ރެފްކޫލްގެ ބޮޑު ޑިސްކައުންޓު ލިބޭ ރޯދަ ސޭލް އުމްރާ ދަތުރަކާއެކު އަންނަ މަހުގެ 7 ގައި ފަށަނީ

Oct 28, 2026, 8:26 PM
ރެފް ކޫލްގެ ރޯދަ ސޭލް އަންނަ މަހު

ރެފް ކޫލްގެ ރޯދަ ސޭލް އަންނަ މަހު

ކުރިއަށް އޮތް ރޯދަ މަހަށް ހާއްސަކޮށްގެން ރެފްކޫލުން ބާއްވާ "ރޯދަ ސޭލް" ބޮޑު އިނާމަކަށް އުމްރާ ދަތުރަކާއެކު އަންނަ ނޮވެމްބަރު 7 ވާ ހޮނިހިރު ދުވަހު ފަށަން ނިންމައިފި އެވެ.

މި ޕްރޮމޯޝަން ކުރިއަށް ދާނީ ފިތުރު އީދުގެ ފަހުން ހަ ދުވަސް ހަމަވަންދެންނެވެ. މި ސޭލް ކުރިއަށްދާނީ މާލެ އާއި ހުޅުމާލޭގައި ހުންނަ އެ ކުންފުނީގެ ތިން ފިހާރައެއްގަ އެވެ. އެއީ ފަރީދީ މަގުގައި ހުންނަ ރެފްކޫލްގެ އިތުރުން ސޯސަން މަގާއި ހުޅުމާލެ ނިރޮޅުމަގުގައި ހުންނަ ލެޓްސްކޫލްގެ ދެ ފިހާރަ އެވެ. މީގެ އިތުރުން ކުންފުނީގެ ވެބްސައިޓާއި ފޯނު އަދި ވައިބާ މެދުވެރިކޮށް ވެސް އޯޑަރު ދެވޭނެ އެވެ.

ފަރީދީ މަގުގެ ފިހާރައިން ގްރީ ބްރޭންޑްގެ އެއާކޮންޑިޝަނަރާއި އެއާ ޕިއުރިފަޔާތަކަށް ބޮޑެތި ޑިސްކައުންޓްތަކެއް ދިނުމަށް ވަނީ ހަމަޖެހިފަ އެވެ. އެގޮތުން 9،000 އިން ފެށިގެން 24،000 ބީޓީޔޫއާ ހަމައަށް ފާރުގައި ހަރުކުރާ އަދި ސީލިންގް މައުންޓް އޭސީތައް ހިމެނެ އެވެ. އަދި އެ ކުންފުނިން އިންސްޓޯލްކޮށްދޭ އެއާކޮންޑިޝަނަރުތަކަށް ދެ އަހަރުގެ ވޮރަންޓީ ލިބޭނެ އެވެ.

ލެޓްސްކޫލްގެ ދެ ފިހާރައިން ހާއްސަ އިސްކަމެއް ދެނީ އެލްޖީ ބްރޭންޑްގެ އުފެއްދުންތައް ޕްރޮމޯޓް ކުރުމަށެވެ. އޭގެ ތެރޭގައި އެލްޖީގެ އޭސީ އާއި ދޮންނަ މެޝިނާއި އައިސްއަލަމާރި އަދި އަވަން ހިމެނެ އެވެ. ނަމަވެސް އެލްޖީ މުދަލަށް ދެ އަހަރުގެ ވޮރަންޓީއެއް ނުލިބޭނެ އެވެ.

މި ސޭލްގައި ކުރާ ކޮންމެ 500ރ. ގެ ވިޔަފާރިއަކަށް ގުރުއަތު ކޫޕަނެއް ލިބޭނެ އެވެ. ސޭލްގެ އެއްވަނަ އިނާމަކަށް އެކަކަށް ދެވޭ އުމްރާ ދަތުރެއް ކަނޑައަޅާފައިވާއިރު، އިތުރު އަގުހުރި އިނާމުތަކެއް ވެސް ވަނީ ހުށަހަޅައިފަ އެވެ.

ދެވަނަ އިނާމަކަށް ދެ ނަސީބުވެރިއަކަށް ޖޭވީ ބްރޭންޑްގެ 82 އިންޗީގެ ސްމާޓް އެންޑްރޮއިޑް ޓީވީއަކާއި ދޮންނަ މެޝިނެއް ލިބޭނެ އެވެ. އަދި ތިންވަނަ އިނާމުގެ ގޮތުގައި 10 މީހަކަށް 65 އިންޗީގެ ޓީވީ އާއި ގަލާންޒް ބްރޭންޑްގެ އިލެކްޓްރިކް އަވަން ލިބޭނެ އެވެ. ނަސީބުވެރިން ހޮވުން އޮންނާނީ ސޭލް ނިމުމުން ބާއްވާ ލައިވް ގުރުއަތުލުމެއްގަ އެވެ.

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox