މާރިޔާއަށް ތަފްސީލް ހިއްސާކުރިން، ފުލުހަށް ރިޕޯޓްކުރާކަށް ނާންގާ: އިލްޔާސް

އިލްޔާސް ލަބީބް: މާރިޔާއަށް ލިބުނު މައުލޫމާތުގެ ތަފްސީލް ހިއްސާ ކުރެއްވި ކަމަށް ވިދާޅުވި - ފޮޓޯ: މަޖިލިސް

އިލްޔާސް ލަބީބް: މާރިޔާއަށް ލިބުނު މައުލޫމާތުގެ ތަފްސީލް ހިއްސާ ކުރެއްވި ކަމަށް ވިދާޅުވި - ފޮޓޯ: މަޖިލިސް

ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު އަވަހާރަކޮށްލަން ބަޔަކު ރާވަމުންދާ ކަމަށް އާންމުންގެ މީހެއްގެ ފަރާތުން ލިބުނު މައުލޫމާތު ޑިފެންސް މިނިސްޓަރު މާރިޔާ އަހުމަދު ދީދީއާ ހިއްސާކުރުމުން، އެކަން ފުލުހަށް އެންގުމަށް އަންގަވާފައިނުވާ ކަމަށް ހުޅުދޫ ދާއިރާގެ މެންބަރު އިލްޔާސް ލަބީބު ވިދާޅުވެއްޖެ އެވެ.

ރައީސް ނަޝީދުގެ ގެކޮޅު ކައިރީ އައިއީޑީއެއް ގޮއްވާލައި، އެމަނިކުފާނު ޒަހަމްކޮށްލާފައިވާއިރު އެ ހަމަލާއާ ގުޅޭ އެއްވެސް މައުލޫމާތެއް ފުލުހުންނާއި ސިފައިންނަށް ލިބިފައިނުވާ ކަމަށް އެ ދެ މުއައްސަސާއިން ވެސް ވަނީ ބުނެފަ އެވެ. ނަމަވެސް، އާންމު މީހަކަށް އެ މައުލޫމާތު ލިބިގެން މަޖިލީހުގެ 241 ކޮމިޓީގައި ވެސް ހިމެނޭ އިލްޔާސް ލަބީބަށް އެ މައުލޫމާތު ދިނުމުން މިނިސްޓަރު މާރިޔާއަށް ގުޅުއްވިކަން މިހާރު ވަނީ ހާމަވެފަ އެވެ.

"ރާއްޖެއެމްވީ"އަށް މިނިސްޓަރު މާރިޔާ ވިދާޅުވި ގޮތުގައި މެންބަރު އެކަމުގެ މައުލޫމާތު އެރުމުން، ފުލުހަށް ވެސް އެކަން އެންގުމަށް އެދިވަޑައިގެންފައިވާނެ އެވެ. ތަކުރާރުކޮށް ފުލުހަށް ރިޕޯޓް ކުރުމަށް މެންބަރު ގާތުގައި އެދުމުން ވެސް މާރިޔާ އެކަން ކުރުމަށް މެންބަރު އެދުނު ކަމަށް މާރިޔާ ވިދާޅުވެފައިވެ އެވެ.

Advertisement

ނަމަވެސް، މިނިސްޓަރު މާރިޔާގެ އެ ވާހަކަ އިލްޔާސް ލަބީބު ވަނީ ދޮގު ކުރައްވާފަ އެވެ.

އޭނާ ނެރުއްވި ބަޔާނެއްގައި ވިދާޅުވީ ރައީސް ނަޝީދު އަވަހާރަކޮށްލުމަށް ބަޔަކު ރާވަމުންދާ ކަމުގެ މައުލޫމާތު އާންމުންގެ މީހެއްގެ ފަރާތުން ލިބުމާއެކު އެކަން އެމަނިކުފާނަށް ހިއްސާ ކުރެއްވި ކަމަށެވެ. އަދި، އެމަނިކުފާނުގެ އިރުޝާދާއެކު ޑިފެންސް މިނިސްޓަރަށް އެ މައުލޫމާތުގެ ތަފްސީލް އެރުވި ކަމަށެވެ.

"ރައީސް ނަޝީދުގެ ސަލާމަތާއި ރައްކާތެރިކަން ބެލެހެއްޓުމުގެ ގާނޫނީ ޒިންމާ އަދާކުރަން ޖެހޭ ފަރާތަކީ ޑިފެންސް މިނިސްޓަރު ކަމަށްވާތީ އަޅުގަނޑު އެ މައުލޫމާތު އެ މުއައްސަސާއާ ހިއްސާކުރުމުން އެ މައުލޫމާތަށް ފުލުހަށް ނުވަތަ ކޮމިޝަނާ އޮފް ޕޮލިސްއަށް ހިއްސާކުރުމަށް އަޅުގަނޑަށް އެ ފަރާތުން އެއްވެސް ހާލެއްގައި އަންގާފައެއް ނުވޭ،" އިލްޔާސް ވިދާޅުވި އެވެ.

އޭނާ ވިދާޅުވި ގޮތުގައި، ރައީސް ނަޝީދަށް އަމާޒުކޮށް ދިން ހަމަލާގެ ތަހުގީގަށް އޭނާގެ ފަރާތުން ދޭން ޖެހޭ ހުރިހާ އެއްބާރުލުމެއް ދަނީ ދެމުންނެވެ. އިލްޔާސް ވިދާޅުވި ގޮތުގައި، ތަހުގީގު ކުރިއަށް ދަނިކޮށް ދައުލަތުގެ އިދާރާއަކަށް ލިބިފައިވާ މައުލޫމާތު، ޒިންމާދާރު މަގާމުތަކުގައި ތިބޭ މީހުން އާންމުކޮށް، އެ މައުލޫމާތު މީޑިއާގައި ބަހުސް ކުރުމަށް ހުޅުވާލުމަކީ ޒިންމާދާރުކަމެއް ނޫނެވެ.

އިލްޔާސް، އެ މައުލޫމާތު ހިއްސާކުރުމުން މިނިސްޓަރު މާރިޔާ އަމަލު ކުރެއްވި ގޮތެއް އޭނާ ވިދާޅުވެފައެއް ނުވެ އެވެ. މިކަމާ ގުޅިގެން މައުލޫމާތު ސާފުކުރުމަށް "އަދަދު"އިން ތަކުރާރުކޮށް މާރިޔާއަށް ގުޅުމުން ވެސް ފޯނަށް ޖަވާބު ދެއްވާފައެއް ނުވެ އެވެ.

މިނިސްޓަރު މާރިޔާ: މައުލޫމާތަށް ފިޔަވަޅު ނޭޅުމުން ވަނީ ފާޑުކިޔުން އަމާޒުވެފައި - ފޮޓޯ: ހުސެއިން ވަހީދު \ އަދަދު
މިނިސްޓަރު މާރިޔާ: މައުލޫމާތަށް ފިޔަވަޅު ނޭޅުމުން ވަނީ ފާޑުކިޔުން އަމާޒުވެފައި - ފޮޓޯ: ހުސެއިން ވަހީދު \ އަދަދު

މިނިސްޓަރު މާރިޔާ: މައުލޫމާތަށް ފިޔަވަޅު ނޭޅުމުން ވަނީ ފާޑުކިޔުން އަމާޒުވެފައި - ފޮޓޯ: ހުސެއިން ވަހީދު \ އަދަދު

އާންމު މީހެއްގެ ފަރާތުން އިލްޔާސް ލަބީބަށް މައުލޫމާތު ލިބުނީ ރައީސް ނަޝީދު އަވަހާރަކޮށްލުމަށް ތިން މިލިއަން ރުފިޔާއިން ހަރަކޮށްގެން ބަޔަކާ ހަވާލުކޮށްފައިވާ ކަމެވެ. އެ މައުލޫމާތު ލިބިފައިވުމުން ރައީސް ނަޝީދު ވެސް ވަނީ އާއިލާގެ ބައެއް މެންބަރުންނާ އެކަން ހިއްސާ ކުރައްވާފަ އެވެ. އެގޮތުން، ރައީސް ނަޝީދުގެ ބޭބޭފުޅު ޑރ. ނަޝީދު ވިދާޅުވެފައިވާ ގޮތުގައި، މި ފަހުން ތްރެޓް ބޮޑުވަމުންދާ ވާހަކަ އާއިލާއާ ކޮންމެވެސް ވަރަކަށް އޮތީ ދައްކަވައިފަ އެވެ. ނަމަވެސް، އޭގެ ތަފްސީލެއް އާއިލާއަކަށް ނުދެ އެވެ.

ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެފައިވާ ގޮތުންނަމަ، ނަޝީދަށް އަމާޒުވި ހަަމަލާއާ ގުޅޭ މައުލޫމާތެއް ފުލުހުންނާ ހިސާބަށް ގޮސްފައެއް ނުވެ އެވެ. ހަމީދު ވިދާޅުވެފައިވާ ގޮތުގައި، ނަޝީދަށް އަބަދުވެސް ނުރައްކާ އޮންނަ ކަމަށާއި ނަމަވެސް ސީދާ ހަމަލާއާ ގުޅޭ މައުލޫމާތެއް ނުލިބޭ ކަމަށެވެ.

އާންމުންގެ މީހެއްގެ ފަރާތުން ލިބުނު މައުލޫމާތެއް މިނިސްޓަރު މާރިޔާއާ ހަމައަށް މެންބަރަކު ފޯރުކޮށްދިނުމުން އެކަމުގައި އެމްއެންޑީއެފްއިން އަމަލުކުރި ސީދާ ގޮތެއް ސާފުނުވާއިރު، ޓެރަރިޒަމް ހުއްޓުވުމާއި މަނާކުރުމުގެ ގާނޫނުގައިވާ ގޮތުން ޓެރަރިޒަމްގެ އަމަލެއް ހިންގަން އުޅޭ ކަމުގެ އެއްވެސް މައުލޫމާތެއް އެއްވެސް ފަރާތަކަށް ލިބި އެކަން ފުލުހުންނަށް ނޭންގުމަކީ ކުށެކެވެ.

މިނިސްޓަރު މާރިޔާ ވިދާޅުވެފައިވާ ގޮތުގައި، މެންބަރު ދެއްކެވީ ސީދާ ނަޝީދަށް އަމާޒުވި ހަމަލާގެ ވާހަކަ ކަމަށް ގަބޫލު ނުކުރައްވާ ކަމަށެވެ. ނަޝީދަށް ދިން ހަމަލާއާ ގުޅޭ އެއްވެސް "ކްރިޑިބަލް، އެކްޝަނަބަލް އިންޓެލިޖެންސް" މައުލޫމާތެއް ލިބިފައިނުވާ ކަމަށް އޭނާ ވިދާޅުވި އެވެ.

މާރިޔާ ވިދާޅުވި ގޮތުގައި، މެންބަރުގެ ފަރާތުން އެ މައުލޫމާތު ލިބުނުއިރު ވެސް ރައީސް ނަޝީދު ސެކިއުރިޓީ އޮތީ އެންމެ މަތީ ދަރަޖާގަ އެވެ. އެންމެ މަތީ ދަރަޖައަށް ސެކިއުރިޓީ ބަދަލުކުރީ ވެސް މީގެ ދެ މަސް ދުވަސް ކުރިން އޭނާ ފާހަގަ ކުރެއްވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox