އިގުތިސޯދީ ދުވެލި ޕަސެންޓަކަށް ވުރެ ދަށް ވެދާނެ!

ވެލާނާ އިންޓަނޭޝަނަލް އެއާޕޯޓުގެ ޖެޓީ ސަރަހައްދުން ހިނގަމުން ދިޔަ ޓޫރިސްޓުންތަކެއް: މި އަހަރު ރެކޯޑު ދުވެލީގައި ފެށި ޓޫރިޒަމް ސިނާއަތް މަޑުޖެހުނީ އިރާނު ހަނގުރާމައިގެ ތެރޭގައި --- އަދަދު ފައިލް ފޮޓޯ

ވެލާނާ އިންޓަނޭޝަނަލް އެއާޕޯޓުގެ ޖެޓީ ސަރަހައްދުން ހިނގަމުން ދިޔަ ޓޫރިސްޓުންތަކެއް: މި އަހަރު ރެކޯޑު ދުވެލީގައި ފެށި ޓޫރިޒަމް ސިނާއަތް މަޑުޖެހުނީ އިރާނު ހަނގުރާމައިގެ ތެރޭގައި --- އަދަދު ފައިލް ފޮޓޯ

މެދުއިރުމަތީގައި ފެށި ހަނގުރާމައިގެ ނޭދެވޭ އަސަރުތަކާ ހުރެ، މި އަހަރު ރާއްޖޭގެ އިގުތިސޯދީ ދުވެލި ވަރަށް ބޮޑަށް ދަށްވެ، 0.6 ޕަސެންޓާއި 1.8 ޕަސެންޓާ ދެމެދުގެ ދަށް މިންވަރަކަށް ވެއްޓޭނެ ކަމަށް މާލީ ވަޒީރު ހަސަން ޒަރީރު މިއަދު ރައްޔިތުންގެ މަޖިލީހުގައި އިއުލާނު ކުރައްވައިފި އެވެ.

ސަރުކާރުން ކުރިން ލަފާކުރީ މި އަހަރު އިގުތިސޯދު 5.3 ޕަސެންޓުގައި ކުރިއަރާނެ ކަމަށެވެ. ނަމަވެސް ބައިނަލްއަގުވާމީ މަސްރަހަށް އައި ބޮޑެތި ލޮޅުންތަކާއެކު އަންދާޒާތައް މިހާރު ވަނީ މުޅިން ބަދަލުވެފަ އެވެ.

އިގުތިސޯދީ ދުވެލި މިހާ ބޮޑަށް ތިރިއަށް ދިޔައީ ޔޫރަޕުން އަންނަ ޓޫރިސްޓުން މެދުއިރުމަތީގައި ޓްރާންސިޓު ކުރާ ހަބުތައް ބަންދުކުރުމުންނެވެ. އެ ދުވަސްވަރު ޓޫރިސްޓުން އަންނަ އަދަދު ވަރަށް ބޮޑަށް މަދުވި އެވެ. އޭރުގެ ދަށުވުމުން އަރައިގަނެވުނަސް، މި އަހަރަށް ލަފާކުރި ވަރަށް ޓޫރިސްޓުން ނާންނާނެ ކަމަށް މިހާރު ވަނީ ޔަގީންވެފަ އެވެ. އަދި، މިދިޔަ އަހަރު އައި އަދަދާ ގާތްކުރާ ވަރަށް ވެސް ޓޫރިސްޓުން ނައިސްދާނެ ކަމަށް މިހާރު ބެލެވެ އެވެ.

ބަޖެޓު ބަޔާން އިއްވަވަމުން ވަޒީރު ޒަރީރު ވިދާޅުވީ، އިރާނު ހަނގުރާމައަކީ ފާއިތުވި ދިހަ ވަރަކަށް އަހަރުގެ ތެރޭގައި ރާއްޖޭގެ މާލިއްޔާއަށް ކުރިމަތިވި ތިންވަނަ ބޮޑު ޝޮކް ކަމަށެވެ. އެ ހަނގުރާމައާ ހެދި ދަތުރުފަތުރަށް ބުރޫއަރައި، ތެލުގެ އަގު އުފުލި އަދި އެއާލައިންތަކުގެ ދަތުރުތައް މަދުވެ ރާއްޖޭގެ ޓޫރިޒަމަށް ސީދާ އަސަރުކުރި ކަމަށް އޭނާ ވިދާޅުވި އެވެ.

