ސިޔާސީ ސަބަބުތަކާ ހުރެ އެސްއޯއީތަކުން މުވައްޒަފުން ކަނޑާ ކަމަށް މުއިއްޒު އެއްބަސްވެވަޑައިނުގެންނެވި

ރައީސް އޮފީހުގައި ޖޫން 29، 2026 ގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވާހަކަ ދައްކަވަނީ: ސިޔާސީ ފިކުރަކާ ގުޅުވާ އެއްވެސް މުވައްޒަފަކަށް ފިޔަވަޅު ނާޅަ ކަމަށް މުއިއްޒު ވިދާޅުވި --- ފޮޓޯ: ރައީސް އޮފީސް

ރައީސް އޮފީހުގައި ޖޫން 29، 2026 ގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވާހަކަ ދައްކަވަނީ: ސިޔާސީ ފިކުރަކާ ގުޅުވާ އެއްވެސް މުވައްޒަފަކަށް ފިޔަވަޅު ނާޅަ ކަމަށް މުއިއްޒު ވިދާޅުވި --- ފޮޓޯ: ރައީސް އޮފީސް

ސަރުކާރު ކުންފުނިތައް ރައިޓް ސައިޒް ކުރުމުގެ ނަމުގައި މުވައްޒަފުންގެ ސިޔާސީ ފިކުރާ ގުޅުވާ އެ މުވައްޒަފުން ވަކިކުރަމުންދާ ވާހަކަތައް ދޮގު ކުރައްވައި،  ސިޔާސީ ގޮތުން ވަކި ބަޔަކަށް އަމާޒުކޮށްގެން އެެއްވެސް ފިޔަވަޅެއް އަޅަން ނާންގާ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ. 

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވަނީ ސަރުކާރު ކުންފުނިތަކުން މުވައްޒަފުން ވަކިކުރުން ދިފާއުކުރައްވާ، އެއީ އިރާން ހަނގުރާމައާ ގުޅިގެން މަޖުބޫރުން ކުރަން ޖެހުނު ކަމެއް ކަމަށް ވިދާޅުވެފަ އެވެ. އަދި، މިއީ ވެރިކަމާ ހަވާލުވެވަޑައިގެންނެވި ކުރިން ސިޔާސީ މަގާމުތަކުގައި ތިބި މުވައްޒަފުން ނޫން އެހެން އެއްވެސް މުވައްޒަފަކު ވަކިކުރަންވީ ވައުދާ ހިލާފުވުން ނޫން ކަމަށް ވެސް އެމަނިކުފާނު ވިދާޅުވި އެވެ. 

"އަޅުގަނޑުގެ ވައުދު އަޅުގަނޑު ފުއްދީމޭ އިނގޭތޯ. އެއީ އަޅުގަނޑުމެން ސަރުކާރުން ފެށިގެންދިޔައިރު ތި ވިދާޅުވި ގޮތަށް ކުންފުނިތަކުގައި ތިބި ޕޮލިޓިކަލް މަގާމުތައް ފިޔަވައި ދެން ތިބި މީހުން ހަމަ ތިބި އިނގޭތޯ، އެތައް މަހެއް ވަންދެން ވެސް ތިބި، އަދި އަހަރު ދުވަހަށްވުރެ ގިނަ، ދެ އަހަރު ދުވަހާ ހަމައަށް ތިބި ފަރާތްތައް ވެސް ތިބޭނެ،" މުއިއްޒު ވިދާޅުވި އެވެ. 

Advertisement

ހަނގުރާމައަ ގުޅިގެން މުވައްޒަފުން ވަކިކުރަން ޖެހުނަސް، މުއިއްްޒު ވިދާޅުވީ އެކަން ކުރަމުން ދަނީ ކަނޑައެޅިފައި އޮންނަ އުސޫލުތަކާއި ހަމަތަކުގެ ތެރެއިން ކަމަށެވެ. މި ނޫން ގޮތަކުން ވަކިކުރާ މުވައްޒަފުންނަކީ، އެމަނިކުފާނު ވިދާޅުވި ގޮތުގައި، ކުންފުނީގެ މަސައްކަތުގައި ބައިވެރިނުވާތީ ނޫނީ ޕްރޮބޭޝަނުގައި ހުރުމުން ދޫކޮށްލާފައިވާ މުވައްޒަފުން ނޫން އެހެން މުވައްޒަފަކު މި ވޭތުވި މުއްދަތުގެ ތެރޭގައި ވަޒީފާއިން ވަކިކޮށްފަ ނުވާނެ ކަމަށެވެ. 

