ލިވަޕޫލުން ޕޮޗެޓީނޯއާ އެކު ނުކުތް މެންޗެސްޓާ ޔުނައިޓެޑް ބަލިކޮށްފި

Nov 22, 2026, 11:43 PM
ޔުނައިޓެޑް ކޮޅަށް ލަނޑު ޖެހުމަށް ފަހު ލިވަޕޫލްގެ އެންގުމޯހާ އުފާފާޅުކުރަނީ.

ޔުނައިޓެޑް ކޮޅަށް ލަނޑު ޖެހުމަށް ފަހު ލިވަޕޫލްގެ އެންގުމޯހާ އުފާފާޅުކުރަނީ.

ލިވަޕޫލް (ނޮވެމްބަރު 22) - މައުރީސިއޯ ޕޮޗެޓީނޯގެ ކޯޗުކަމުގައި މެންޗެސްޓާ ޔުނައިޓެޑް ކުޅުނު ފުރަތަމަ މެޗުގައި މިރޭ ލިވަޕޫލް އަތުން 4-0 އިން ބަލިވެއްޖެ އެވެ. 

ޔުނައިޓެޑުން މި މެޗުގެ ނުވަ ވަނަ މިނިޓުން ފެށިގެން ކުޅުނީ އެއް ކުޅުންތެރިއަކު މަދުކޮށެވެ. އެއީ، ޔުނައިޓެޑްގެ ލެނީ ޔޯރޯ އަށް ރަތެއް ދެއްކުމުންނެވެ. ޔޯރޯ އަށް ރަތެއް ދެއްކީ ލިވަޕޫލްގެ އަލެކްސަންޑަ އިސާކް ހުސްކޮށް ދިޔަ ބޯޅައެއްގައި ފައުލުކުރި ކަމަށް ބަލައިފަ އެވެ. އެ ފައުލަށް އޭރިއާބޭރުން ދިން ހިލޭ ޖެހުން ގޯލަށް ވައްދާލައިގެން 10 ވަނަ މިނިޓްގައި ލިވަޕޫލަށް ލީޑުނަގައިދިނީ ޑޮމިނިކް ސޮބޯސްލާއި އެވެ. 

ފުރަތަަމަ ގޯލު ޖެހިތާ ތިން މިނިޓް ފަހުން، ލިވަޕޫލުން ދެ ވަނަ ލަނޑު ޖަހައި މެޗުގެ ކޮންޓްރޯލް ނެގި އެވެ. މިއީ، ރިއޯ އެންގުމޯހާ ނަގައިދިން ހުރަހަކަށް އަރައި ފްލޯރިއަން ވާޓްޒް ޖެހި ގޯލެކެވެ. ލިވަޕޫލަށް ތިން ވަނަ ލަނޑެއް ޖަހައިދޭން ފުރަތަަމަ ހާފުގައި އެންގުމޯހާ، އަލެކްސިސް މެކް އަލިސްޓާ އަދި އަލެކްސަންޑަ އިސާކަށް ރަނގަޅު ފުރުސަތުތަކެއް ލިބި ބޭނުމެއް ނުކުރެވުނެވެ. 

Advertisement

ޔުނައިޓެޑުން ހެރީ މެގުއާ ބެންޗަށް ލައިގެން، މަތައިސް ޑި ލިޓްއާ އެކު ފެށި މި މެޗުގައި، ފަހުން ވަނީ މެގުއާ ކުޅެން އަރުވައިފަ އެވެ. 

ލިވަޕޫލުން އަނެއް ދެ ލަނޑު ޖެހީ ދެ ވަނަ ހާފުގަ އެވެ. އެ ޓީމުގެ ތިން ވަނަ ލަނޑު ޖެހީ 66 ވަނަ މިނިޓްގައި ބްރެޑްލީ ބާކޮލާ ތަނަވަސްކޮށްދިން ފުރުސަތަކުން އެންގުމޯހާ އެވެ. މި ލަނޑާ އެކު، އެންގުމޯހާ ވެފައިވަނީ ޕްރިިމިއާ ލީގުގައި ޔުނައިޓެޑް ކޮޅަށް ލަނޑު ޖެހި އެންމެ ޒުވާން ކުޅުންތެރިޔާ އަށެވެ. އޭނާގެ އުމުރަކީ 18 އަހަރާއި 85 ދުވަހެވެ. ކުރިން މި ރެކޯޑް އޮތީ މައިކަލް އޮވެން އަތުގަ އެވެ. 

މެޗުގައި ލިވަޕޫލްގެ ފަހު ލަނޑު ޖެހީ ބަދަލަކަށް ކުޅެން އެރި ޑެނިއަލް މުނޯޒް އެވެ. އޭނާ މި ލަނޑު ޖެހީ، 82 ވަނަ މިނިޓްގަ އެވެ. މި ލަނޑު ޖަހަން ފުރުސަތު ތަނަވަސްކޮށްދިނީ ވާޓްޒް އެވެ. މި މެޗުގައި ވާޓްޒް ވަނީ ލަނޑު ޖަހަން 10 ފުރުސަތު ހޯދައިދީފަ އެވެ. މިއީ، ޕްރިމިއާ ލީގުގައި 2015 ވަނަ އަހަރުގެ ފަހުން އެއް މެޗެއްގައި އެއް ކުޅުންތެރިއަކު މިހާ ގިނައިން ލަނޑު ޖަހާނެ ފުރުސަތު ހޯދައިދިން މެޗެވެ. މީގެ ކުރިން، އެއް މެޗެއްގައި މިހާ ގިނައިން ގޯލު ޖަހަން ފުރުސަތު ހޯދައިދިނީ 2015 ވަނަ އަހަރު ވެސްޓް ބްރޮމްއާ ކުޅުނު މެޗެއްގައި އޭރު މެންޗެސްޓާ ސިޓީ އަށް ކުޅުނު ޑޭވިޑް ސިލްވާ އެވެ. 

ލީގުގައި މިރޭ ބްރައިޓަން ހޯލްވް އެންޑް އަލްބިއަން އަތުން ހަލް ސިޓީ ވަނީ 2-0 އިން މޮޅުވެފަ އެވެ. ހަލްގެ އޮލީ މެކްބާނީ މި މެޗުގައި ދެ ގޯލު ވެސް ޖެހީ، އިތުރު ވަގުުތުގެ ތެރޭގަ އެވެ. އެއީ، ބްރައިޓަންގެ ކޮސްޓީނިއާ އަށް ދެ ވަނަ ރީނދޫ ކާޑާ އެކު ރަތެއް ދެއްކި ފަހުންނެވެ. 

ބްރައިޓަން ބަލިވުމާ އެކު، ލީގުގެ ވަނައިގައި އާސެނަލަށް ހަ ޕޮއިންޓުގެ ލީޑެއް ވަނީ ޔަގީންވެފަ އެވެ. އެއް ވަނައިގައި އޮތް އާސެނަލަށް 11 މެޗުން 28 ޕޮއިންޓް ލިބިފައިވާއިރު، ދެ ވަނައިގައި އޮތް ބްރައިޓަން އާއި ތިން ވަނައިގައި އޮތް ސިޓީ އަށް 11 މެޗުން ލިބުނީ 22 ޕޮއިންޓެވެ. އަދި، ލިވަޕޫލުން މި ވަނީ 11 މެޗުން 21 ޕޮއިންޓް ހޯދައިފަ އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox