34 އަހަރަށް ފަހު ނެދަލެންޑްސް ބަލިކޮށް އޮސްޓްރިއާ އިން ގްރޫޕް ކާމިޔާބުކޮށްފި

Jun 25, 2024, 5:56 PM
34 އަހަރަށް ފަހު ނެދަލެންޑްސް ބަލިކޮށް އޮސްޓްރިއާ އިން ގްރޫޕް ކާމިޔާބުކޮށްފި

ބާލިން (ޖެނުއަރީ 25) - ޔޫރޯ ފުޓްބޯޅަ މުބާރާތުގައި މިރޭ ނެދަލެންޑްސް އަތުން 3-2 އިން މޮޅުވެ، ގްރޫޕްގެ އެއް ވަނަ ޓީމުގެ ގޮތުގައި، އޮސްޓްރިއާ އިން މުބާާރާތުގެ ގަދަ 16 އިން ފުރުސަތު ހޯދައިފި އެވެ.

މިއީ 34 އަހަރު ތެރޭ ނެދަލެންޑްސް އަތުން އޮސްޓްރިއާ ހޯދި ފުރަތަމަ މޮޅެވެ. އޮސްޓްރިއާ އިން އެންމެ ފަހުން ނެދަލެންޑްސް ބަލިކުރީ 1990 ވަނަ އަހަރު ކުޅުނު އެެކުވެރިކަމުގެ މެޗެއްގަ އެވެ. އޭގެ ފަހުން، ނެދަލެންޑްސް އަތުން މޮޅުމިވީ ހަތް މެޗަށް ފަހު އެވެ .

މި މެޗަށް ނުކުތުމުގެ ކުރިން ވެސް، މި ގްރޫޕްގެ ނެދަލެންޑްސާއި ފްރާންސަށް އަށް އޮތީ ނޮކައުޓް ބުރުގެ ޖާގައެއް ޔަގީންވެފަ އެވެ. ފްރާންސް ޖާގަ ހޯދީ، ގްރޫޕްގެ ދެ ވަނައިގެ ގޮތުގަ އެވެ. ނެދަލެންޑްސް އަށް ޖާގަ ލިބުނީ، އެންމެ ރަނގަޅު ނަތީޖާ ނެރޭ ތިން ވަނަ އަށް ދިޔަ ޓީމުތަކުގެ ގަދަ ހަތަރެއްގެ ތެރެއިންނެވެ.

Advertisement

އޮސްޓްރިއާ އިން މި ގްރޫޕްގެ އެއް ވަނަ ހޯދީ ހަ ޕޮއިންޓާ އެކު އެވެ. ދެ ވަނަ އަށް ދިޔައީ، މިރޭ ޕޮލެންޑާ 1-1 އިން އެއްވަރުވި ފްރާންސް އެވެ. ފްރާންސަށް ވަނީ ފަސް ޕޮއިންޓް ލިބިފަ އެވެ. ތިން ވަނައިގައި ނިންމި ނެދަލެންޑްސް އަށް ހަތަރު ޕޮއިންޓް ލިބުނުއިރު، މުބާރާތުން ކެޓި ޕޮލެންޑަށް ވަނީ ޕޮއިންޓެއް ލިބިފަ އެވެ.

ބާލިން ސްޓޭޑިއަމްގައި މިރޭ ކުޅުނު މެޗު ފަށައިގެން، ހަ ވަނަ މިނިޓްގައި އޮސްޓްރިއާ އިން ވަނީ ލީޑުނަގައިފަ އެވެ. މިއީ، އޮސްޓްރިއާގެ ފުލްބެކް، އަލެކްސަންޑް ޕްރަސް ނަގައިދިން ހުރަހެއް ދިފާއުކުރަން އުޅުމުގެ ތެރޭގައި ނެދަލެންޑްސްގެ ޑޮންޔެލް މާލެން ފައިގައި ޖެހިފައި ބައިކޮޅަށް ވަން ގޯލެކެވެ.

ނެދަލެންޑްސްގެ މާލެން: މެޗުގައި ރަނގަޅު ފުރުސަތުތަކެއް ލިބުނު ކުޅުންތެރިއެއް.

ނަތީޖާ ހަމަހަމަކުރެވޭތޯ ނެދަލެންޑްސް އިން ފުރަތަމަ ހާފުގައި އެޓޭކްތަކެއް ކުރިއިރު، ޓިޖާނީ ރައިންޑާސް ޖެހި ބޯޅައެއް ގޯލާ ސީދާނުވެދިިޔައިރު، މުޅިން ހުސްކޮށް އަރައި މާލެން ޖެހި ޝޮޓް ދިޔައީ ދަނޑިކައިރިން ބޭރުންނެވެ.

