ޕޮލިސް ބޯޑާއި މިނިސްޓްރީގެ ކޯޅުން ބޮޑު؛ އިމްރާން ވިދާޅުވީ "ބޭކާރު" ބޯޑެއް ކަމަށް

ހޯމް މިނިސްޓަރު އިމްރާން އަބްދުﷲ މީގެ ކުރިން "އަދަދު" އަށް ދެއްވި އިންޓަވިއުއެއްގެ ތެރެއިން. -އަދަދު ފައިލް ފޮޓޯ

ހޯމް މިނިސްޓަރު އިމްރާން އަބްދުﷲ މީގެ ކުރިން "އަދަދު" އަށް ދެއްވި އިންޓަވިއުއެއްގެ ތެރެއިން. -އަދަދު ފައިލް ފޮޓޯ

ފުލުހުންގެ ބޯޑު މިހާރު ހިނގަމުން އަންނަ ގޮތުން އެ ބޯޑުގެ ބޭނުން އެންމެ ބޭނުންތެރި ގޮތުގައި ނުހިފޭ ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ގައުމީ ސަލާމަތާ ބެހޭ ކޮމިޓީގައި ވާހަކަ ދައްކަވަމުން އިމްރާން ވިދާޅުވި ގޮތުގައި ބޯޑުން ބޭނުންވާ ގިނަ ކަންކަމަށް މިނިސްޓްރީއަށް އެއްބަސްނުވެވެ އެވެ. އެގޮތުން ބޯޑުން ބޭނުން ވަނީ މިނިސްޓްރީގެ ދަށުން ވަކިވެ މިނިވަން ގުނަނެއްގެ ގޮތުގައި ހިންގައި އަމިއްލަ ވެބްސައިޓަކާއި ސިއްކައެއް ބޭނުން ކުރުމަށް ކަމަށް އިމްރާން ވިދާޅުވި އެވެ.

"އެ ބޭފުޅުން އެ ބޯޑަކީ މިނިވަން ބޯޑަކަށް ހެއްދެވުމަށް މަސައްކަތް ކުރެއްވި އަހަރަކާ ގާތަށް، އަސްލު އެކަމާ ހުރެ ބޯޑުގެ ބޭނުން އެންމެ ރަނގަޅަށް ނުހިފި ބޯޑަކީ އިފެކްޓިވް ބޯޑަކަށް ނުވެގެން ދިޔަ ކަމަށް އަޅުގަނޑަށް ބޮޑަށް ގަބޫލުކުރެވެނީ،" އިމްރާން ވިދާޅުވި އެވެ.

އިމްރާން ވިދާޅުވި ގޮތުގައި ޕޮލިސް ބޯޑުން ހިންގަން ބޭނުން ވަނީ ވެސް ދުނިޔޭގެ އެހެން ތަންތަނުގައި އަމަލު ނުކުރާ، އެ ބޭފުޅުންގެ އަމިއްލަ މޮޑެލްއެކެވެ. އަދި މިއީ "ފަންކްޝަން ނުކުރާ" މޮޑެލެއް ކަމަށް ދެކިވަޑައިގަންނަވާ ކަމަށް ވިދާޅުވި އެވެ.

އިމްރާން ވިދާޅުވި ގޮތުގައި ބޯޑުން މިހާރު ހިނގަމުން އަންނަ ގޮތުން ބޯޑުގެ "ބޭނުން ރަނގަޅަށް ނުހިފެ" އެވެ. އަދި ބޯޑުން މިނިސްޓްރީއަށް ދޭން ޖެހޭ އެއްބާރުލުން ނުލިބޭއިރު، ހަރަދު ބޮޑުވެފައި ޝަކުވާ ބޮޑުކަން ފާހަގަކުރެއްވި އެވެ. އެގޮތުން ބޯޑުން މީޓިން ރޫމް ސައުންޑު ޕްރޫފު ކުރުން ފަދަ ހަރަދު ކުރަން އެދުނު ކަމަށް ވެސް ވިދާޅުވި އެވެ.

"ފުލުހުންގެ މަސައްކަތް އިތުރަށް ރަނގަޅު ކުރުމަށް ޓަކައި މިފަދަ ބޮޑީއެއް އޮތުމަކީ ހަމަ ރަނގަޅު މޮޑެލެއް، އޭގެ ފައިދާ އިތުރަށް ކޮށްގެން އޭގެ ސަބަބުން ފުލުހުންގެ މަސައްކަތް އިތުރަށް ހަރުދަނާ ކުރެވޭނެ ބޮޑީއެއް،" 50 ވަރަކަށް މިނެޓް ލައިވްކުރި ކޮމެޓީ ބައްދަލުވުމުގައި އިމްރާން ވިދާޅުވި އެވެ.

"[އެކަމަކު]އަޅުގަނޑަށް މިހާރު ދަންނަވަން ފަސޭހައީ މިވަގުތަށް [ޕޮލިސް ބޯޑު] އެއްވެސް ގޮތަކަށް އިފެކްޓިވް އެއް ނޫން،"

މިނިސްޓަރު ވިދާޅުވި ގޮތުގައި މިނިސްޓްރީން ދޭން ޖެހޭ ހުރިހާ ލުޔެއް ދީގެން މަސައްކަތް ކުރި ނަމަވެސް އޭގެ ނަތީޖާއެއް ނުފެނެ އެވެ.

"އަޅުގަނޑުގެ ސެކެޓެރިއޭޓަށް ވުރެ 10 ގުނަ ހަރަދާއި ވަސީލަތްތައް ދީގެން މިހުރީ، އެކަމަކު އަދިވެސް އެ ބޭފުޅުންނަށް ކަމެއް ކޮށްދެވޭ ކަމަކަށް ނުވޭ،"

އިމްރާން ގަބޫލުކުރައްވާ ގޮތުގައި މި ކަން ހައްލު ކުރެވޭނީ އެ ބޯޑަކީ މިނިސްޓަރު ޗެއާ ކުރައްވާ ބޯޑަކަށް ވެގެންނެވެ. އެހެންނޫންނަމަ ބޯޑުން ދޭ އެއްވެސް ލަފަޔަކީ މިނިސްޓްރީން ގެންގުޅޭ ހަމަތަކާ އެއްގޮތް ކަމަކަށް ނުވާނެ ކަމަށާއި ނަތީޖާއަކަށް ވެގެންދާނީ ލަފާތަކަށް އަމަލު ނުކުރެވުން ކަމަށެވެ.

"އަޅުގަނޑު ގަބޫލުކުރާ ގޮތުގައި މާ ފައިދާ ބޮޑުވާނެ މިނިސްޓަރު ޗެއާކޮށްގެން ކުރިއަށް ގެންދަން،" އިމްރާން ވިދާޅުވި އެވެ.

ފުލުހުންގެ އާ ގާނޫނުގެ ދަށުން މިހާތަނަށް ހަދާފައިވާ 19 ގަވައިދު ހެދުމުގައި ވެސް ބޯޑުގެ ލަފާ ހޯދި ނަމަވެސް، ގިނަ ލަފާތަކަކީ އެޓާނީ ޖެނެރަލްގެ އޮފީހުންނާއި މިނިސްޓްރީން އެއްބަސްވެވޭ ކަމަކަށް ނުވާތީ ގިނަ ލަފާތައް ނުހިމަނާ ކަން މިނިސްޓަރު ފާހަގަކުރެއްވި އެވެ.

މިނިސްޓަރުގެ ވާހަކަފުޅާ ގުޅިގެން ކޮމިޓީ މެންބަރުން ވަނީ މިނިސްޓްރީއާއި ބޯޑުގެ ގުޅުން ކުޑަ ކަމުގެ ކަންބޮޑުވުން ފާޅުކޮށްފަ އެވެ. ތުޅާދޫ ދާއިރާގެ މެންބަރު ހިސާން ހުސައިން ވިދާޅުވީ ފާހަގަވެގެން ދިޔައީ މިނިސްޓްރީން ބޯޑާއެކު މަސައްކަތް ކުރަން ދެކޮޅު ހަދާ ތަން ކަމަށާއި މިއީ ގާނޫނުގައި އޮތް މައްސަލައެއް ކަމަށް ދެކިވަޑައިނުގަންނަވާ ކަމަށެވެ.

"މިނިސްޓާ ބޯޑަށް ނުލާ މިގޮތަށް މި ކޮމްޕޮސިޒަން ބާއްވަން އެއީ ވަރަށް ދިގު ބަހުސަކަށް ފަހު ނިންމު ނިންމުމެއް، އެއީ މިނިސްޓަރަކީ ފުލުހުންގެ އިސް ވެރިއަކަށް ހުންނަވާ އެއް ބޭފުޅަކަށް ވެފައި، ޕޮލިސް ތެރެއިން ގެންނަން ޖެހޭ އުނދަގޫ، ދަތި ބަދަލުތައް ގެންނަން މި ބޯޑުގައި މިނިސްޓަރު އިންނަވައިގެން ލަފާ ދެއްވައިގެން ދަތިވާނެތީ،" ހިސާން ވިދާޅުވި އެވެ.

އެހެންނަމަވެސް މިނިސްޓަރު ވިދާޅުވި ގޮތުގައި މިހާރު މި މަސައްކަތް ދާ ގޮތް ބަދަލު ކުރަން ޖެހެ އެވެ.

މިއަދުގެ ކޮމިޓީއަކީ ސިއްރު ކޮމިޓީއެއް ގޮތަށް ގެންދަން ފާސްކުރިނަމަވެސް، މަޖިލީހުގެ އިދާރާއިން ވަނީ ކޮމިޓީ ލައިވް ކޮށްފަ އެވެ.

ފުލުހުންގެ ބޯޑަކީ ހަތް މެންބަރުންގެ މައްޗަށް އެކުލެވޭ ގޮތަށް އުފައްދާފައިވާ ބޯޑެކެވެ. އޭގެ ތެރޭގައި ހިމެނެނީ ރައީސް އިބްރާހިމް މުހައްމަދު ސޯލިހް އައްޔަން ކުރާ ދެ މެންބަރުންނާއި އާންމުންގެ ފަރާތުން ދެ މެންބަރުންނާއި ފަންނީ ތިން މެންބަރުންނެވެ.

މި ބޯޑަކީ، ވަރަށް ބޮޑެތި ބާރުތަކެއް ލިބިގެންދާނެ ބޯޑެވެ. އެގޮތުން ތަހުގީގީ އުސޫލުތައް ކަނޑައެޅުމާއި ފުލުހުންގެ ތަމްރީނުތަކުގެ އޮނިގަނޑު އެކަށައެޅުން ފަދަ މުހިންމު ބާރުތަކެއް ބޯޑަށް ލިބެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox