ނަން: ފިލް ފޯޑެން
އުފަން ތާރީހް: 28 މެއި 2000 (24 އަހަރު)
ޤައުމު: އިންގްލެންޑް
މަޤާމް: މިޑްފީލްޑަރު
ކްލަބް: މެންޗެސްޓާ ސިޓީ
ޤައުމީ ޓީމަށް ކުޅެން ފެށީ: 2020 ވަނަ އަހަރު
އިނގިރޭސި ފުޓްބޯޅައިގައި މި ފަހަކަށްއައިސް އެންމެ ވިދުންގަދަ އެއް ކުޅުންތެރިޔަކީ ފިލް ފޯޑެން އެވެ. މެންޗެސްޓާ ސިޓީގެ މުހިންމު ކުޅުންތެރިއެއް ކަމަށްވާ ފޯޑަެން ފާހަގަކުރެވިފައިވަނީ ހުނަރުވެރި، ވިސްނުންތޫނު އަދި ގޯލާ ރަައްޓެހި މިޑްފީލްޑަރެއްގެ ގޮތުގަ އެވެ.
ސިޓީގެ ޔޫތު ޓީމުތަކަށް ކުޅުމަށްފަހު، ސިޓީގެ ސީނިއާ ޓީމަށް ފޯޑެން ކުޅެން ފެށީ 2016 ވަނަ އަހަރެވެ. މިހާރު ފޯޑެން އަކީ ޕްރިމިއާ ލީގުގެ އެންމެ މޮޅު އެއް މިޑްފީލްޑަރެވެ. ސިީޓީއާ އެކު ފޯޑެން ވަނީ ޖުމްލަ 14 ތާށި ހޯދައިފަ އެވެ. ޕްރިމިއާ ލީގުގެ އެންމެ މޮޅު ޒުވާން ކުޅުންތެރިޔާގެ މަގާމު ފޯޑެން ވަނީ 2012 އަދި 2022 ވަނަ އަހަރު ހޯދައިފަ އެވެ. އަދި 2023 /2024 ވަނަ އަހަރުގެ ލީގުެ އެންމެ މޮޅު ކުޅުންތެރިއަކަށްވެސް ހޮވުނީ ފޯޑެން އެވެ.
އިންގްލެންޑްގެ ސީނިއާ ޓީމަށް ކުޅުމުގެ ކުރިން ފޯޑެން ވަނީ އެ ގައުމުގެ ޔޫތު ޓީމުތަކަށް ކުޅެފައެވެ. އެގޮތުން 2017 ވަނަ އޮތް ފީފާ 17 އަހަރުން ދަށުގެ ވޯލްޑް ކަޕް އިންގްލެންޑަށް ކާމިޔާބުކޮށްދިނުމަށް މުހިންމު ރޯލެއް އަދާކުރިއެވެ. އެ މުބާރާތުގެ މޮޅު ކުޅުންތެރިއަކަށްވެސް ހޮވުނީ ފޯޑެން އެވެ.
އިންގްލެންޑްގެ ސީނިއާ ޓީމުން ފޯޑެން އަށް ޖާގަ ލިބުނީ 2020 ވަނަ އަހަރެވެ. ފޯޑެން ގައުމީ ޓީމަށް ކުޅުނު ފުރަތަމަ މެޗަކީ ޔުއެފާ ނޭޝަނަސް ލީގުގައި 2020 ސެޕްޓެމްބަރު 5 ވަނަ ދުވަހު އައިސްލޭންޑާ ދެކޮޅަށް ކުޅުނު މެޗެވެ.
އިންގްލެންޑް އިން 2020 ވަނަ އަހަރުގެ ޔޫރޯއަށް ނެގި ސްކޮޑުގައިވެސް ފޯޑަން ހިމެނެއެވެ. އަދި 2018 ވަނަ އަހަރު އޮތް ފީފާ ވޯލްޑް ކަޕްގައިވެސް އިންގްލެންޑަށް އާނާ ކުޅުނެވެ.
