ޒިއުރިކް، ސްވިޒަލެންޑް (އޮކްޓޫބަރު 19) - ދުނިޔޭގެ މައި ފުޓްބޯޅަ އިދާރާ ފީފާގައި މިހާރު އޮތް ލީޑަޝިޕާ ގުޅޭގޮތުން މައްސަލަ ބޮޑުވި ހުރިހާ ލިޔެކިއުމެއް އާންމުކުރުުމަށް، އެ ފެޑެރޭޝަންގެ ރައީސް ޖިއާނީ އިންފަންޓީނޯ އަށް ޔޫރަޕްގެ މައި ފުޓްބޯޅަ އިދާރާ، ޔުއެފާ އިން ދެ ހަފްތާގެ މުހުލަތެއް ދީފި އެވެ.
މި ލިޔެކިޔުންތައް ހޯދުމަށް، ޔުއެފާ އިން ވަނީ ފީފާގެ ރައީސް އިންފަންޓީނޯގެ ލީޑަޝިޕް ގޮވައިގެން އެމެރިކާގެ ކޯޓަކަށް މައްސަލަ ވެސް ހުށަހަޅައިފަ އެވެ.
ޔުއެފާ އިން ފީފާ އަށް ފޮނުވި ސިޓީގައި ވަނީ، އަންނަ މަހުގެ ދެ ވަނަ ދުވަހުގެ ކުރިން، ފީފާ އިން މި ފަހުން އެކި މައްސަލަތަކާއި ޕްރޮޖެކްޓްތަކުގައި އަމަލުކުރި ގޮތްގޮތުގެ ލިޔެކިޔުންތައް އާންމުކުރަން ގޮވާލައިފަ އެވެ.
ފީފާގެ މައްސަލަ ބޮޑުވި ހުރިހާ ލިޔެކިއުމެއް އާންމުކުރަން އިންފަންޓީނޯ އަށް ގޮވާލައިިފި
ފީފާގެ މުބާރާތްތަކުގެ ރައިޓްސް ވިއްކާލަން އުޅުނު މައްސަލައާއި ބައެއް ނިންމުންތަކާ ގުޅޭ ލިޔެކިޔުންތައް އާންމުކުރުމަށް އިނގިރޭސި އެފްއޭގެ ޗެއާމަން ޑެބީ ހެވިޓް، ފީފާގެ ރައީސް އިންފަންޓީނޯއަށް ގޮވާލައްވައިފި. ޔޫއެފާއިން ވެސް އަންނަނީ އިންފަންޓީނޯއާ ދެކޮޅަށް އެމެރިކާގެ ތިން ކޯޓެއްގައި މައްސަލަތައް ކުރިއަށްގެންދަމުން.
އެ ސިޓީގައި ޔުއެފާ އިން ވަނީ، މިދިޔަަ ބުރާސްފަތި ދުވަހު ބޭއްވި ފީފާ ކައުންސިލް ބައްދަލުވުމުގައި ފީފާގެ ރައީސް، އިންފަންޓީނޯ އަށް މެމްބަރުން ކުރިމަތިކުރުވި މުހިިންމު ސުވާލުތަކުގެ ޖަވާބު ލިބިފައިނުވާ ކަމަށް ވެސް ހިމަނައިފަ އެވެ. އިންފަންޓީނޯ ވަނީ ކައުންސިލް ބައްދަލުވުމުގައި އޭނާ އަށް ހެދުނު ގޯސްތަކަށް މައާފަށް ވެސް އެދިވަޑައިގެންފަ އެވެ. އެކަމަކު، އެކި އޮފިޝަލުންގެ ސުވާލުތަކަށް އެކަށޭނެ ޖަވާބެއް ދޭން އިންފަންޓީނޯ އުޒުރުވެރިވެވަޑައިގަންނަވާ ކަމަށް ވިދާޅުވެފައިވެ އެވެ.
ފީފާ އިން އާންމުކުރަން ދެކޮޅު ހަދާ މުހިންމު ލިޔެކިޔުންތަކަށް ބަލާއިރު، ފީފާގެ މުބާރާތްތަކުގެ ރައިޓްސް، ވޯލްޑް ކަޕް ހިމެނޭހެން، އެމެރިކާގެ ރައީސް ޑޮނާލްޑް ޓްރަމްޕްގެ އާއިލީ ގުޅުން އޮންނަ ކުންފުންޏަކަށް ވިއްކާލަން އުޅުނު ފީފާ ފޯވާޑް އެންޓަޕްރައިސް (އެފްއެފްއީ) ޑީލުގެ ލިޔެކިޔުންތަކަށް ހާއްސަ ސަމާލުކަމެއް ވަނީ ލިބިފަ އެވެ. އަދި، މި ފަހަރު އެމެރިކާ، މެކްސިކޯ އަދި ކެނަޑާގައި އޮތް ފީފާ ވޯލްޑް ކަޕްގެ ތެރެއިން، އެމެރިކާގެ ފޯވާޑް، ފަލޮރިން ބަލޮގަން އަށް ދެއްކި ރަތް ކާޑަށް މާފު ދޭން ނިންމި ގޮތުގެ ލިޔެކިޔުންތައް ވެސް ޔުއެފާ އިން ރިލީސްކުރަން އެދޭ ލިޔެކިޔުންތަކުގެ ތެރޭގައި ހިމެނެ އެވެ.
މީގެ އިތުރުން، މިދިޔަ އަހަރުގެ ޑިސެމްބަރު މަހު، ފީފާގެ ރައީސް އިންފަންޓީނޯ، އިސްވެ ހުންނަވައި، އެމެެރިކާގެ ރައީސް ޓްރަމްޕް އަށް ފީފާ ޕީސް ޕްރައިޒް އެވޯޑް ދޭން ނިންމި ގޮތުގެ ތަފްސީލް ހޯދަން ވެސް ޔުއެފާ އިން ވަނީ ހުށަހަޅައިފަ އެވެ.
ޔުއެފާ އިން ފޮނުވި ސިޓީއާ ގުޅޭގޮތުން، މިހާތަނަށް ފީފާ އިން ރަސްމީކޮށް ވަކި ގޮތެއް އިއުލާނުކޮށްފައިނުވެ އެވެ.
ފީފާގެ ރައީސްގެ މަގާމު 2016 ވަނަ އަހަރުން ފެށިގެން ފުރުއްވަމުން އަންނަ އިންފަންޓީނޯ ވަނީ އަންނަ އަހަރު ބާއްވާ ފީފާގެ އިންތިހާބުގައި ހަތަރު ވަނަ ދައުރަކަށް ކުރިމަތިލައްވަން ނިންމަވައިފަ އެވެ.
