ރާއްޖެ އާއި ޕާކިސްތާން މެޗުގެ ފައިދާ މާޒިޔާ އަށް ވެސް ބޮޑު: އިވާން

މާޒިޔާގެ ކޯޗު އިވާން، މިއަދުގެ ނޫސްވެރިންގެ ބައްދަލުވުމުގެ ތެރެއިން ވާހަކަދައްކަނީ.--- ފޮޓޯ: އަބްދުﷲ އިޔާން

މާޒިޔާގެ ކޯޗު އިވާން، މިއަދުގެ ނޫސްވެރިންގެ ބައްދަލުވުމުގެ ތެރެއިން ވާހަކަދައްކަނީ.--- ފޮޓޯ: އަބްދުﷲ އިޔާން

މި މަހު 21 ވަނަ ދުވަހު ލ. ގަމު ޒޯން ސްޓޭޑިއަމްގައި ރާއްޖޭގެ ގައުމީ ފުޓްބޯޅަ ޓީމާއި ޕާކިސްތާނުން ކުޅުނު އެކުވެރިކަމުގެ މެޗުގެ ފައިދާ މާޒިޔާ ސްޕޯޓްސް އެންޑް ރެކްރިއޭޝަނަށް ވެސް ބޮޑު ކަމަށް އެ ޓީމުގެ ކޯޗު ބަލްގޭރިއާގެ އިވާން ވެންކޯވް ކޮލޭވް ބުނެފި އެވެ.

ރާއްޖޭގެ ފުޓްބޯޅަ ސީޒަން ހުޅުވަން ކުޅޭ އެފްއޭ ޗެރިޓީ ޝީލްޑް މެޗުގައި ކްލަބް އީގަލްސްއާ ދެކޮޅަށް މާޒިޔާ ކުޅޭ މެޗުގެ ކުރިން މިއަދު މެންދުރު ފަހު ގަލޮޅު ދަނޑުގައި ބޭއްވި ނޫސްވެރިންގެ ބައްދަލުވުމުގައި އިވާން ބުނީ ޕްރީ ސީޒަން ކުރިއަށްގެންދިޔައިރު، އެންމެ ބޮޑު މައްސަލަ އަކީ މި ވަގުތު ރާއްޖޭގައި އެކުވެރިކަމުގެ މެޗުތައް ކުޅެން ލިބެން ނެތުން ކަމަށެވެ.

ފުރަތަމަ ޑިިވިޝަނުގެ އަށް ކްލަބްގެ ތެރެއިން މި ވަގުތު ޕްރީ ސީޒަން ޕްރެކްޓިސް ފަށާފައި އޮތީ ތިން ކްލަބަކުންނެވެ. ތިން ވަނަ އަށް ޕްރެކްޓިސް ފެށީ ރޭ ބުރު ސްޕޯޓްސް ކްލަބް އިންނެވެ.

Advertisement

"މި މެޗު، ޕާކިސްތާނާ ދެކޮޅަށް ގައުމީ ޓީމު އެ ކުޅުނު މެޗަކީ ހަމައެކަނި ގައުމީ ޓީމުގެ މެޗެއް ވެސް ނޫން، އެއީ އަހަންނަށް މާޒިޔާގެ ކުޅުންތެރިންނަށް ވެސް ލިބުނު ފްރެންޑްލީ މެޗެއް. އެހެން ސިސްޓަމަކަށް އެހެން ޓެކްޓިކްސް އަކަށް އެ ކުޅުންތެރިން އެހެން ޓާގެޓަކަށް ކުޅުނު ނަމަވެސް މި މެޗު އަހަރެމެންގެ ޕްލޭޔަރުންނަށް މިވީ ރަނގަޅު ފުރުސަތަކަށް،" ޕާކިސްތާން އަތުން 1-0 އިން މޮޅުވި މެޗުގައި ރާއްޖޭގެ ފުރަތަމަ އެގާރައިގައި ބޭނުންކުރީ މުޅިން މާޒިޔާގެ ކުޅުންތެރިން ކަމަށްވާތީ އެއީ އެޑްވާންޓޭޖެއްތޯ އެހުމުން، އިވާން ބުންޏެވެ.

ޕާކިސްތާނާ ދެކޮޅަށް ރާއްޖޭގެ ގައުމީ ފުޓްބޯޅަ ޓީމުން ނެރުނު ފުރަތަމަ އެގާރަ ކުޅުންތެރިން: މިއީ ރާއްޖޭގެ ގައުމީ ޓީމެއްގެ ފުރަތަމަ އެގާރައިގައި ރަސްމީ މެޗެއްގައި އެއް ކްލަބެއްގެ ކުޅުންތެރިން އެކަނި ހިމެނުނު މަދު ފަހަރުތަކުގެ ތެރެއިން އެއް ފަހަރު.--- ފޮޓޯ: އަބްދުﷲ އިޔާން

"އަަހަރެން އެކަމާ (ގައުމީ ޓީމުގެ ފުރަތަމަ އެގާރައިގައި މުޅިން މާޒިޔާ ކުޅުންތެރިން ތިބީމަ) ވަރަށް ހިތްހަމަޖެހޭ، އެއީ އެ މެޗުން ކުުޅުންތެރިންނާ ބެހޭ ރަނގަޅު ކަންތައްތަކެއް ފާހަގަވެ، ތައްޔާރުކަން އެނގުނު،"

މާޒިޔާ އަކީ މި ފަަހަރު ވެސް އެންމެ ފުރަތަމަ ރާއްޖޭން ޕްރީ ސީޒަން ޕްރެކްޓިސް ފެށި ކްލަބް އެވެ. އެންމެ ފަހުގެ ޗެމްޕިއަން، މާޒިޔާ އިން ޕްރެކްޓިސް ފެށިިއިރު، ރާއްޖޭގައި ރަސްމީކޮށް ކުޅުންތެރިން މެޗެއް ނުކުޅެ، ޓްރެއިނިން ނުކުރާތާ ފަސް ވަރަކަށް މަސް ވާން ވަނީ ގާތްވެފަ އެވެ.

އިވާން ބުނީ ޕްރީ ސީޒަންގެ އެންމެ ފުރަތަމަ ޕްރެކްޓިސްގައި ފެނުނު ކަންތައްތަކުން ލިބުނީ "ޝޮކެއް" ކަމަށެވެ. އެއީ ކުޅުންތެރިންގެ ފިޓްނަސް ލެވަލް ހުރީ ހީކުރި ވަރަށް ވުރެ މާ ދަށްކޮށް ކަމަށްވާތީ އެވެ.

އެކަމަކު، ސައުދީ އަރަބިއްޔާގައިި ފުރިހަމަ ކުރި ޓްރެއިނިން ކޭމްޕާއި މިހާތަނަށް ކުރެވުނު ހުރިހާ ޕްރެކްޓިހެއްގައި ކުޅުންތެރިން ކުރި މަަސައްކަތުން ވަރަށް ގިނަ ކަންކަން ރަނގަޅު ކުރެވުނު ކަމަށް އިވާން ވަނީ ބުނެފަ އެވެ.

"ސީރިއަސްކޮށް މަސައްކަތްކޮށްގެން ހާލަތު ރަނގަޅުކުރެވިފައި މި ވަނީ، ގާތްގަނޑަކަށް މިހާރު އެ ހުރީ ކޮންމެ ކުޅުންތެރިއެއްގެ އަމިއްލަ ފެންވަރަށް ބަލާނަމަ 80 ނޫނީ 90 ޕަސެންޓްގައޭ ބުނެވިދާނެ،" އިވާން ބުންޏެވެ.

"ފުރަތަމަ ކަމަކަށް އަހަރެމެންނަށް ސައުދީ އަރަބިއްޔާގައި މި ދިން ފުރުސަތަށް ޓަކައި ވެސް ޝުކުރުއަދާކުރަން ޖެހޭ. ވަރަށް ރަނގަޅު ކޭމްޕެއް، މި ކޭމްޕުން އަހަންނަށް ކުޅުންތެރިން ދަސްކުރަން ފަސޭހަވެގެންދިޔަ، އެއީ ކުރިން އަހަންނަކަށް ކުޅުންތެރިން ދަސްވާވަރުގެ ފުރުސަތެއް ނުއެއް ލިބޭ. މިހާރު، އަހަރެންގެ ވިސްނުމުގައި ބުނަން އެނގޭނެ، މި ކުޅުންތެރިންގެ ކޮލިޓީ އަކީ މިއީއޭ. ކުޅުންތެރިންނަށް ދަނޑުމަތީގައި ބޭނުން ހިފޭނީ މީގެއޭ،"

އިވާން ބުނީ މާޒިޔާގައި ޓާގެޓްތަކަކާ އެކު މަސައްކަތް ކުރާއިރު، ފެށުން ރަނގަޅުކުރަން ޖެހޭނެ ކަމަށެވެ.

މިއަދު ބޭއްވި ޗެރިޓީ ޝީލްޑް މެޗުގެ ނޫސްވެރިންގެ ބައްދަލުވުމުގެ ތެރެއިން ސާންތީ (ވ) އާއި މާޒިޔާގެ ކޯޗު އިވާން ސަލާމްކުރަނީ.--- ފޮޓޯ: އަބްދުﷲ އިޔާން

"އީގަލްސް އަކީ ނުރައްކާ ޓީމެއް"

ސީޒަން ހުޅުވަން ކުޅޭ ޗެރިޓީ ޝީލްޑް މެޗުގެ އެންމެ ކާމިޔާބު ޓީމަކީ ހަތަރު ފަހަރު މި މެޗުން މޮޅުވި މާޒިޔާ އެވެ. އީގަލްސް އިން މިހާތަނަށް ޗެރިޓީ ޝީލްޑް މެޗުގައި ކުޅުނު ހަމައެކަނި ފަހަރު ވަނީ 2020 ވަނަ އަހަރު މާޒިޔާ ބަލިކޮށްފަ އެވެ. އެއީ ފަހަތުން އަރައި 3-2 އިންނެވެ.

އިވާން ބުނީ މާޒިޔާ ކުޅުންތެރިންނަށް އޭނާ ދޭ ލަފަޔަކީ ކޮންމެ ހާލަތެއްގައި މި މެޗު ކުޅުނު ކަމުގައި ވިޔަސް އީގަލްސް ޓީމަށް ވެސް އިހުތިރާމް ކުރުމަށެވެ. އީގަލްސް އާއި މާޒިޔާ ވާދަކުރާ މެޗުތައް ދާ ގޮތާ ގުޅޭ ގޮތުން ވާހަކަތައް އިވިފައިވާ ކަމަށް އިވާން ވަނީ ބުނެފަ އެވެ. އެ ހުރިހާ ކަމަށް ބަލާއިރު، އީގަލްސްއާ މެދު އިވާން ވެސް ސަމާލުވާނެ އެވެ.

"އީގަލްސް ވާނެ އަހަރެމެންނަށް ނުރައްކާކުރާނެ ޓީމަކަށް، ތި މީހުން ވެސް، ތި ބުނަނީ މި ޓީމު (އީގަލްސް) މާޒިޔާއާ އެކު ކުޅެނީ ރަނގަޅު ރޫހެއްގައޭ. އީގަލްސް ކަހަލަ ޓީމަކާ ކުޅޭއިރު، ވިސްނަންޖެހޭނެ ކިހިނެއްތޯ ޑިފެންސްގައި ކުޅޭނީ ކިހިނެއްތޯ އެޓޭކްގައި ކުޅޭނީ. ވަރަށް ސަމާލުވާން ޖެހޭނެ އެ މީހުންނަށް އެޓޭކް ކުރަން ފުރުސަތު ނުދޭން. ދެން، އަހަރެމެންގެ ޓާގެޓަކަށް ވާން ޖެހޭނީ އެ މީހުންނަށް އެޓޭކްކުރަން،" އިވާން ބުންޏެވެ.

މިޔަންމާގެ ޔަންގޮން ޔުނައިޓެޑާ ހަވާލުވެހުރިއިރު، އިވާން ވަނީ ރާއްޖޭގެ ނިއުރޭޑިއަންޓާ ދެކޮޅަށް ކުޅެ ވަނީ އެއް މެޗުން މޮޅުވެ، އަނެއް މެޗުން ބަލިވެފަ އެވެ. ރާއްޖޭގެ ގައުމީ ޓީމުގެ ކުޅުން ވެސް މީގެ ކުރިން ފެނިފައިވާ ކަމަށް އިވާން ވަނީ ބުނެފަ އެވެ.

މިހާތަނަށް ފެނުނު ފެނުމާއި ލިބިފައިވާ މައުލޫމާތުގެ އަލީގައި އެއްޗެއް ބުނާނަމަ ރާއްޖޭގެ ފުޓްބޯޅަ، ބައިނަލްއަގުވާމީ ލެވަލްގައި ކަމެއް ހާސިލްކުރާނަމަ، އިތުރު ވިސްނުންތަކެއް މީގެ ތެރެއަށް ވައްދައިގެން ރަނގަޅު ވާދަވެރި މާހައުލެއްގައި މިހާރަށް ވުރެ ރަނގަޅަށް މަސައްކަތް ކުރަން ޖެހޭނެ ކަމަށް އިވާން ވަނީ ބުނެފަ އެވެ.

މާޒިޔާ އާއި އީގަލްސް ކުޅޭ ޗެރިޓީ ޝީލްޑް މެޗު ފަށާނީ މާދަމާރޭ 22:00 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox