ޕެރޫ ކަޓުވާލައި އޮސްޓްރޭލިއާ އިން ވޯލްޑް ކަޕްގެ ޖާގަ ހޯދައިފި

Jun 13, 2022, 9:41 PM
ޕެނަލްޓީ ޖަހައިގެން މޮޅުވުމުން އޮސްޓްރޭލިއާ ކުޅުންތެރިން އުފާފާޅުކުރަނީ.--- ފޮޓޯ: އޭއެފްޕީ

ޕެނަލްޓީ ޖަހައިގެން މޮޅުވުމުން އޮސްޓްރޭލިއާ ކުޅުންތެރިން އުފާފާޅުކުރަނީ.--- ފޮޓޯ: އޭއެފްޕީ

ދޯހާ، ގަތަރު (ޖޫން 13) - އިންޓަ ކޮންޓިނެންޝިއަލް ޕްލޭއޮފްްގައި މިރޭ ޕެނަލްޓީ ޖަހައިގެން 5-4 އިން ޕެރޫ ބަލިކޮށް އޮސްޓްރޭލިއާ އިން މި އަހަރު ފަހުކޮޅު ގަތަރުގައި ބާއްވާ ފީފާ ވޯލްޑް ކަޕުން ފުރުސަތު ހޯދައިފި އެވެ.

ގަތަރުގައި އަންނަ ނޮވެމްބަރާއި ޑިސެމްބަރުގައި ބާއްވާ ވޯލްޑް ކަޕްގައި އޮސްޓްރޭލިއާ ހިމެނޭނީ ފްރާންސާއި ޑެންމާކާއި ޓިއުނީޝިއާއާ އެކު ގްރޫޕް ބީގަ އެވެ. ވޯލްޑް ކަޕްގެ ފަހު ޖާގައަށް ވާދަކުރަނީ ނިއު ޒީލެންޑާއި ކޮސްޓަ ރީކާ އެވެ.

ދޯހާގެ އަހްމަދު ބިން އަލީ ސްޓޭޑިއަމްގައި މިރޭ ކުޅުނު މެޗުގެ 120 މިނިޓްގެ ކުޅުން ނިމުނުއިރު، ދެ ޓީމު އޮތީ 0-0 އިން އެއްވަރުވެފަ އެވެ. ނަތީޖާ ނެރެން ޕެނަލްޓީ ޖެހިއިރު، ދެ ޓީމުން ވެސް އޮތީ ވަރަށް ބޮޑު ޕްރެޝަރެއްގަ އެވެ.

އޮސްޓްރޭލިއާ އިން ފުރަތަމަ ޕެނަލްޓީ ފޮނުވާލި މާޓިން ބޮއިލް އަށް ކާމިޔާބެއްނުވި އެވެ. އެކަމަކު، ދެން އެ ޓީމުން ފޮނުވާލި ޕެނަލްޓީތައް ކާމިޔާބުކުރި އެެވެ. ޕެނަލްޓީތައް ފޮނުވާލީ އާރޮން މޫއީ، ކްރެއިގް ގުޑްވިން، އަޖްޑިން ރުސްޓިޗް، ޖޭމީ މެކްލަރެން އަދި އައްވާރު މާބިލް އެވެ.

ޕެރޫ އިން ފުރަތަމަ ފޮނުވާލި ދެ ޕެނަލްޓީ، ޖިއަންލޫކާ ލަޕަޑުއްލާ އާއި އަލެކްސަންޑާ ކަލެންސް ކާމިޔާބުކުރި ނަމަވެސް ތިން ވަނަ ޕެނަލްޓީ ލުއިސް އަޑްވިންކޫލާ ފޮނުވާލިއިރު، އަމާޒުވީ ގޯލުގެ ދަނޑިއަށެވެ. ދެން އެ ޓީމުން ފޮނުވާލި، ދެ ޕެނަލްޓީ ރެނާޓޯ ޓާޕިއާ އާއި އެޑިސަން ފްލޮރެސް ކާމިޔާބުކޮށްފައިވަނިކޮށް ހަ ވަނަ ޕެނަލްޓީ ފޮނުވާލި އަލެކްސް ވަލޭރާ އަތުން ނާކާމިޔާބުވުމުން އޮސްޓްރޭލިއާ މޮޅުވި އެވެ.

މިއީ ދުނިޔޭގެ ރޭންކިންގެ 42 ވަނައިގައި އޮތް އޮސްޓްރޭލިއާ އިން ވޯލްޑް ކަޕްގައި ކުޅޭ ހަ ވަނަ ފަހަރެވެ. އަދި ޖެހިޖެހިގެން ވޯލްޑް ކަޕްގައި ކުޅޭ ފަަސް ވަނަ ފަހަރެވެ.

އެންމެ ފަހުން 2018 ވަނަ އަހަރު ރަޝިއާގައި ހޯސްޓްކުރި ވޯލްޑް ކަޕްގައި ޕެރޫ އިން ވަނީ ގްރޫޕް ސްޓޭޖުގައި 2-0 އިން އޮސްޓްރޭލިއާ ބަލިކޮށްފަ އެވެ. އެކަމަކު، މި ފަހަރު ޕްލޭއޮފްގައި އޮސްޓްރޭލިއާ އަތުން ބަލިވެ، ވޯލްޑް ކަޕްގެ ފުރުސަތު ގެއްލުނީ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox