ނުކުޅެދުންތެރިކަން ހުންނަ ފަރާތްތަކަށް އޯގަސްޓު މަހު އަށް މިިއަން ރުފިޔާ ހަރަދުކޮށްފައިވާ ކަމަށް ނޭޝަނަލް ސޯޝަލް ޕްރޮޓެކްޝަން އޭޖެންސީ (ޢެންސްޕާ) އިން ބުނެފި އެވެ.
އެންސްޕާއިން އާންމުކޮށްފައިވާ ތަފާސްހިސާބުުތަކުގައި ވާގޮތުން، އެ އޭޖެންސީން އެންމެ ބޮޑު ހަރަދެއް ކޮށްފައިވަނީ އޮކިއުޕޭޝަނަލް ތެރަޕީއަށެވެ. ދެވަނައަށް އެންމެ ބޮޑު ހަރަދެއް ކޮށްފައި ވަނީ ބިހޭވިއާ ތެރެޕީ ނަގާ ފަރާތްތަކަށެވެ.
އޯގަސްޓުގެ ނިޔަލަށް 15،665 މީހުން އެންސްޕާގައެ ނުކުޅެދުންތެރިކަން ހުންނަ މީހުން ދަފުތަރުގައި ރެޖިސްޓްރީ ކޮށްފައިވާ ކަމަށް އެ އޭޖެންސީން ބުނެފައިވެ އެވެ. އޮގަސްޓު މަހު އެ އޭޖެންސީން ފަރުވާއަށް އެހީ ފޯރުކޮށްދީފައި ވަނީ އޭގެ ތެރެއިން 499 ފަރާތަކަށެވެ.
ގައުމީ އިޖުތިމާއީ ސިއްހީ އިންޝުއަރަންސް ސްކީމު ހިންގައި ބެލެހެއްޓުމަށްޓަކައި 2008 ގައި އުފެއްދި އެންސްޕާއިން ނުކުޅެދުންތެރިކަން ހުން ފަރާތްތަކަށް ދޭ މާލީ އެހީގެ ޕްރޮގްރާމުގެ އިތުރުން ފަސް ޕްރޮގްރާމެއް ކުރިއަށް ގެންދެ އެވެ.
ނަމަވެސް، އޭގެ ތެރެއިން، ބޭސް ފަރުވާއަށް ދޭ އެހީތެރިވުމުގެ ގޮތުން ހިންގަމުން ދިޔަ "މެޑިކަލް ވެލްފެއާ" ގެ ހުރިހާ ހިދުމަތެއް މިދިޔަ މެއި މަހު ވަނީ ހުއްޓާލައި އާސަންދައިގެ ދަށަށް ބަދަލުކޮށްފަ އެވެ.
ނުކުޅެދުންތެރިކަން ހުންނަ މީހުންގެ ދަފުތަރުގެ އިތުރުން، ފަގީރުންގެ ލިސްޓާއި އެކަނިވެރި މައިންގެ ލިސްޓު ވެސް ބަލަހައްޓަނީ އެންސްޕާއިންނެވެ.