"އެހެންނަމަވެސް، މި އަހަރުގެ ފުރަތަމަ ކުއާޓަރު ނިމުނު ހިސާބުގައި މުޅި ދުނިޔޭގެ އިގުތިސާދު ގުޑުވާލީ ބޮޑު ހަނގުރާމައަކުން. މިއީ ވޭތުވެދިޔަ ދިހަވަރަކަށް އަހަރު ދުވަހުގެ ތެރޭގައި ދިވެހިރާއްޖޭގެ މާލިއްޔާއަށް ކުރިމަތިވި ތިންވަނަ ބޮޑު ޝޮކް" ޒަރީރު ވިދާޅުވި އެވެ. 

އިގުތިސޯދަށް ދިމާވީ ހާލަތު ސިފަކޮށްދެއްވަމުން ޒަރީރު ވިދާޅުވީ މިދިޔަ އަހަރުގެ ޑިސެމްބަރާއި، މި އަހަރުގެ ޖެނުއަރީ އަދި ފެބްރުއަރީގައި ވެސް ޓޫރިޒަމް ރަނގަޅު ކަމަށެވެ. ނަމަވެސް މާޗު އަދި އެޕްރީލްގައި ޓޫރިޒަމް 23 ޕަސެންޓު ދަށްވުމާ ގުޅިގެން، މިއަދާ ހަމައަށް އައިއިރު ވެސް މިދިޔަ އަހަރަށް ވުރެ ޓޫރިޒަމް 3.6 ޕަސެންޓު ދަށް ކަމަށް އޭނާ ވިދާޅުވި އެވެ. 

ސަރުކާރުން މިހާރު ލަފާކުރަނީ މި އަހަރު ނިމޭއިރު އަންނާނީ 2.17 މިލިއަން ޓޫރިސްޓުން ކަމަށެވެ. މިއީ މިދިޔަ އަހަރު ޒިޔާރަތްކުރި 2.25 މިލިއަން ޓޫރިސްޓުންނަށް ވުރެ 3.5 ޕަސެންޓު މަދު އަދަދެކެވެ.

މި އަހަރު މިހެން ދިމާވި ނަމަވެސް، އަންނަ އަހަރަކީ އުއްމީދީ އަހަރަކަށް ވާނެ ކަމަށް ވަޒީރު ވިދާޅުވި އެވެ.

މި ގޮތުން އަންނަ އަހަރު ރާއްޖޭގެ އިގުތިސޯދީ ދުވެލި 3.9 ޕަސެންޓާއި 6.8 ޕަސެންޓާ ދެމެދުގެ ހަލުވި މިނެއްގައި ކުރިއަރާނެ ކަމަށް ލަފާކުރެވޭ ކަމަށްް އޭނާ ވިދާޅުވި އެވެ. އަދިދި އަންނަ އަހަރަކީ "ވިޒިޓް މޯލްޑިވްސް އިޔާ" ގެ ގޮތުގައި ފާހަގަކޮށް، 2.5 މިލިއަން ފަތުރުވެރިން ގެނައުމަށް އަމާޒު ހިފާފައިވާ ކަމަށް ވަޒީރު ވިދާޅުވި އެވެ.

މި އަމާޒު އޮތް ނަމަވެސް، ބަޖެޓުގައި އޮތް ބޭސްލައިން އަމާޒަކީ 2.28 މިލިއަން ޓޫރިސްޓުން ގެނައުމެވެ. 

ކުރިން އިގުތިސޯދީ ދުވެލި މިއަށް ވުރެ ދަށްވީ ގައުމަށް ދިމާވި ބޮޑެތި ކާރިސާތަކުގައި އެކަންޏެވެ

ވޭތުވެދިޔަ 30 އަހަރަށް ބަލާއިރު، ރާއްޖޭގެ އިގުތިސޯދީ ދުވެލި މިއަށް ވުރެ ދަށްވީ އިގުތިސޯދު މުޅިން އަޑިއަޅައިލި ހަތަރު އަހަރު އެކަންޏެވެ. އެއީ 2001 ވަނަ އަހަރާއި، ސުނާމީ ކާރިސާއަށް ފަހު 2005 ގަ އެވެ. ދެން ދުނިޔޭގެ މާލީ ކާރިސާ ދިމާވި 2009 އަދި ކޮވިޑްގެ ވަބާ ފެތުރުނު 2020 ވަނަ އަހަރު އެވެ. އިގުތިސޯދީ ކުރިއެރުން މުޅިން ހުއްޓި ނެގެޓިވް ނުވާ އަހަރުތަކަށް ބަލާއިރު، މިއީ ފަހުގެ ތާރީހެއްގައި ދުވެލި އެންމެ ބޮޑަށް މަޑުޖެހުނު އަހަރެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox