ފުލުސް މީހާއަށް ހަމަލާ ދިނީ ކުޑަހެންވެއިރަށް ނިސްބަވްތާ ބަޔަކު

May 21, 2023, 6:41 PM
ހުޅުމާލޭގައި ފުލުސް މީހާއަށް ހަމަލާ ދިން ސަރަހައްދުގައި ފުލުހުންގެ ޓީމަކުން ހަރަކާތްތެރިވަނީ: އެ މައްސަލައިގައި ހަތަރު މީހަކު މިހާރު ވަނީ ހައްޔަރުކޮށްފައި - ފޮޓޯ: އަދަދު

ހުޅުމާލޭގައި ފުލުސް މީހާއަށް ހަމަލާ ދިން ސަރަހައްދުގައި ފުލުހުންގެ ޓީމަކުން ހަރަކާތްތެރިވަނީ: އެ މައްސަލައިގައި ހަތަރު މީހަކު މިހާރު ވަނީ ހައްޔަރުކޮށްފައި - ފޮޓޯ: އަދަދު

ހުޅުމާލޭގައި މަގުމަތިން މިރޭ ފުލުހަކަށް ހަމަލާދިނީ މާލޭގައި ހިންގާ މަޝްހޫރު ގޭންގެއް ކަމަށްވާ ކުޑަހެންވެއިރުންކަން އެނގިއްޖެ އެވެ.

ހުޅުމާލެ ފޭސް އެކެއްގައި ކުލަ ހެދުމުގައި އުޅެނިކޮށް ފުލުސް މީހާއަށް ފަސް ވަރަކަށް މީހުން ހިމެނޭ ގްރޫޕަކުން ހަމަލާދިނީ މިރޭ 7:00 ޖަހާކަންހާއިރެވެ.

އެ މައްސަލައިގެ ކަން ހިނގައިދިޔަ ގޮތް ގާތުން ބަލަމުން އަންނަ ސަރުކާރުގެ އޮފިޝަލަކު، ހާދިސާގެ ގޮތުން ނޫހުގައި ނަން ނުޖެހުމަށް ޝަރުތުކޮށް "އަދަދު" އާ ވާހަކަ ދައްކަމުން ބުނީ ފުލުސް މީހާއަށް ހަމަލާދިނީ ކުޑަހެންވެއިރަށް ނިސްބަތްވާ މީހުންކަން ފުލުހުންނަށް މިހާރު ޔަގީން ކުރެވިފައިވާ ކަމަށެވެ.

ފުލުސް މީހާއަށް ހަމަލާދިން ސަބަބެއް އަދި ނޭނގެ އެވެ.

އެ މައްސަލަ ވަރަށް ސީރިއަސްކޮށް ތަހުގީގުކޮށް ވީ އެންމެ އަވަހަކަށް ކުށްކުރި މީހުންނަށް ފިޔަވަޅު އެޅުމަށް ފުލުހުން މަސައްކަތް ކުރަމުންދާކަން ވެސް މި ނޫހަށް އެނގިފައިވެ އެވެ.

ފުލުސް މީހާއަށް ހަމަލާދިން މީހުން ފިލަން ދުއްވައިގަތީ ހާދިސާ ހިނގި ސަރަހައްދު ކުރިމަތިން އޮންނަ ހުޅުމާލެ 53 ނަންބަރު ފްލެޓް ކައިރިއަށް ކަމަށް މަންޒަރު ދުށް މީހަކު މި ނޫހާ ވާހަކަ ދައްކަމުން ކުރިން ބުނެފައިވެ އެވެ.

އެ މައްސަލައިގައި ފުލުހުން ވަނީ ހަތަރު މީހަކު މިހާރު ހައްޔަރުކޮށްފަ އެވެ. އެމީހުން ހައްޔަރު ކުރީ ފިލަން ވަން އެޕާޓްމަންޓުގެ ދޮރު ފަޅާލައި ވަނުމަށްފަހު އެވެ.

އެ ހާދިސާގައި އަނިޔާވި ފުލުސް މީހާއަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުންނެވެ.

އޭގެ އިތުރުން، ފުލުސް މީހާއަށް ހަމަލާދިން މަންޒަރުގެ ވީޑިއޯއެއް ބައްލަވާފައިވާ ކަމަށް ޕޮލިސް ކޮމިޝަނަރު މުހައްމަދު ހަމީދު މިރޭ ވަނީ ވިދާޅުވެފަ އެވެ. ހަމަލާދިން ވަގުތު ފުލުސް މީހާގެ ސަލާމަތަށް އޭނާ ކުރި މަސައްކަތަށް ކޮމިޝަނަރު ވަނީ ތައުރީފް އަދާކުރައްވައިފަ އެވެ. އަދި ކުށްކުރި މީހުން ހައްޔަރު ކުރުމަށް ފުލުހުންގެ ޓީމުން ކުރި މަސައްކަތް ވެސް ހަމީދު ފާހަގަ ކުރެއްވި އެވެ.

ހުޅުމާލޭގައި ފުލުހަކަށް މިރޭ ހަމަލާ ދިން އިރު، ސެޕްޓެމްބަރު 10، 2022 ގައި މާލެ މަގުމަތިން ތިން ފުލުހަކަށް ހަމަލާދީފައިވެ އެވެ. އޭގެ ހަފުތާއެއް ފަހުން މާފަންނު ޕޮލިސް ސްޓޭޝަނަށް ގްރޫޕަކުން ވަދެ ފުލުހުންތަކަކަށް މަރުގެ އިންޒާރު ވެސް ދިނެވެ.

މާލޭގައި 44 ގޭންގެއް ހަރަކާތްތެރިވާ ކަމަށް ފުލުހުން މީގެ ކުރިން މެއި، 2022 ގައި ވަނީ ބުނެފަ އެވެ. އެ ގޭންގުތަކުގައިި 2600 އަށްވުރެ ގިނަ މެމްބަރުން ހަރަކާތްތެރިވާ ކަމަށް ވެސް ފުލުހުން ބުނެފައިވެ އެވެ. ޖުމްލަ 44 ގޭންގެއް މާލޭގައި އުޅުނު ނަމަވެސް އޭގެ ތެރެއިން "ހަރަކާތްތެރިކޮށް" އުޅެނީ 10 ގޭންގެއް ކަމަށް ފުލުހުން ބުނެ އެވެ.

ގޭންގުތަކުގެ ނުފޫޒު ދައުލަތުގެ އެކި މުއައްސަސާތަކަށް ފޯރުވާ ކަމަށާއި ސިޔާސީ ބައެއް ފަރާތްތަކާއި ގޭންގުތަކާ ގުޅިގެން މަސައްކަތް ކުރާ ކަމަށް ވެސް އެ ފުލުހުން ބުނެފައިވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox