މާލޭގައި 44 ގޭންގެއްގައި 2000 އަށްވުރެ ގިނަ މީހުން، އަތޮޅުތަކަށް ފެތުރިދާނެކަމުގެ ބިރު

ފުލުހުން މިއަދު ކޮންފަރެންސްގައި ޕްރެޒެންޓޭޝަން ހުށަހެޅިއިރު, ސީޕީ ބައިވެރިވެވަޑައިގަންނަވަނީ --

ފުލުހުން މިއަދު ކޮންފަރެންސްގައި ޕްރެޒެންޓޭޝަން ހުށަހެޅިއިރު, ސީޕީ ބައިވެރިވެވަޑައިގަންނަވަނީ --

މާލޭގައި 44 ގޭންގެއް ހަރަކާތްތެރިވާ ކަމާއި އޭގެ ތެރެއިން ވަރަށް ހަރަކާތްތެރި ނުވަ ގޭންގެއް ފާހަގަ ކުރެވިފައިވާއިރު, އެމީހުންނާ ގުޅިގެން ގޭންގުތައް އަތޮޅުތަކުގެ ރަށްތަކަށް ފެތުރިދާނެ ކަމުގެ ބިރު އެބަ އޮތް ކަމަށް ފުލުހުން މިއަދު ބުނެފި އެވެ.

މެދުރާއްޖެ ތެރޭގެ ކައުންސިލްތަކުގެ ރައީސުންނަށް ހާއްސަކޮށްގެން ކުރިއަށް ގެންދާ "ވިއަވަތި ރާއްޖެ" ކޮންފަރެންސްގައި ފުލުހުން ދެއްކި ޕްރެޒެންޓޭޝަނެއްގައިވާ ގޮތުން 1990ގެ އަހަރުތަކުން ފެށިގެން މިހާތަނަށް މާލޭގައި 44 ގޭންގެއްގައި 2,600 މީހުން އުޅެމުންދާކަން ފާހަގަކުރެވިފައިވެ އެވެ.

އޭގެ ތެރެއިން ނުވަ ގޭންގެއް ހަރަކާތްތެރިކޮށް އުޅޭއިރު 10 ގޭންގެއް ވަރަށް ހަރަކާތްތެރިކޮށް, ކުށްތަކަށް އަރައިގަތުމުގައި އުޅޭކަން ފާހަގަވާ ކަމާއި އެ ގޭންގުތަކުގައި 1,300 މީހުން އުޅެމުންދާކަން ވެސް ފުލުހުން ހާމަކުރި އެވެ. އޭގެ ތެރޭގައި 60 ކުޑަކުދިން ހިމެނެ އެވެ.

ފުލުހުން ފާހަގަކުރި ގޮތުގައި, ބޮޑެތި ކުށްތަކަށް އަރައިގަންނަ ގޭންގުތައް އޮތީ މާލޭ އަދި ދެކުނުގެ އަތޮޅުތަކުގަ އެވެ. މެދުރާއްޖެ އަދި އުތުރުގައި ގޭންގުތައް ހަރަކާތްތެރިވާކަން ފާހަގައެއް ނުވެ އެވެ. އެކަމަކު, ކުދި ކުށްތަކަށް އަރައިގަންނަ ގްރޫޕްތަކެއް ބައެއް އަތޮޅުތަކުން ފާހަގަވެފައިވާއިރު, އެއީ ކުރިއަށް އޮތް ތަނުގައި ބޮޑެތި ގޭންގުތަކަށް ވެދާނެ ގްރޫޕުތަކެއްކަން ކަމަށް ފުލުހުން ދެކެ އެވެ.

މެދުރާއްޖެ ތެރޭ ރަށްރަކުގައި ގޭންގުތައް ނެތް ނަމަވެސް, މި ސަރަހައްދުގެ ރަށްތަކަށް ނިސްބަތްވާ މީހުން ގޭންގުތަކުގެ އިސް ސަފުގައި އުޅެ އެވެ. ފުލުހުން އާންމުކުރި ގޮތުގައި މެދުރާއްޖެއަށް ނިސްބަތްވާ 197 މީހަކު ގޭންގުތަކުގައި އުޅޭއިރު, ހަ މީހަކު އިސް ސަފުގައި އުޅެ އެވެ. ތިން ކުޑަކުދިން ވެސް އުޅޭ ކަމަށް ފުލުހުން ބުނެ އެވެ.

ފުލުހުން ޗީފް އިންސްޕެކްޓާ އަރީފް ވިދާޅުވީ ގޮތުގައި, އެމީހުންނާ ގުޅިގެން އާއިލީ ނޫނީ އެހެން ވެސް ބަޔަކު, މެދުރާއްޖެ ތެރެއަށް ގޭންގުތައް ފުޅާކުރުމުގެ ފުރުސަތު އެބަ އޮތެވެ.

ވިއަވަތި ކޮންފަރެންސްގައި ފުލުހުން ބައިވެރިވަނީ
ވިއަވަތި ކޮންފަރެންސްގައި ފުލުހުން ބައިވެރިވަނީ

ވިއަވަތި ކޮންފަރެންސްގައި ފުލުހުން ބައިވެރިވަނީ

ފުލުހުން ހާމަކުރި ގޮތުގައި, އެންމެ ކުރިން ގޭންގުތަކުން އަތާއި ފައިން ހަމަނުޖެހުން ހިންގިއިރު, ލަކުޑިބުރި އާއި ކަނޑިފަދަ ތަކެތި ހިފައިގެން ނުކުތެވެ. މިހާރު ގޭންގު މާރާމާރީތައް ހިންގަނީ ގައިގައި ފޮރުވޭ ފަދަ ތޫނު ވަޅި ފަދަ ތަކެތި ބޭނުންކޮށްގެންކަން ފާހަގަކުރި އެވެ.

މީގެކުރިން ގޭންގުތަކުގެ މެދުގައި ޖެހޭ މައްސަލަތަކުގައި މީހުން މެރުން ގިނަ ނަމަވެސް, މިހާރު އެކަން ކޮންމެވެސް ވަރަކަށް މަދުވެފައިވާކަން ފުލުހުން ފާހަގަކުރި އެވެ. ގޭންގުތަކުގެ ވެރިން, މައްސަލައެއް ޖެހުމުން ވާހަކަ ދައްކައިގެން ހައްލު ހޯދުމަށް އިސްކަން ދޭ ކަމާއި އެއީ, އެމީހުންގެ ވިޔަފާރިތަކަށް ފުލުހުންގެ ފަރާތުން އައިސްދާނެ ނުރައްކަލަކުން ސަލާމަތް ކުރުމަށް ކަމަށް އަރީފް ވިދާޅުވި އެވެ.

ގޭންގުތަކުން އެންމެ ފުޅާ ގޮތެއްގައި މަސްތުވާތަކެތީގެ ވިޔަފާރި ކުރަމުންދާއިރު, ދައުލަތުގެ އެކިއެކި ގުނަންތަކުގެ ތެރެއަށް ނުފޫޒާއި ބާރު ފޯރުވުމަށް ސިޔާސީ މީހުންނާ ގުޅުންތައް ބާއްވަމުންދާކަން ވެސް އަރީފް ފާހަގަކުރެއްވި އެވެ. ގޭންގުތަކުން ސަރުކާރުގެ އެކިއެކި ސިޔާސަތުތައް އެމީހުންނަށް ފަހިވާ ގޮތަށް ބަދަލުކުރުމަށް ވެސް އެ ނުފޫޒުތައް ފޯރުވާކަން އޭނާ ހާމަކުރެއްވި އެވެ.

އޭގެ އިތުރުން, ޝަރުއީ ދާއިރާއަށް އަތްގަދަކުރުމަށް ގޭންގުތަކުން ކުރާ މަސައްކަތް ވެސް ފާހަގަކުރި އެވެ. އެގޮތުން, ވަކީލުންނަށް އާދަޔާހިލާފު ބޮޑެތި އަދަދުތަކުން ފައިސާ ދެމުންދާކަން ފުލުހުން ފާހަގަކުރި އެވެ.

ގޭންގް ކުށުގެ މިހާރުގެ ހާލަތު

  • ތޫނު ހަތިޔާރު ބޭނުންކޮށްގެން މާރާމާރީ ހިންގުމާއި ވާހަކަ ދައްކައިގެން ހައްލުކުރުން
  • މަސްތުވާތަކެތީގެ ވިޔަފާރި ފުޅާކުރުން
  • ކުށްކޮށްގެން ހޯދާ ފައިސާއިން ވިޔަފާރި ފަށައި, ފުޅާކުރުން
  • ސޯޝަލް މީޑިއާގައި ގޭންގް ޕްރޮމޯޓްކުރުން
  • ސްޕޯޓްސް ކްލަބު ރަޖިސްޓާކުރުން
  • ރެކްރޫޓްމެންޓް

ފުލުހުން ފާހަގަކުރި ގޮތުގައި, މާލޭގައި ހަރަކާތްތެރިވާ ގިނަ ގޭންގުތަކުން ފުލުހުން ކުރިމަތީގައި ކުށް ކުރުމަށް ވެސް ޖެހިލުމެއް ނުވެ އެވެ. އެކަމަކު, ވަކި ގޭންގުތަކުގެ ޓެރެޓަރީގެ ގޮތުގައި ކަނޑައަޅައިގެން އުޅުނު ސަރަހައްދުތަކުގައި މިހާރު ސިފައިންނާއެކު ފުލުހުން ހަރަކާތްތެރިވަމުންދާތީ, އެ ތަންތަނުގައި ގޭންގުތައް ހަރަކާތްތެރިވާ މިންވަރު މަދުވެފައިވާކަން ފުލުހުން ފާހަގަކުރި އެވެ. ގޭންގުތަކާ ދެކޮޅަށް ފުލުހުން ގެންދަނީ ނޭޝަނަލް އެކްޝަން ޕްލޭނެއް ތަންފީޒުކުރަމުންނެވެ.

ގޭންގް ނޭޝަނަލް އެކްޝަން ޕްލޭން

  • ޝޯޓް އަދި މީޑިއަމް ޓާމް އެކްޝަން ޕްލޭނެއް އެކުލަވާލުން
  • ފުލުހުންނާއި ސިފައިން ގުޅިގެން ކުރިއަށް ގެންދާ ހާއްސަ އޮޕަރޭޝަން
  • އާންމުން ހޭލުންތެރިކުރުން
  • ކުޑަކުދިން ކުށުން ސަލާމަތްކުރުން
  • ކުށާ ގުޅުންހުރި ގާނޫނުތައް އިސްލާހުކުރުން
  • ދިގުލައިގެން ގޮސްފައިވާ މައްސަލަތަކުގެ ޝަރީއަތް އަވަސް ކުރުވުން

ފުލުހުން ފާހަގަކުރި ގޮތުގައި, ގޭންގު މާރާމާރީތައް ވެސް މިހާރު ވަރަށް ބޮޑުތަން ވަނީ ދަށް ކުރެވިފަ އެވެ. ނަމަވެސް, އޭގެކުރިން އެފަދަ މާރާމާރީތަކުގައި 31 މީހަކު މަރާލާފައިވާކަން ފުލުހުން ފާހަގަކުރެ އެވެ. އޭގެ ތެރޭ ނުވަ ކުޑަކުދިން ވެސް ހިމެނޭއިރު އެއްވެސް ގޭންގަކަށް ނިސްބަތް ނުވާ ހަ މީހަކު އޮޅިގެން މަރާލާފައިވާ ކަމަށް ވެސް ފުލުހުން, ޕްރެޒެންޓޭޝަނުގައި ފާހަގަކުރި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox