ހާއްސަ އެހީއަށް ބޭނުންވާ ފަރާތްތަކުގެ ހުނަރު ތަރައްގީކުރުމުގެ ޕްރޮގުރާމުތަކެއް ހިންގަން އެއްބަސްވުމެއްގައި އެޗްޑީސީއާއި އެމްއައިޓީއާ ދެމެދު ސޮއިކޮށްފި އެވެ.
މި އެއްބަސްވުމުގައި އެޗްޑީސީގެ ފަރާތުން ސޮއި ކުރެއްވީ އެ ކޯޕަރޭޝަނުގެ މެނޭޖިން ޑިރެކްޓަރު، އަހުމަދު އާތިފެެވެ. އެމްއައިޓީގެ ފަރާތުން ސޮއި ކުރެއްވީ އެ އިންސްޓިޓިއުޓުގެ ޑިރެކްޓާ އޮފް ޕުރޮގުރާމްސް، އާދަމް ހަލީމެވެ.
އެޗްޑީސީން ބުނި ގޮތުގައި މިފަދަ ޕްރޮގުރާމުތަކެއް ހިންގުމަށް އެ ކޯޕަރޭޝަނުން އިސްނެގީ ހުނަރު ތަރައްގީ ކުރުމުގެ ޕްރޮގުރާމުތަކުގެ ތެރެއިން ހާއްސަ އެހީއަށް ބޭނުންވާ ފަރާތްތައް ބާރުވެރިކުރުވައި، މަސައްކަތުގެ މާހައުލަށް އަހުލުވެރި ބައެއްގެ ގޮތުގައި ބިނާކުރުމަށެވެ.
މި ކަމަކީ ހާއްސަ އެހީއަށް ބޭނުންވާ ފަރާތްތަކާއެކު ބޭއްވި ބައްދަލުވުންތަކުގައި އެ ފަރާތްތަކުން ހުށަހެޅި ކަމެއް ކަމަށް އެޗްޑީސީން ބުނެ އެވެ.
މި ތަމްރީނު ޕްރޮގްރާމުތައް ފަށާނެ ދުވަހާއި ބައިވެރިވާން ފުރުސަތު ހުޅުވާލާނެ އެވެ.
