ހުޅުމާލޭ ޕަވާ ހައުސް ކައިރިން ފިނޭންސުން 94 މިލިއަން ރުފިޔާއަށް ބިމެއް ގަނެފި

ހުޅުމާލޭ ފޭސް އެކަކުން 94.5 މިލިއަން ރުފިޔާ ދީފައި ގަތް ބިން: މިއީ ކޮން ބޭނުމެއްގައި ގަތް ބިމެއް ކަމެއް ނޭނގޭ --- ފޮޓޯ: އެޗްޑީސީ

ހުޅުމާލޭ ފޭސް އެކަކުން 94.5 މިލިއަން ރުފިޔާ ދީފައި ގަތް ބިން: މިއީ ކޮން ބޭނުމެއްގައި ގަތް ބިމެއް ކަމެއް ނޭނގޭ --- ފޮޓޯ: އެޗްޑީސީ

ހުޅުމާލޭގެ ފޭސް އެކެއްގައި ހުންނަ އިންޖީނުގެ އާއި މަސް މާރުކޭޓު ހިމެނޭ ސަރަހައްދުން 94.5 މިލިއަން ރުފިޔާ ދީފައި ފިނޭންސް މިނިސްޓްރީން ބިމެއް ގަނެފި އެވެ.

މި މުއާމަލާތާ ގުޅިގެން ސިވިލް ކޯޓުން ކުރި ހުކުމުގައިވާ ގޮތުން، ފިނޭންސް މިނިސްޓްރީން ގަނެފަ އިވަނީ 25,011 އަކަފޫޓުގެ ބިމެކެވެ. ނަމަވެސް، މި ބިން ގަނެފައިވަނީ ސީދާ ކޮން ބޭނުމަކު ކަމެއް އެ ހުކުމަކުން ސާފެއް ނުވެ އެވެ.

މިއީ މި އަހަރުގެ ތެރޭގައި ފިނޭންސް މިނިސްޓްރީން ހުޅުމާލެއިން ބިން ގަތް ފުރަތަމަ ފަހަރެއް ނޫނެވެ.

މި އަހަރުގެ ކުރީކޮޅު ވެސް އެ މިނިސްޓްރީން ވަނީ ހުޅުމާލޭގެ ދެވަނަ ފިޔަވަހިން 69.7 މިލިއަން ރުފިޔާ ދީފައިވާ ހުޅުމާލޭން ބޮޑު ބިމެއް ގަނެފަ އެވެ. މިއީ އިސްލާމިކް ޔުނިވާސިޓީގެ ކެމްޕަހެއް ހުޅުމާލޭގައި ގާއިމުކުރުމަށް ގަތް ބިމެކެވެ.

މީގެ އިތުރުން 2024 ގައި ވެސް ދައުލަތުގެ އެކި ބޭނުންތަކަށް ހުޅުމާލޭއިން ބިން ގަތުމަށް އެތައް މިލިއަން ރުފިޔާއެއް ހަރަދުކޮށްފައިވެ އެވެ.

މީގެ ތެރޭގައި "ސޭފް ހޯމް" ފެސިލިޓީއެއް ތަރައްގީކުރަން 31.5 މިލިއަން ރުފިޔާއަށް ގަތް ބިމަކާއި އެމްއެންޑީއެފްގެ އޮޕަރޭޝަނަލް އަދި އިމާޖެންސީ ރެސްޕޮންސް ޔުނިޓެއް ބިނާކުރުމަށްޓަކައި 78.5 މިލިއަން ރުފިޔާއަށް ގަތް ބިން ހިމެނެ އެވެ. 

ހުޅުމާލޭގެ ބިންތަކަކީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މިލްކުވެރިކަމުގެ ދަށުގައި ހުންނަ ބިންތަކެކެވެ. އެހެންވެ ސަރުކާރުގެ ބޭނުމަކަށް ވިޔަސް ބިން ޖެހެނީ ގަންނާށެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox