މިއާމީ، ޔުނައިޓެޑް ސްޓޭޓްސް (މެއި 8) - ނުވަ ވަނަ ގްރިޑްގައި ރޭސް ފެށި ނަމަވެސް، ފޯމިއުލާ ވަންގެ މިއާމީ ގްރޯން ޕްރީ އިއްޔެ ކާމިޔާބުކޮށް، އެންމެ ފަހުގެ ދުނިޔޭގެ ޗެމްޕިއަން މެކްސް ވެސްޓާޕެން ރެޑްބުލް ޓީމުން މި ސީޒަންގައި ހޯދަމުންދާ މޮޅުވުމުގެ ރެކޯޑް ދަމަހައްޓައިފި އެވެ.
ހޮނިހިރު ދުވަހު އޮތް ކޮލިފައިންގައި ނަތީޖާ ދަށްވުމުގެ ސަބަބުން ނުވަ ވަނަ ގްރިޑުން ރޭސް ފެށި ނަމަވެސް، ވެސްޓާޕެން ވަނީ އޭނައާ އެއް ޓީމެއްގެ ޑްރައިވަރެއް ކަމަށްވާ ސާޖިއޯ ޕެރޭޒް ފަހަތަށް ޖައްސާލައި، ރޭސް ކާމިޔާބުކޮށްފަ އެވެ.
މިއާމީގައި ރެޑްބުލް އިން ހޯދި މޮޅަކީ މި ސީޒަންގައި މިހާތަނަށް އޮތް ފަސް ރޭހުން އެ ޓީމުން ހޯދި ފަސް ވަނަ މޮޅެވެވެ.
މި މޮޅާއެކު، ތާވަލްގެ އެއް ވަނައިގައި ވެސްޓާޕެން ވަނީ ލީޑު ފުޅާކޮށްފަ އެވެ. ވެސްޓާޕެން މިހާރު ވަނީ 14 ޕޮއިންޓް ހޯދައިފަ އެވެ.
"ނުވަ ވަނައިގައި އޮވެގެން ރޭސް ފަށައި، އެންމެ ކުރީގައި އޮވެ ރޭސް ނިންމާލެވުމަކީ ވަރަށް ބޮޑު ހިތްހަަމަޖެހުމެއް،" ވެސްޓާޕެން ބުންޏެވެ.
ރޭހުގެ ތިން ވަނަ ހޯދީ އެސްޓްރޯ މާޓިން ޓީމުގެ ތަޖުރިބާކާރު ޑްރައިވަރު ފެނާންޑޯ އަލޮންސޯ އެވެ.