ފުރަތަމަ ހާފުގައި އޮސްޓްރިއާ އަށް ދެ ވަނަ ލަނޑެއް ޖަހަން ވެސް ފުރުސަތުތަކެއް ލިބުނެވެ. އެ ގޮތުން، އޮސްޓްރިއާގެ މާސެލް ސަބިޓްޒާ އޭރިއާބޭރުން ޖެހި ޝޮޓާއި، އޭރިއާތެރެއިން އޮސްޓްރިއާގެ މާކޯ އާނައުޓޮވިޗް ޖެހި ބޯޅަ ނެދަލެންޑްސްގެ ކީޕަރު، ބާޓް ވާބްރޫގެން ވަނީ މަތަކޮށްފަ އެވެ.

ނެދަލެންޑްސްގެ މެމްފިސް ޑިޕާއި އާއި ކޯޑީ ގްކްޕޯ ގުޅިގެން ފުރަތަމަ ހާފުގައި ކުރި އެޓޭކްތަކުގައި ވެސް ނަތީޖާއެއް ނުފެނުނެވެ. އެކަމަކު، ދެ ވަނަ ހާފުގެ ކުޅުން ފެށިގެން ދެ ވަަނަ މިނިޓްގައި ލަނޑު ޖަހައި، ގަކްޕޯ ވަނީ ނެދަލެންޑްސް އަށް އެއްވަރުކޮށްދީފަ އެެވެ. މިއީ، މި ފަހަރުގެ ޔޫރޯގައި އޭނާ ޖެހި ދެ ވަނަ ގޯލެވެ.

އެކަމަކު، ދެ ވަނަ ހާފުގައި އޮސްޓްރިއާ އިން ކުރި ފުރަތަމަ އެޓޭކުގައި، އެ ޓީމުން ލަނޑު ޖަހައި އަލުން ލީޑުނެގި އެެވެ. މިއީ އެރިއާތެރެއަށް ހުރަސްވި ބޯޅައަކުން ރޮމާނޯ ޝްމިޑް ޖެހި ލަނޑެކެވެ. ޝްމިޑް ބޮލުން ޖެހި ބޯޅަ ގޯލަށް ވަނީ ނެދަލެންޑްސްގެ ޑިފެންޑަރު ސްޓެފަން ޑި ވްރައި ފައިގައި ޖެހިފަ އެވެ.

ނެދަލެންޑްސްގެ ގަކްޕޯ ލަނޑު ޖެހުމަށް ފަހު އުފާފާޅުކުރަނީ.

ނެދަލެންޑްސް އިން އަނެއްކާ ވެސް ކުރިއަށް ޖެހިގެން ކުޅެން ފަށައި، 75 ވަނަ މިިނިޓްގައި ޑިޕާއި ޖެހި ގޯލުން އެއްވަރުކުރި އެވެ. މިއީ، ބަދަލަކަށް ކުޅެން އެރި ނެދަލެންޑްސްގެ ވައުޓް ވެގްހޯސްޓް ބޮލުން ޖައްސާލި ބޯޅަ ކޮންޓްރޯލް ކޮށްލުމަށް ފަހު ގޯލަށް ބޯޅަ ފޮނުވާލައިގެން ޑިޕާއި ޖެހި ގޯލެކެވެ. މި ލަނޑު ފުރަތަމަ ނިންމީ ހޭންޑްބޯލް ކަމަށެވެ. އެކަމަކު، ވީޑިއޯ އެސިސްޓަންޓް ރެފްރީ (ވީއޭއާރް) އިން އަންގައިގެން، ދަނޑުގައި ހުރި މޮނީޓަރުން ބަލައިފައި ރެފްރީ ނިންމީ ހޭންޑްބޯލް އެއް ނޫން ކަމަށެެވެ.

އޮސްޓްރިއާ އިން ފަހަތަށް ނުޖެހި، ކުޅެން ފަށައި، އަނެއްކާ ވެސް ލަނޑު ޖަހައި، މެޗުގައި ތިން ވަނަ ފަހަރަށް ލީޑުނެގި އެވެ. މި ލަނޑު އެ ޓީމަށް ޖަހައިދިނީ، 80 ވަނަ މިނިޓްގައި ޓީމުގެ ކެޕްޓަން، މާސެލް ސަބީޓްޒާ އެވެ. މިއީ ކްރިސްޓޮފް ބޯމްގާޓްނާ ދިން ބޯޅައަކަށް އަރައި، ހަނި އޭންގަލުން ގޯލުގެ ތެރެއަށް ބޯޅަ ފޮނުވާލައިގެން ސަބިޓްޒާ ޖެހި ގޯލެކެވެ. އޭގެ އިރުކޮޅެއް ފަހުން، ބޯމްގާޓްނާ ޖެހި ގޯލެއް ވަނީ އޮފްސައިޑް ކަމަށް ނިންމައިފަ އެވެ.

ފަހު ވަގުތު ކުރިއަށް ޖެހިގެން ކުޅެ ލަނޑެއް ޖެހޭތޯ ނެދަލެންޑްސް އިން ވަރަށް މަސައްކަތްކުރި އެވެ. އެކަމަކު، އޮސްޓްރިއާއިން ވަނީ ރަނގަޅަށް ޑިފެންސްކޮށް، މެޗުން މޮޅުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox