ވެމްކޯގެ ވަޒީފާތަކުގެ ކަންބޮޑުވުމަށް މޭޔަރުގެ ޖަވާބު؛ "މެންޑޭޓަކަށް ނުވަންނަން، ޒިންމާވަކަށް ނުޖެހޭ"

މާލެ ސިޓީގެ މޭޔަރު މުއިއްޒު "އަދަދު"އަށް އިންޓަވިއު ދެއްވަނީ: ވިދާޅުވީ ވެމްކޯގެ މުވައްޒަފުން ކަނޑާލަންޖެހޭ ސަބަބެއް ނެތް ކަމަށް - ފޮޓޯ: މުހައްމަދު ޝާބިން/އަދަދު

މާލެ ސިޓީގެ މޭޔަރު މުއިއްޒު "އަދަދު"އަށް އިންޓަވިއު ދެއްވަނީ: ވިދާޅުވީ ވެމްކޯގެ މުވައްޒަފުން ކަނޑާލަންޖެހޭ ސަބަބެއް ނެތް ކަމަށް - ފޮޓޯ: މުހައްމަދު ޝާބިން/އަދަދު

މާލެ ސަރަހައްދުގެ މަގުތަކާއި ޕާކުތަކާއި މައިޒާންތަކާއި އާންމު ސަރަހައްދުން ކުނި ނެގުމުގެ ކަންކަން ވެމްކޯއިން ކުރަމުން ދިޔައީ ސިޓީ ކައުންސިލާއެކު ވެފައިވާ އެއްބަސްވުމެއްގެ ތެރެއިންނެވެ. އެ އެއްބަސްވުން މި އަހަރުގެ ޑިސެމްބަރަށް ހަމަވާނެ އެވެ.

އެ އެއްބަސްވުން އިތުރަށް އާނުކުރަން ސިޓީ ކައުންސިލުން ނިންމުމުން އެންމެ ބޮޑު ކަންބޮޑުވުމަކަށް އައީ މާލޭގެ އާންމު މަގުތަކާއި ޕާކްތައް ސާފުކޮށް ކުނި ނަގަން ވެމްކޯއިން ވަޒީފާ ދީފައިވާ މީހުންގެ ވަޒީފާއަށް ވާނެ ގޮތަކާ މެދުގަ އެވެ.

އެއަށް ވެމްކޯގެ ޖަވާބަކީ އެއްބަސްވުން އުވާލުމުން ވަޒީފާތަކަށް އަސަރުކުރާނެ ކަމަށެވެ؛ ވެމްކޯގެ ސީނިއާ ޕަބްލިކް ރިލޭޝަންސް އޮފިސަރު އަހުމަދު އާޒިމް ކުރިން ވިދާޅުވެފައިވާ ގޮތުގައި 178 ދިވެހިންނަށް އެ ކަމަށް ވަޒީފާ ދީފައިވެ އެވެ. ވެމްކޯއަށް އެ މަސައްކަތް ގެއްލިއްޖެ ނަމަ އެ މުވައްޒަފުން އެހެން ކަމަކަށް ބޭނުންކުރާނެ ކަމެވެ.

އެކަމަކު، މާލެ ސިޓީގެ މޭޔަރު ޑރ. މުހައްމަދު މުއިއްޒު "އަދަދު" އަށް ދެއްވި އިންޓަވިއެއްގެ ތެރެއިން މި ސުވާލު ކުރިމަތިކުރުމުން ޖަވާބު ފެއްޓެވީ ވެސް "ވަރަށް ބޮޑަށް އޮޅޭ ކަމެއް މިއީ، އަޅުގަނޑުމެން ނޫޅެމޭ ވެމްކޯގެ މެންޑޭޓް ތެރެއަށް ވަންނާކަށެއް،" މިހެން ވިދާޅުވުމަށްފަހު އެވެ.

"އަޅުގަނޑުމެން ޒިންމާވާކަށް ނުޖެހޭ، [ވެމްކޯއިން ވަޒީފާ ދީފައިވާ] އެ މީހުން ކަނޑާލަން ޖެހޭ އެއްވެސް ސަބަބެއް ނެތް،" މުއިއްޒު ވިދާޅުވި އެވެ.

މުއިއްޒު ފާހަގަ ކުރެއްވި ގޮތުގައި ވެމްކޯގެ ބިޒްނަސް މޮޑިއުލް އަކީ ގޭގެއާއި އިމާރާތްތަކުން ކުނި އެއްކުރުމެވެ. އެ މަސައްކަތަށް އަދިވެސް އެ މުވައްޒަފުން ބޭނުން ކުރެވޭނެ ކަމަށް އޭނާ ގަބޫލު ކުރައްވަ އެވެ. އަދި ސިޓީ ކައުންސިލުން ކުނި ގެންގޮސްދޭނީ ވެސް ވެމްކޯގެ ކުނި ޖަމާކުރާ ސައިޓަށް ކަމަށް ވިދާޅުވި އެވެ.

"އަޅުގަނޑުމެން ހަމަ ކުނި އެއް ކުރުމަށް ފަހު އިންޑަސްޓްރިއަލް ވިލެޖްގައި ހުންނަ ވެމްކޯ ސައިޓްއަށޭ އެއްކުރާނީ، ވަކި ސައިޓެއް ހަދާކަށް ވެސް ނޫޅެން، ވެމްކޯގެ މަސައްކަތް ހަމަ އޮންނާނެ،" މޭޔަރު މުއިއްޒު ވިދާޅުވި އެވެ.

އަދި އޭނާ ވިދާޅުވީ ސިޓީ ކައުންސިލުން އެ ހިދުމަތް ދިނުމަށް އިތުރު މުވައްޒަފުން ނަގާތީ ވަޒީފާގެ ފުރުސަތުތަކަށް އިއުލާން ކުރާނެ ކަމަށެވެ. އެހެންވެ އެ ވަޒީފާތައް ވެސް ވަޒީފާއަށް އަސަރުކުރާ ބަޔަކަށް އޮންނާނެ ކަމަށް މުއިއްޒު ވިދާޅުވި އެވެ.

"ވެމްކޯއިން އެއިން މީހަކު ވަޒީފާއިން ވަކިކުރިޔަސް، އަޅުގަނޑުމެން އެ ވަޒީފާތަކަށް އިއުލާން ކުރުމުން ހަމަ ކުރިމަތިލެވޭނެ، އަދި އެ އޮންނަ އުސޫލެއްގެ ތެރެއިން އެ ކަމަށް އެކަށޭނަ ބަޔަކަށް ހަމަ އަޅުގަނޑުމެން ވެސް ވަޒީފާ ދޭނެ،" މުއިއްޒު ވިދާޅުވި އެވެ.

އެއްބަސްވުން އާ ނުކުރަން ބޭނުން ވަނީ ކީއްވެ؟

ވެމްކޯއާ އެކު ހަދާފައިވާ އެއްބަސްވުމުގެ ދަށުން، މާލޭގެ އާންމު ސަރަހައްދުތަކުން ނަގާ ކުންޏަށް ޕިކަޕަކަށް ވަކި ރޭޓުން ފައިސާ ދައްކަ އެވެ. މޭޔަރު ގަބޫލުކުރައްވާ ގޮތުން އެ ކައުންސިލުން އަމިއްލައަށް ހިދުމަތް ދޭން ފަށައިފިނަމަ ވަކި ބަޔަކަށް ބަރޯސާނުވެ، މާ ހަރަދު ކުޑަކޮށް ކުރެވޭނެ އެވެ.

"އަޅުގަނޑުމެންގެ ތެރޭ މި މަޝްވަރާ އުފެދުނީ މިދިޔަ ދޮޅު އަހަރެއްހާ ދުވަހު 45 މިލިއަން ރުފިޔާ ބިލްކުރި، 38 މިލިއަން ރުފިޔާ ދޭން ޖެހުނު އިރު ސިޓީ ކައުންސިލުން އަނެއްކާ ހަމަ މި ކުނިތައް ނަގަން ޖެހޭތީ، ޑަބަލް ހަރަދު އަދި ޑަބަލް މަސައްކަތް،" މުއިއްޒު ކިޔައިދެއްވި އެވެ.

"އަޅުގަނޑުމެންގެ ލޮރީތައް މަދެއް ނުވޭ. ވެމްކޯ ނަގަން ޖެހޭ ކުނި މި ހުންނަނީ، ނުނަގާ ހުރީމަ، މީހުން ޝަކުވާ ކުރީމަ، އަޅުގަނޑުމެން ވެސް މި ނަގަނީ، އެކަމަކު ލާރި ދީފަވޭ ވެމްކޯއަށް އެ ކަން ކުރަން،" މުއިއްޒު ވަރަށް ބޮޑަށް ހިތްހަމަނުޖެހުން ފާޅު ކުރައްވައި ވިދާޅުވި އެވެ.

މޭޔަރު ތަކުރާރުކޮށް ވިދާޅުވީ ވެމްކޯގެ މެންޑޭޓް ތެރެއަށް ކައުންސިލުން ނުވަންނަ ކަމަށެވެ. ވަންނަން މަސައްކަތް ވެސް ނުކުރައްވާނެ ކަމަށެވެ. އެހެންކަމުން އޭގައި ވެމްކޯއިން ކަންބޮޑުވާން ޖެހޭ މައްސަލައެއް ނެތް ކަމަށް މުއިއްޒު ދެކެވަޑައިގަންނަވަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox