ހަރަދު ކުޑަކުރަން އަންގާފައިވަނިކޮށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ސިޔާސީގޮތުން ގިނަ ބަޔަކަށް ޕްރޮމޯޝަން އިއްޔެ ދީފި އެވެ.
އަދަދު އަށް އެނގިފައިވާ ގޮތުގައި އެޗްޑީސީން ވަނީ ބޮޑު މުސާރަ ލިބޭ ގޮތަށް ޑިރެކްޓަރުންނާއި، ޑެޕިއުޓީ ޑިރެކްޓަރުން އަދި ޖެނެރަލް މެނޭޖަރުން ހިމެނޭހެން ނުވަ މުވައްޒަފަކު ވަނީ ޕްރޮމޯޓްކޮށްފަ އެވެ.
ޕްރޮމޯޝަން ދިން މުވައްޒަފުންގެ ތަފްސީލް:
- ހަސަން ޝަހީދު - ކޯޕަރޭޓް ސޯޝަލް ރެސްޕޮންސިބިލިޓީ (ޑިރެކްޓަރު)
- މުހައްމަދު ސައިފް އަބްދުﷲ - ސޭލްސް (ޑިރެކްޓަރު)
- އަހްމަދު ސޮފްވާން - ރިއަލް އެސްޓޭޓް މެނޭޖްމަންޓް (ޑިރެކްޓަރު)
- މަރިޔަމް އިއުތިޝާމް - ކޯސްޓް ޕްލޭނިން އެންޑް ކޮންޓްރެކްޓިން (ޑިރެކްޓަރު)
- އަބްދުލް ސަލާމް - ކޮންޓްރެކްޓް މެނޭޖްމަންޓް (ޑިރެކްޓަރު)
- އަލީ ވަޖީހު - ޕްރޮޖެކްޓް މެނޭޖްމަންޓް (ޑިރެކްޓަރު)
- އަހްމަދު އަސްބާހް - އިންޓާނަލް އޮޑިޓް (ޑެޕިއުޓީ ޑިރެކްޓަރު)
- ހުސައިން ޝާމިލް - ރިސްކް އެންޑް ކޮމްޕްލަޔަންސް (ޖެނެރަލް މެނޭޖަރު)
- އިބްރާހިމް ޖިލާން - އާބަން ޕްލޭނިން (ޑެޕިއުޓީ ޑިރެކްޓަރު)
ހަނގުރާމަ މެދުކަނޑާލި ފަހުން ކުންފުނިތަކަށް ހަރަދު ކުޑަކުރަން އަންގައިފި
އިގުތިސޯދީ ފިއްތުންތަކާ ގުޅިގެން ސަރުކާރު ކުންފުނިތަކުގެ ހަރަދުތައް ޕީސީބީ އިން އެންގިއިރު، މީގެ ކުރިން ގިނަ އަދަދަކަށް މުވައްޒަފުން ނަގަމުން ދިޔަ.
ޕްރޮމޯޝަން ދިން މުވައްޒަފުންގެ ތެރެއިން ހުސައިން ޝަހީދަކީ ނިމިދިޔަ ޕީއެންސީގެ ކޮންގްރެސްގައި އެ ޕާޓީގެ ޔޫތު މޫވްމަންޓްގެ ނައިބު ރައީސަކަށް އިންތިހާބުވި މެންބަރެކެވެ.
އެޗްޑީސީގައި ޑިރެކްޓަރުންނަށް މުސާރަ އާއި އިނާޔަތުގެ ގޮތުގައި 58،000ރ. ލިބޭއިރު، ޑެޕިއުޓީ ޑިރެކްޓަރުންނަށް މުސާރަ އާއި އިނާޔަތުގެ ގޮތުގައި 48،000ރ. ލިބެ އެވެ.
އެޗްޑީސީގެ ބައެއް މުވައްޒަފުންނަށް ބޮޑު މުސާރަ ލިބޭ ޕްރޮމޯޝަން ދީފައި މިވަނީ އެސްއޯއީތަކުގެ މުވައްޒަފުންގެ މުސާރައާއި އިނާޔަތްތަކަށް ކުރާ ހަރަދު ބޮޑުތަނުން ކުޑަރުމަށް އަޅަންޖެހޭ އެންމެހައި ފިޔަވަޅުތައް އަޅަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އަންގާފައި ވަނިކޮށެވެ.
މިދިޔަ އެޕްރީލް މަހު ޕީސީބީން އެސްއޯއީތަކަށް އެންގީ މުވައްޒަފުންނަށް މަގާމުގެ ކުރިއެރުން ދިނުން މި ވަގުތަށް ހުއްޓާލުމާއި އަދި ކުންފުނިން މިހާރު ފާސްކޮށްފައިވާ އިދާރީ އޮނިގަނޑުގައި ހިމެނޭ މަގަމެއްކަމުގައި ވީނަމަވެސް، ކުންފުނީގެ އޮޕަރޭޝަންތައް ނުހުއްޓި ކުރިއަށް ގެންދިއުމަށް ކޮންމެހެން ނަގަންޖެހޭ މުވައްޒަފުން ފިޔަވައި އިތުރު މުވައްޒަފުން މަގާމުތަކަށް ނުނެގުމަށްވެސް އަންގާފައި ވަނިކޮށެވެ.
