ނަން: ފެޑެރީކޯ ކިއޭޒާ
އުފަން ތާރީހް: 25 އޮކްޓޯބަރު 1997 (26)
ޤައުމު: އިޓަލީ
މަޤާމް: ފޯވަޑް
ކްލަބް: ޔުވެންޓަސް
ޤައުމީ ޓީމަށް ކުޅެން ފެށީ: 2018 ވަނަ އަހަރު
އިޓަލީގެ ކުރީގެ ކުޅުންތެރިޔާ އެންރީކޭ ކިއޭޒާގެ ދަރިއެއް ކަމަށްވާ ފެޑެރީކޯ ކިއޭޒާއަކީ މި ވަގުތު އިޓަލީގައި ހުރި އެންމެ މޮޅު އެއް ފޯޑަވެ. ކިއޭޒާ ފާހަަވެފައިވަނީ ހުނަރުވެރި، ގޯލާ ރައްޓެހި ތޫނުފިލި ކުޅުންތެރިއެއްގެ ގޮތުގައެެވެ.
ކިއޭޒާ އާންމުކޮށް ވިންގަށް ކުޅުނަސް، އޭނާ އަކީ ފޯވަޑް ލައިންގެ ކޮންމެ މަގާމަކަށް ކުޅެވޭ ކުޅުންތެރިއެެކެވެ. އަދި އެޓޭކިން މިޑްފީލްޑަރެއްގެ ގޮތުގައިވެސް ބައެއް ކޯޗުން އޭނާ ބޭނުންކުރިއެވެ.
ކިއޭޒާގެ ކްލަބު ކެރިއަރު ފެށީ ފިއޮރެންޓީނާގައެވެ. އެ ޓީމުގެ ޔޫތު ޓީމުތަކަށް ކުޅުމަށްފަހު، ސީނިއާ ޓީމުން އޭނާ ޖާގަ ހޯދީ 2016 ވަނަ އަހަރުގައެވެ. ފިއޮރެންޓީނާ އަށް 2022 ވަނަ އަހަރާ ހަމައަށް އޭނާ ކުޅުނުއިރު، އެ ޓީމަށް 26 ގޯލު ކާމިޔާބުކޮށްދިނެވެ.
އިޓާލީގެ އެންމެ ކާމިޔާބު އެއް ކްލަބު ކަމަށްވާ ޔުވެންޓަސް އިން ކިއޭޒާ ގެންދިޔައީ 2020 ވަނަ އަހަރުގައެވެ. ޔުވެންޓަސް އަށް ކުޅެނިކޮށް 2022 / 2021 ވަނަ އަހަރުގެ ސީޒަންގައި ކިއޭޒާ އަށް ދިމާވި އަނިޔާއަކާ ގުޅިގެން ދިހަ މަސް ދުވަހަށް އޭނާ ކުޅުމުން ބޭރުވިއެވެ. އެކަމަކު 2022، ނޮވެމްބަރުގެ ތެރޭގައި އޭނާ ވަނީ އަލުން ފިޓުވެ، ކުޅެން ނުކުންނަން ފަށައިފައެވެ.
ކިއޭޒާ ވަނީ އިޓަލީގެ 19 އަހަރުން ދަށުގެ ޓީމާއި 21 އަހަރުން ދަށުގެ ޓީމަށް ކުޅެފައެވެ. އިޓަލީގެ ސީނިއާ ޓީމުން 2017 ވަނަ އަހަރު ސެން މަރީނޯއާ ދެކޮޅަށް ކުޅުނު ނުރަސްމީ އެކުވެރިިކަމުގެ މެޗެއްގައި ކިއޭޒާ ކުޅުނެވެ. އެކަމަކު އިޓަލީގެ ރަސްމީ މެޗަކަށް އޭނާ އެންމެ ފުރަތަމަ އެރީ 2018 ވަނަ އަހަރެވެ.
އިޓަލީގެ ގައުމީ ޓީމާއެކު ޔޫރޯ 2020ގައި ކިއޭޒާ ވިދާލިއެވެ. އެ މުބާރާތުގައި ކިއޭޒާ ވަނީ މޮޅު ކުޅުމެއް ދައްކައިފައެެވެ. އެ މުބާރާތުގެ "ޓީމް އޮފް ދަ ޓޯރަންމަންޓް"ގައިވެސް ކިއޭޒާ ހިމެނުނެވެ.