"އަޅަން ޖެހޭ ފިޔަވަޅުތައް އަޅަނީ، އަޅުގަނޑުވީ ވައުދާ ހިލާފުވެގެން ކުރާ ކަމެއް ނޫން. މިހާރު ހިނގާ އެކްސަސައިޒަކީ ކުންފުނިތަކުގެ ސައިޒު ކުޑަކުރުމަށް ކުރާ މަސައްކަތެއް، ދެން ސިޔާސީ ގޮތުން ވަކި ފަރާތަކަށް އަމާޒުކޮށްގެން ކަމެއް ކުރުމަކީ ހަމަ ޔަގީނުން ވެސް އަޅުގަނޑު އަންގާ ކަމެއް ނޫން،" މުއިއްޒު ވިދާޅުވި އެވެ. 

މުއިއްޒު ވަނީ މި ވަގުތު މިކުރާ މަސައްކަތަކީ ކުންފުނިތަކުން މުވައްޒަފުން ވަކިނުކުރަންވީ ވައުދާ ހިލާފުވުން ކަމަށް ގަބޫލުނުކުރާ ކަމަށް ވިދާޅުވެފަ އެވެ. އެ ވައުދާ އެއް ގޮތަށް ކުންފުނިތަކުގައި މުވައްޒަފުން ބޭތިއްބި ކަމަށާއި މިހާރު މިކުރާ މަސައްކަތަކީ އެއާ ގުޅުން ހުރި ކަމެއް ނޫން ކަމަށް އެމަނިކުފާނު ވިދާޅުވި އެވެ. އަދި، އޭރުވީ ވައުދުގެ މާނައަކީ ކޮންމެ ހާލެއްގައި ވެސް މުވައްޒަފުން ބޭތިއްބުން ނޫން ކަމަށް މުއިއްޒު ވިދާޅުވި އެވެ. 

"އެ މުވައްޒަފުން ކޮންމެ ފަދަ ގޮތަކަށް ވެސް އުޅެންވީ ހެއްޔޭ. ކުންފުންޏަށް ބޮޑު ގެއްލުމެއް ވެސް ދޭންވީ މިސާލަކަށް، ފޯ އާގިއުމެންޓްސް ސޭކު ކުންފުނިން ވައްކަން ކުރީ މިސާލަށް، ނޫނިއްޔާ ހަމަ ކުންފުނީގެ ހަރު މުދަލަށް ވެސް ގެއްލުން ދިނީ، ދެން އޭނަ ވަކިކޮށްގެނެއް ނުވޭ، އަޅުގަނޑު ވައުދުވެފައި އޮތީމައި،" އެމަނިކުފާނު ވިދާޅުވި އެވެ.

"އަޅުގަނޑަކަށް ހިއެއް ނުވޭ ހަމަ ބުއްދި ގަބޫލުކުރާ އެކަކު ވެސް އެކަން އެގޮތަށް ވިސްނާނެ ކަމަކަށް."

މުއިއްޒު ވަނި މި ނޫނަސް ސަރުކާރުން ހަރަދު ކުޑަކުރަން ފިޔަވަޅުތައް އަޅާ ކަމަށް ވިދާޅުވެފަ އެވެ. އޭގެ މިސާލެއްގެ ގޮތުގައި ދެއްވީ، ސިޔާސީ މުވައްޒަފުންގެ މުސާރަތައް ކުޑަކުރުމެވެ. އެމަނިކުފާނު ވިދާޅުވީ ސިޔާސީ މަގާމުތަކުގައި ތިބި މުސާރަ 10 ޕަސެންޓު ކުޑަކޮށްގެން އުޅޭތާ ދެ ވަނަ އަހަރު މި ނިމެނީ ކަމަށެވެ.

މުއިއްޒު ވަނީ މި އަދަދުތައް ފިނޭންސް މިނިސްޓްރީން ޝާއިއުކޮށްފައިވާ ތަފާސްހިސާބުތަކުން ފެންނާނެ ކަމަށް ވިދާޅުވެފަ އެވެ. ނަމަވެސް އެ މިނިސްޓްރީން ޝާއިއުކޮށްފައިވާ ހިސާބުތައް ދައްކަނީ ވޭތުވި ދެ އަހަރުގެ ތެރޭގައި ދައުލަތުގެ މުވައްޒަފުންގެ މުސާރަ ހަރަދު އިންތިހާއަށް ބޮޑުވެފައިވާ މަންޒަރެވެ. އަދި، ސިޔާސީ މުވައްޒަފުންގެ އަދަދާއި ހިނގާ ހަރަދާއި މުސާރަތަކަކީ ފިނޭންސުން ބަލަހައްޓާ އެއްޗެއް ނޫން ކަމަށް ބުނެ އެ މައުލޫމާތު ވެސް ނުދީ ހިފަހައްޓާތީ، މުއިއްޒު ދެން އެ ވިދާޅުވި ވާހަކައިގެ ސައްހަކަން ވެސް ކަށަވަރުކުރެވޭނެ ގޮތެއް ނެތެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox