮޑްރީ)
އުފަން ތާރީހް: 22 ޖޫން 1996 (27 އަހަރު)
ޤައުމު: ސްޕެއިން
މަޤާމް: މިޑްފީލްޑަރު
ކްލަބް: މެންޗެސްޓާ ސިޓީ
ޤައުމީ ޓީމަށް ކުޅެން ފެށީ: 2018 ވަނަ އަހަރު
ރޮޑްރީގޯ ހެނާންޑޭޒް ކަސާންޓޭ ނުވަތަ އާންމު ނަމުންނަމަ ރޮޑްރީ އަކީ މެންޗެސްޓާ ސިޓީ އާއި ސްޕެއިންގެ ގައުމީ ޓީމުގެ މުހިންމު ކުޅުންތެރިއެކެވެ. މި ވަގުތު ދުނިޔޭގެ އެންމެ މޮޅު ޑިފެންސިވް މިޑްފީލްޑަރުންގެ ތެރޭގައި ރޮޑްރީ ހިމެނެ އެވެ.
ވިޔަރެއާލްގެ ޔޫތު ޓީމާއި ބީ ޓީމަށް ކުޅުމަށްފަހު، ރޮޑްރީ ވިޔަރެއާލްގެ ސީނިއާ ޓީމަށް އަރަން ފެށީ 2015 ވަނަ އަހަރުން ފެށިގެންނެވެ. ވިިޔަރެއާލަށް 63 މެޗު ކުޅުމަށްފަހު ރޮޑްރީ ވަނީ 2018 ވަނަ އަހަރު އެތުލެޓިކޯ މެޑްރިޑަށް ބަދަލުވެފަ އެވެ. އެކަމަކު އެތުލެޓިކޯގައި ރޮޑްރީ ހުރީ އެންމެ ސީޒަނަކަށެވެ. ޖެހިގެންއައި އަހަރު ސިޓީން ވަނީ ބޮޑު އަގެއްގައި ރޮޑްރީ އެ ޓީމަށް ގެންގޮސްފައެވެ.
ސިޓީގައި ރޮޑްރީ ވަނީ ގިނަ ކާމިޔާބީތަކެއް ހޯދައިފައެވެ. އެގޮތުން ޖެހިޖެހގެން ހަތަރު ފަހަރު އިނގިރޭސި ޕްރިމިއާ ލީގުގެ ޗެމްޕިއަންކަން ހޯދުމާއި ޗެމްޕިއަންސް ލީގުގެ ތަށި ހޯދުން ހިމެނެ އެވެ.
ސްޕެއިންގެ ގައުމީ ޓީމަށް ރޮޑްރީ ކުޅެން ފެށީ 2018 ވަނަ އަހަރެވެ. އޭގެ ކުރިން ރޮޑްރީ ވަނީ ސްޕެއިން ޔޫތު ޓީމުތަކަށް ކުޅެފައެވެ. ސިނިއާ ޓީމުގައި ރޮޑްރީ ވަނީ 2020 ވަނަ އަހަރު ޔޫޜޯ އާއި 2022 ވަނަ އަހަރުގެ ވޯލްޑް ކަޕް ކުޅެފައެވެ.
ގައުމީ ޓީމާއެކު ރޮޑްރީ އެންމެ ފާހަގަވެގެންދިޔައީ 2023 ވަނަ އަހަރުގެ ޔުއޭފާ ނޭޝަންސް ލީގުގައެވެ. އެ މުބާރާތުގެ ފައިނަލްގައި ކްރޮއޭޝިއާ އަތުން ސްޕެއިން މޮޅުވި ޕެނަލްޓީ ޖެހީ ރޮޑްރީއެވެ. އަދި އެ މުބާރާތުގެ މޮޅު ކުޅުންތެރިއަކަށްވެސް ހޮވުނީ ރޮޑްރީއެވެ.
ޑިފެންސިވް މިޑްފީލްރަރަކަށް ކުޅުނަސް ރޮޑްރީ އަކީ ގޯލާ ރައްޓެހި ކުޅުންތެރިއެކެވެ. އެ މަގާމަށް ކުޅެމުން އޭނާ ވަނީ ސްޕެއިންގެ ގައުމީ ޓީމަށް ތިން ލަނޑު ޖަހައިފައެވެ. އަދި ސިޓީއަށް 22 ލަނޑު ވަނީ ޖަހައިދީފައެވެ.
